VIDEO: યૂપીમાં 'અર્નાબ' વાવાઝોડાનો કાળમુખો કહેર!
છેલ્લું અપડેટ : 27 Sept 2026
સિદ્ધાર્થનગરમાં 'અર્નાબ' વાવાઝોડાનો કાળમુખો કહેર!
મા વતવાસિની ધામ જતા મુખ્ય માર્ગ પર વિશાળકાય વૃક્ષ ધરાશાયી થતાં શ્રદ્ધાળુઓ અટવાયા!
કાદવ અને પાણી વચ્ચેથી પસાર થવા મજબૂર બન્યા ગ્રામજનો!
ઉત્તર પ્રદેશના સિદ્ધાર્થનગરમાં અર્નાબ વાવાઝોડાના પગલે અતિશય મુસળધાર વરસાદ અને તોફાની પવનોએ ભારે બરબાદી સર્જી છે. અરબ સાગરથી સર્જાયેલા આ દરિયાઈ વાવાઝોડાની અસરથી સિદ્ધાર્થનગર જિલ્લામાં વૃક્ષો, ખેતરમાં ઉભા પાક અને વીજ ઈન્ફ્રાસ્ટ્રક્ચરને મોટું નુકસાન પહોંચ્યું છે. કસમયના આ ચક્રવાતી વરસાદ અને પવનના તોફાને સમગ્ર વિસ્તારના વિજ પુરવઠા અને માર્ગીય વાહનવ્યવહારને અસ્તવ્યસ્ત કરી નાખ્યો છે.ડુમરિયાગંજ તાલુકાના કુંગાઈ ગાલાપુર માર્ગ પર આવેલા પ્રખ્યાત મા વતવાસિની ધામ જતાં મુખ્ય રસ્તા પર એક વિશાળકાય વૃક્ષ જડમૂળથી ઉખડીને ધરાશાયી થયું હતું. તોફાની પવનો અને સતત વરસાદના લીધે રોડની વચ્ચોવચ ઝાડ પડી જતાં આખો રસ્તો બ્લોક થઈ ગયો હતો. માર્ગ અવરોધાવવાના કારણે સ્થાનિક રહીશો, શાળાએ જતા બાળકો અને મા વતવાસિની મંદિર દર્શન કરવા જતાં શ્રદ્ધાળુઓ ભારે મુશ્કેલીમાં મુકાયા હતા. લોકોને કાદવ અને પાણી ભરાયેલા રસ્તાઓ વચ્ચેથી વિકલ્પ તરીકે અન્ય રસ્તેથી નીકળવાની નોબત આવી હતી.
ચક્રવાતી આફતથી ભારે તારાજી
વીજળી ગુલ, માર્ગો ઠપ અને ખેડૂતોને પડ્યો આકરો ફટકો!
સ્થાનિક ગ્રામજનોના જણાવ્યા અનુસાર, સતત વરસી રહેલા આફતના વરસાદના કારણે જમીન પોચી પડી ગઈ હતી અને વૃક્ષની જડો નબળી પડી ગઈ હતી. તેવામાં ચક્રવાતી તોફાનના તેજ ઝોંકા આવતાં જ વિરાટ વૃક્ષ ભડભડ કરતું રસ્તા પર આવી પડ્યું હતું. સદનસીબે દુર્ઘટના સમયે રસ્તા પરથી કોઈ વટેમાર્ગુ પસાર થઈ રહ્યો ન હતો, નહીંતર મોટી જાનહાનિ સર્જાઈ હોત. ઘટનાની જાણ થતાં જ ગ્રામજનો અને રાહત ટીમોએ વૃક્ષ હટાવવાની કામગીરી હાથ ધરી હતી.સિદ્ધાર્થનગરથી સામે આવેલા ગ્રાઉન્ડ રિપોર્ટના દ્રશ્યોમાં જમીનદોસ્ત થયેલા વીજપોલ, ધરાશાયી વૃક્ષો અને કાદવ-કચરા વચ્ચેથી પસાર થતાં રાહદારીઓ સ્પષ્ટ જોઈ શકાય છે. વાવાઝોડાના પ્રકોપથી ખેતરોમાં ઢળી પડેલા પાકને કારણે ખેડૂતો મોટી આર્થિક વિપદામાં મુકાયા છે. પરિસ્થિતિને ધ્યાનમાં રાખીને વહીવટી તંત્ર દ્વારા વીજ પુરવઠો પુનઃસ્થાપિત કરવા અને માર્ગો ખુલ્લા કરવા યુદ્ધના ધોરણે કામગીરી ચલાવવામાં આવી રહી છે.