VIDEO / રાજકુમાર રાવે 'Maalik' બનીને શહેરમાં ફેલાવ્યો ડર, રિલીઝ થયું એક્શન ફિલ્મનું ટ્રેલર
છેલ્લું અપડેટ : 01 Jul 2025
પડદા પર પોતાના કોમિક ટાઈમિંગ દ્વારા દર્શકોના દિલમાં સ્થાન બનાવનાર 'સ્ત્રી' નો વિક્કી હવે શહેરમાં 'માલિક' બનીને ડર ફેલાવવા આવી રહ્યો છે. તેની આગામી ફિલ્મ 'માલિક' (Maalik) નું ધમાકેદાર ટ્રેલર રિલીઝ થયું છે જેમાં રાજકુમાર રાવને એવો અવતાર જોવા મળ્યો જે તમે પહેલાં ક્યારેય નહીં જોયો હોય.
રાજકુમાર રાવની ફિલ્મની જાહેરાત ગયા વર્ષે જ કરવામાં આવી હતી. 'સ્ત્રી 2' ની સફળતા વચ્ચે, લોકો રાહ જોઈ રહ્યા હતા કે ક્યારે અભિનેતા 'માલિક' (Maalik) તરીકે મોટા પડદા પર આવશે. હવે ટૂંક સમયમાં આ રાહ પણ પૂરી થવા જઈ રહી છે. ફિલ્મનું ટ્રેલર રિલીઝ થતાંની સાથે જ સોશિયલ મીડિયા પર વાયરલ થઈ ગયું છે.
'માલિક' નું ટ્રેલર રિલીઝ
1 જુલાઈ, 2025ના રોજ, મલિકનું ટ્રેલર રિલીઝ થયું, જે એક્શનથી શરૂ થાય છે. વાર્તા એક લાચાર પિતાનો પુત્ર કેવી રીતે મજબૂત બને છે અને પોતાના માટે એક નવો રસ્તો બનાવે છે તેની આસપાસ ફરે છે. ટ્રેલર ઘાયલ રાજકુમારથી શરૂ થાય છે, જે જન્મથી નહીં તો પણ ભાગ્યથી માલિક બનવાની ઈચ્છા સાથે બધા જોખમો લેવા આગળ વધે છે.
રાજકુમાર એક એન્ટી-હીરો તરીકે છવાયો
2 મિનિટ 40 સેકન્ડના ટ્રેલરમાં, રાજકુમાર રાવ સત્તાની લાલસામાં ગુંડાગીરીમાં વ્યસ્ત રહે છે. પછી તેની સાથે એક એવી ઘટના બને છે જે તેને અંદરથી હચમચાવી નાખે છે. આ પછી, રાજકુમાર અને સૌરભ શુક્લા વચ્ચે ખતરનાક યુદ્ધ શરૂ થાય છે. ફિલ્મના દરેક સીનમાં એક્શન અને મારામારી છે. માનુષી છિલ્લરે ફિલ્મમાં રાજકુમારની પત્નીની ભૂમિકા ભજવી છે.
'માલિક' ક્યારે રિલીઝ થશે?
ટ્રેલર શેર કરતી વખતે, એક્ટરે કેપ્શનમાં લખ્યું છે, "જન્મથી નહીં પણ ભાગ્યથી, એક લાચાર પિતાનો મજબૂત પુત્ર બનશે. માલિક." આ ફિલ્મ આ વર્ષે 11 જુલાઈના રોજ થિયેટરમાં રિલીઝ થશે. અંશુમમાંન પુષ્કર, સ્વાનંદ કિરકિરે, સૌરભ શુક્લા, ઋષિ રાજ ભસીન અને અનિલ ઝામઝમ જેવા કલાકારો પણ ફિલ્મમાં મહત્ત્વપૂર્ણ ભૂમિકાઓ ભજવી રહ્યા છે.
