VIDEO: સ્વચ્છતા અને રાહત દરે પીરસાતો સ્વાદિષ્ટ ભોજન!
છેલ્લું અપડેટ : 30 Sept 2026
રાજૌરીની સરહદે મહિલા સશક્તિકરણની નવી મિશાલ
શબાના નાઝે શરૂ કરી આધુનિક રેસ્ટોરન્ટ!
અંતરિયાળ વિસ્તારમાં કદમ જમાવતું સ્વદેશી સાહસ
જમ્મુ-કાશ્મીરના સરહદી જિલ્લા રાજૌરીના એક દૂરદૂરના અંતરિયાળ વિસ્તારમાં મહિલા સશક્તિકરણનું એક ઉત્કૃષ્ટ ઉદાહરણ સામે આવ્યું છે. સ્થાનિક મહિલા ઉદ્યોગસાહસિક શબાના નાઝ દ્વારા આ અંતરિયાળ સરહદી ક્ષેત્રમાં એક આધુનિક રેસ્ટોરન્ટની શરૂઆત કરવામાં આવી છે. ભૌગોલિક પડકારો અને સંસાધનોની અછત વચ્ચે એક મહિલા દ્વારા ઉઠાવવામાં આવેલું આ સાહસિક કદમ સમગ્ર પ્રદેશમાં ચર્ચા અને પ્રશંસાનો વિષય બન્યું છે.રેસ્ટોરન્ટના માલિક શબાના નાઝ અને તેમની ટીમે ગ્રાહકોને ગુણવત્તાયુક્ત સુવિધાઓ આપવા પર વિશેષ ભાર મૂક્યો છે. મેનેજર શુભમ, શેફ રિઝવાન તેમજ સ્ટાફ મેમ્બર્સ આફતાબ અને આબિદના જણાવ્યા મુજબ, રેસ્ટોરન્ટમાં સ્વચ્છતા અને હાઈજીનનું ખાસ ધ્યાન રાખવામાં આવે છે. શેફ રિઝવાને ઉમેર્યું કે તેઓ દરેક વર્ગના લોકો આસાનીથી વિઝિટ કરી શકે તે માટે રાહત દરે ટેસ્ટી અને ગુણવત્તાયુક્ત ભોજન પીરસી રહ્યા છે, જેથી નાનામાં નાનો માણસ પણ આ સુવિધાનો લાભ લઈ શકે.
સ્વચ્છતા અને રાહત દરે પીરસાતો સ્વાદિષ્ટ ભોજન!
મહિલા સાહસિકના વિઝનથી સ્થાનિક અર્થતંત્રને મળ્યો બૂસ્ટર ડોઝ!
સરહદી વિસ્તારમાં આ પ્રકારની આધુનિક રેસ્ટોરન્ટ શરૂ થવાથી સ્થાનિક નાગરિકો અને પ્રવાસીઓમાં ભારે ઉત્સાહ જોવા મળી રહ્યો છે. પહેલાં સારા ભોજન અને બેઠક માટે દૂરના શહેરોમાં જવું પડતું હતું, પરંતુ હવે ઘરઆંગણે જ ઉત્તમ વાતાવરણ અને સ્વાદિષ્ટ વાનગીઓ મળી રહી છે. આ સાહસથી માત્ર સ્થાનિક લોકોને રોજગારીની તકો જ નથી મળી, પરંતુ સરહદી વિસ્તારના આર્થિક વિકાસને પણ એક નવી દિશા અને બૂસ્ટર ડોઝ મળ્યો છે.રાજૌરીથી સામે આવેલા તાજેતરના ગ્રાઉન્ડ રિપોર્ટના દ્રશ્યોમાં રેસ્ટોરન્ટનું સુંદર ઈન્ટિરિયર, રસોડામાં સ્વચ્છતા સાથે વાનગીઓ બનાવતા શેફ અને ગ્રાહકોનું સ્વાગત કરતી શબાના નાઝની ટીમ સ્પષ્ટ જોઈ શકાય છે. મહિલા સશક્તિકરણની આ નવી મિશાલ સરહદી કાશ્મીરની અન્ય મહિલાઓને પણ સ્વનિર્ભર બનવા અને વ્યવસાયિક ક્ષેત્રે આગળ વધવા માટે પ્રેરણા પૂરી પાડશે.
બ્યૂરો રિપોર્ટ જીએસટીવી
