Video: "તાઉ તૂ...તેરી છોરી કી ઉમ્ર કી હું મેં!" હરિયાણવી કલાકાર પ્રાંજલ દહિયાનો Video viral

 

પ્રખ્યાત હરિયાણવી કલાકાર પ્રાંજલ દહિયા એક શો દરમિયાન નારાજ થઈ ગઈ હતી. પ્રેક્ષકો દ્વારા કરવામાં આવેલી બદતમીઝી પર તેણે તેમને જોરદાર ઠપકો આપ્યો હતો. પ્રાંજલ દહિયાનો આ વીડિયો સોશિયલ મીડિયા પર વાયરલ થઈ રહ્યો છે, જેમાં તે સ્ટેજ પર ઊભા રહીને પોતાની નારાજગી વ્યક્ત કરી રહી છે.

વાયરલ થઈ રહેલા વીડિયોમાં પ્રાંજલ કહે છે, "તમારે લોકોએ વિચારવું જોઈએ કે કોઈની બહેન-દીકરી પણ અહીં ઊભી છે. તેથી મર્યાદામાં રહો."

તમારી દીકરીની ઉંમરની છું...

પ્રાંજલ દહિયાએ બદતમીઝી કરી રહેલા એક મોટી ઉંમરના વ્યક્તિને (તાઉ) જોરદાર પાઠ ભણાવ્યો હતો. તેણે સ્ટેજ પરથી જ ચેતવણી આપતા કહ્યું કે, "તાઉ તું, તારી દીકરીની ઉંમરની છું હું. કેમ મોઢું ફેરવી રહ્યા છો? તમને જ કહી રહી છું. થોડા કંટ્રોલમાં રહો."

સ્ટેજ પર ચઢવા બદલ નારાજગી

હરિયાણવી કલાકારે પ્રેક્ષકોને સ્ટેજ પર ન આવવા માટે પણ વિનંતી કરી હતી. તેણે કહ્યું કે, "અમારું પર્ફોર્મન્સ હજુ બાકી છે. મહેરબાની કરીને સ્ટેજ પર ન આવો. તમે લોકો ખુલીને એન્જોય કરો, પરંતુ માન-મર્યાદા જાળવી રાખો."

કોણ છે પ્રાંજલ દહિયા?

પ્રાંજલ દહિયા હરિયાણા અને પંજાબની એક પ્રખ્યાત મોડલ અને અભિનેત્રી છે. હરિયાણવી અને પંજાબી ગીતોમાં તેનો અભિનય ધૂમ મચાવે છે. '52 ગજ કા દામન' થી લઈને 'જીપ્સી' જેવા ગીતોમાં તેના અભિનયે ઘણી લોકપ્રિયતા મેળવી હતી. '52 ગજ કા દામન' ગીતને તો યુટ્યુબ પર એક બિલિયન (100 કરોડ) થી વધુ વ્યૂઝ મળ્યા છે.