'આ મારી છેલ્લી ફિલ્મ, થાકી ગયો છું!',શું 'હેરાફેરી' ના ડાયરેક્ટર છોડી દેશે ફિલ્મ ઇન્ડસ્ટ્રી?
છેલ્લું અપડેટ : 25 Aug 2025
'હેરા ફેરી 3'ના ડિરેક્ટર પ્રિયદર્શને કહ્યું કે તેઓ આશા રાખે છે કે 'હેરા ફેરી 3' પછી તેઓ નિવૃત્ત થઈ જશે. તેમણે કહ્યું કે તેઓ થાકી ગયા છે. પ્રિયદર્શન આ દિવસોમાં તેમની ફિલ્મ 'હૈવાન' પર કામ કરી રહ્યા છે. ફિલ્મનું શૂટિંગ શરૂ થઈ ગયું છે.
અક્ષય કુમાર, પરેશ રાવલ અને સુનીલ શેટ્ટીની ફિલ્મ 'હેરા ફેરી 3'નો ચાહકો આતુરતાથી રાહ જોઈ રહ્યા છે. 'હેરા ફેરી 3'નું દિગ્દર્શન પ્રિયદર્શન કરી રહ્યા છે. તેમણે 'હેરા ફેરી'ના સિક્વલ વિશે વાત કરતાં કહ્યું કે તેઓ થાકી ગયા છે અને નિવૃત્ત થવા માંગે છે. તેમણે કહ્યું કે સિક્વલ બનાવવું એ તેમની કામ કરવાની શૈલી નથી. પ્રિયદર્શન આ દિવસોમાં તેમની ફિલ્મ' હૈવાન પર કામ કરી રહ્યા છે'. ફિલ્મનું શૂટિંગ શરૂ થઈ ગયું છે.
પ્રિયદર્શન શા માટે બનાવી રહ્યા છે 'હેરા ફેરી 3'?
પ્રિયદર્શને કહ્યું કે સિક્વલ બનાવવું એ તેમની કામની શૈલી નથી. તેમણે કહ્યું કે તેઓ હેરા ફેરી 3 બનાવી રહ્યા છે કારણ કે નિર્માતાઓ લાંબા સમયથી વિનંતી કરી રહ્યા છે. પ્રિયદર્શને કહ્યું, "હું સામાન્ય રીતે મારી મૌલિક ફિલ્મોના સિક્વલ બનાવતો નથી-મને આવું કામ પસંદ નથી. પરંતુ હું 'હેરા ફેરી 3' જરૂર બનાવીશ કારણ કે નિર્માતાઓ લાંબા સમયથી આની માંગ કરી રહ્યા છે."
નિવૃત્ત થવા માંગે છે પ્રિયદર્શન
પ્રિયદર્શને તાજેતરમાં તેમની ફિલ્મ 'ભૂત બંગલા'નું શૂટિંગ પૂર્ણ કર્યું છે. હવે તેમણે 'હૈવાન'નું શૂટિંગ શરૂ કરી દીધું છે. આ પછી પ્રિયદર્શન 'હેરા ફેરી 3' શરૂ કરશે. પ્રિયદર્શને કહ્યું, "એકવાર હું આ ફિલ્મો પૂરી કરી લઉં, હું આશા રાખું છું કે હું નિવૃત્ત થઈ જઈશ, હું હવે થાકી ગયો છું."
'હૈવાન'માં જોવા મળશે સૈફ અને અક્ષય
'હૈવાન'ની વાત કરીએ તો આ એક ક્રાઈમ થ્રિલર ફિલ્મ હશે. આ ફિલ્મમાં અક્ષય કુમાર અને સૈફ અલી ખાન 17 વર્ષ પછી સાથે જોવા મળશે. અક્ષય કુમાર ફિલ્મમાં એક કિલરની ભૂમિકામાં જોવા મળશે.
