નિતેશ તિવારી 'રામાયણ'માં આ પાત્રમાં જોવા મળશે રવિ દુબે, સત્તાવાર જાહેરાત કરવાની બાકી

 નિતેશ તિવારી પોતાની આગામી ફિલ્મ રામાયણ પર હાલ કાસ્ટિંગ કરી રહ્યો છે. હવે આ ફિલ્મને લઇને અપડેટ છે કે,ફિલ્મમાં લક્ષ્મણનો રોલ નિભાવવા માટે ટેલિવિઝન અભિનેતા રવિ દુબેને પસંદ કરવામાં આવ્યો છે. જોકે નિતેશ તિવારીએ આ બાબતે સત્તાવાર ધોષણા કરી નથી. ઉલ્લેખનીય છે કે, રવિ દુબે જમાઇ રાજા સિરીયલથી લોકપ્રિય થયો હતો. થોડા સમયથી 
તે નિર્માતા તરીકે કામ કરી રહ્યો છે. 

હજી થોડા દિવસો પહેલા જ સમાચાર હતા કે, આ ફિલ્મમાં વિભીષણના રોલમાં હર્મન બાવેજા જોવા મળવાનો છે. આ પાત્ર માટે પહેલાવિજય સેતુપતિનું નામ બોલાયું હતું. 

નિતેશ તિવારીની રામાયણમાં રામની ભૂમિકા રણબીર કપૂર, સીતાના પાત્રમાં સાંઇ પલ્લવી, રાવણના રોલમાં યશ અને હનુમાનની ભૂમિકા સની દેઓલ ભજવશે.