Ahmedabad / વાયરલ ઇન્ફેક્શનના કેસમાં વધારો, સોલા સિવિલમાં એક અઠવાડિયામાં નોંધાયા 1572 કેસ
છેલ્લું અપડેટ : 27 Mar 2024
Ahmedabad News : અમદાવાદ શહેરમાં વાયરલ ઇન્ફેક્શનના કેસમાં વધારો થયો છે. સોલા સિવિલ હોસ્પિટલમાં ગયા અઠવાડિયા માં વાયરલ ઇન્ફેક્શનના 1572 કેસ નોંધાયા હતાં. વધતી જતી ગરમી અને મિશ્ર ઋતુના કારણે OPDમાં પણ વધારો થયો છે સોલા સિવિલ હોસ્પિટલમાં ગયા અઠવાડિયે OPDમાં 10030 જેટલા દર્દી નોંધાયા હતા.
બીજી બાજુ ડેન્ગ્યુ મેલેરિયા અને ચિકનગુનિયા કેસોમાં ઘટાડો થયો છે. મેલેરિયાના 205 સસ્પેક્ટેડ કેસ અને એક પોઝિટિવ આવ્યો હતો. ડેન્ગ્યુના 73 જેટલા સસ્પેક્ટેડમાંથી ત્રણ પોઝિટિવ આવ્યા હતા ચિકનગુનિયાનાનો હાલ એક પણ દરદી નોંધાયો નથી.
ગરમી ના કારણે ઝાડા ઉલટીના કેસ પણ વધી રહ્યા છે. સોલા સિવિલમાં ઝાડા-ઉલ્ટીના 14 કેસ, તેમજ ટાઈફોડના 4 કેસ નોંધાયા હતા.વાયરલ હિપેટાઇટિસના બે કેસ ગયા અઠવાડિયામાં જોવા મળ્યા હતા. પીડીયાટ્રીક વિભાગમાં 11 જેટલા બાળકો હાલ સારવાર હેઠળ છે
રાજ્યમાં સ્વાઈન ફ્લૂનો કાળો કેર જોવા મળી રહ્યો છે. આખા રાજ્ય સ્વાઈન ફ્લૂના 130 કેસ સામે આવ્યા છે અને 9 લોકો મોત થયાં છે. સોલા સિવિલ હોસ્પિટલમાં સ્વાઈન ફ્લૂથીનો એક પણ કેસ નથી.
