એક મુવી અને ત્રણ OTT પ્લેટફોર્મ, સાઉથની ફિલ્મે ઈન્ટરનેટ પર મચાવી હલચલ

કેટલીક ફિલ્મો એવી હોય છે જે બજેટની દૃષ્ટિએ નાની હોય છે, પરંતુ તેની રિલીઝ પછી લોકોમાં એવી અસર જોવા મળે છે કે દરેક જગ્યાએ એક જ ફિલ્મની ચર્ચા થાય છે. પ્રશાંત વર્માના નિર્દેશનમાં બનેલી ‘હનુમાન’ પણ આ પ્રકારની ફિલ્મ છે. આ ફિલ્મ 12 જાન્યુઆરીએ સિનેમાઘરોમાં રિલીઝ થઈ હતી. ફિલ્મને એટલો સારો રિસ્પોન્સ મળ્યો કે જાણે બોક્સ ઓફિસ પર પૈસાનો વરસાદ થઈ રહ્યો હોય એવું લાગી રહ્યું હતું. છેલ્લા ઘણા સમયથી, આ ફિલ્મ તેની OTT રિલીઝ માટે ચર્ચામાં છે.

અગાઉ આ ફિલ્મ તેલુગુ ભાષામાં ZEE5 પર રિલીઝ થઈ હતી. જે બાદ તેને Jio સિનેમા પર હિન્દીમાં સ્ટ્રીમ કરવામાં આવી હતી. પરંતુ આ ફિલ્મ અહીં અટકવાની નથી. વાસ્તવમાં, બે પ્લેટફોર્મ પર રિલીઝ થયા બાદ હવે તેને ત્રીજી OTT એપ પર સ્ટ્રીમ કરવામાં આવશે. આ અંગેની જાહેરાત 25 માર્ચે જ કરવામાં આવી છે.

હવે આ OTT એપ પર આવશે

તેલુગુ અને હિન્દી બાદ હવે આ ફિલ્મ તમિલ ભાષામાં રિલીઝ થવાની તૈયારીમાં છે. આ માટે નિર્માતાઓએ ડિઝની પ્લસ હોસ્ટારની પસંદગી કરી છે. ડિઝની પ્લસ હોસ્ટાર દ્વારા સોશિયલ મીડિયા પર એક પોસ્ટ શેર કરતી વખતે કહેવામાં આવ્યું હતું કે આ ફિલ્મ 5 એપ્રિલથી તમિલ ભાષામાં સ્ટ્રીમ કરવામાં આવશે.

‘હનુમાન’એ બોક્સ ઓફિસ પર કેટલી કમાણી કરી?

રિપોર્ટ અનુસાર, આ ફિલ્મને બનાવવામાં મેકર્સે અંદાજે 40 કરોડ રૂપિયાનો ખર્ચ કર્યો હતો. પરંતુ જ્યારે કમાણીની વાત આવે છે, ત્યારે તે ખર્ચ કરતાં લગભગ 8 ગણી વધુ વસૂલ કરે છે. રિપોર્ટ્સ અનુસાર આ ફિલ્મે દુનિયાભરમાં 330 કરોડ રૂપિયાથી વધુનો બિઝનેસ કર્યો છે.

જો કે, દર્શકોને આ ફિલ્મ એટલી પસંદ આવી કે તેના થિયેટરમાં રિલીઝ થયાના માત્ર 10 દિવસ પછી, નિર્માતાઓએ તેના આગામી ભાગની જાહેરાત કરી. આવનારા સમયમાં આ ફિલ્મનો બીજો ભાગ ‘જય હનુમાન’ના નામે જોવા મળશે.