VIDEO: Ahmedabad/ નારોલમાં અસામાજિક તત્વો બન્યા બેફામ; પોલીસની હાજરીમાં જ ગુંડાગીરી કરતા CCTV વાયરલ
છેલ્લું અપડેટ : 01 May 2026
સોર્સ : GSTV
અમદાવાદના નારોલ વિસ્તારમાં અસામાજિક તત્વો બેફામ બન્યા છે. નારોલ બાગ-એ-સિફા અને કર્ણાવતી ચોકી પાસે કેટલાક શખ્સોએ જાહેરમાં ગુંડાગીરી કરી ભયનો માહોલ સર્જ્યો હતો. ચોંકાવનારી વાત એ છે કે, પોલીસની હાજરી હોવા છતાં આ તત્વોએ બિન્દાસ્તપણે ડંડા ઉગામ્યા હતા. ઘટના સમયે PCR વાનના પોલીસકર્મીઓએ વચ્ચે પડીને માંડ-માંડ મામલો થાળે પાડ્યો હતો. આ સમગ્ર ઘટનાના CCTV ફૂટેજ સોશિયલ મીડિયા પર વાયરલ થયા છે, જેને પગલે સ્થાનિક લોકોમાં ફફડાટ વ્યાપી ગયો છે. રહેવાસીઓ હવે સુરક્ષા વ્યવસ્થા સામે સવાલો ઉઠાવી રહ્યા છે અને આ ગુંડાઓ વિરુદ્ધ કડક કાયદાકીય કાર્યવાહી કરવાની માંગ કરી રહ્યા છે.
