Ahmedabad/ ગુજરાત યુનિ. ખાતે 'ભાવ, રંગ અને તાલ'ના મહાસંગમ સમાન ‘ભારત કુલ’ ફેસ્ટિવલના અધ્યાય-2 નો ભવ્ય પ્રારંભ
છેલ્લું અપડેટ : 12 Dec 2025
સોર્સ : gstv
ગુજરાતની સાંસ્કૃતિક વિરાસતને યુવાશક્તિ સાથે જોડવાના ઉમદા હેતુથી અમદાવાદની ગુજરાત યુનિવર્સિટી ખાતે 'ભારત કુલ' ફેસ્ટિવલના બીજા અધ્યાયનો આજથી, એટલે કે 12 ડિસેમ્બરથી, ભવ્ય પ્રારંભ થયો છે. ત્રણ દિવસ સુધી ચાલનારો આ અદ્ભુત સાંસ્કૃતિક મહોત્સવ 14 ડિસેમ્બર સુધી ભારતીય સંસ્કૃતિ, કલા, સંગીત અને નૃત્યના અનેરા સંગમનું સાક્ષી બનશે.
મુખ્યમંત્રીના હસ્તે ઉદ્ઘાટન અને દિવ્ય પ્રારંભ
‘ભારત કુલ’ ફેસ્ટિવલના અધ્યાય-2 નું ઉદ્ઘાટન ગુજરાતના મુખ્યમંત્રી ભૂપેન્દ્રભાઈ પટેલના વરદ હસ્તે કરવામાં આવ્યું હતું. તેમણે ભવ્ય ઉદીપ પ્રાગટ્ય કરીને મહોત્સવનો શુભારંભ કરાવ્યો હતો. આ પ્રસંગે નાયબ મુખ્યમંત્રી હર્ષ સંઘવીની વિશેષ ઉપસ્થિતિ રહી હતી.
