રામાયણ ફેમ રામાનંદ સાગરના પુત્ર પ્રેમ સાગરનું નિધન

'રામાયણ' બનાવનાર રામાનંદ સાગરના પુત્ર અને ડિરેક્ટર પ્રેમ સાગરનું નિધન થયું છે. તેમણે 84 વર્ષની વયે અંતિમ શ્વાસ લીધો. તેમના નિધનથી બોલિવૂડથી લઈને ટીવી ઇન્ડસ્ટ્રી સુધી શોકની લહેર ફેલાઈ ગઈ છે.

'રામાયણ'ના રામ અને લક્ષ્મણે શોક વ્યક્ત કર્યો

પ્રેમ સાગરના નિધન પર 'રામાયણ'ના રામ અને લક્ષ્મણે શોક વ્યક્ત કર્યો છે.પ્રેમ સાગર છેલ્લા કેટલાક સમયથી બીમાર હતા. આવી સ્થિતિમાં તેમને સારવાર માટે મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા હતા. રવિવારે ડોક્ટરોએ તેમને ઘરે લઈ જવાની સલાહ આપી હતી અને રવિવારે સવારે જ તેમનું નિધન થયું હતું.

અરુણ ગોવિલે પ્રેમ સાગરને આપી શ્રદ્ધાંજલિ

પ્રેમ સાગરના નિધન પર રામાનંદ સાગરની 'રામાયણ'માં રામનું પાત્ર ભજવનાર અરુણ ગોવિલે તેમને શ્રદ્ધાંજલિ આપી છે.