'બાહુબલી 2'ને પાછળ છોડવાની તૈયારીમાં 'પુષ્પા 2', અલ્લુ અર્જુનની ફિલ્મ પહેલા દિવસે કરી શકે છે આટલી કમાણી

અલ્લુ અર્જુન અને રશ્મિકા મંદાનાની ફિલ્મ 'પુષ્પા 2: ધ રૂલ' 5 ડિસેમ્બરે વૈશ્વિક સ્તરે રિલીઝ થવા જઈ રહી છે. આ ફિલ્મ પહેલાથી જ રેકોર્ડ તોડવા તરફ આગળ વધી રહી છે. પ્રારંભિક અનુમાન મુજબ, ફિલ્મ ઓપનિંગ ડે પર 300 કરોડના ગ્લોબલ કલેક્શનનો આંકડો પાર કરી શકે છે. આ સાથે આ સિદ્ધિ હાંસલ કરનારી તે ભારતીય સિનેમાની પ્રથમ ફિલ્મ બની શકે છે.

આ પણ વાંચો: સુપરહિટ ફિલ્મ આશિકીની બેક સ્ટોરી જાણી ચોંકી જશો, દિપક તિજોરીએ ખોલ્યા પળદા પાછળના રાઝ

ડોમેસ્ટિક બોક્સ ઓફિસ પર કરોડોની કમાણીની અપેક્ષા

Sacknilkના અહેવાલ અનુસાર, ફિલ્મનું પ્રથમ દિવસનું ડોમેસ્ટિક બોક્સ ઓફિસ કલેક્શન 233 કરોડ રૂપિયા સુધી પહોંચવાનો અંદાજ છે. રિપોર્ટમાં જણાવવામાં આવ્યું છે કે આંધ્રપ્રદેશ અને તેલંગાણા જેવા રાજ્યોમાં અંદાજે 105 કરોડ રૂપિયાની કમાણી થવાની ધારણા છે. આ સિવાય ફિલ્મ કર્ણાટકમાંથી 20 કરોડ રૂપિયા, તમિલનાડુમાંથી 15 કરોડ રૂપિયા અને કેરળમાંથી 8 કરોડ રૂપિયાની કમાણી કરે તેવી શક્યતા છે.

અન્ય રાજ્યોમાંથી કમાણી

ઉપરાંત, એવો અંદાજ છે કે ફિલ્મ બાકીના ભારતમાંથી લગભગ 85 કરોડ રૂપિયાનું કલેક્શન કરશે. આ સાથે અમેરિકામાં ફિલ્મનું એડવાન્સ બુકિંગ પણ શાનદાર રહ્યું છે, જેના કારણે તેનું ઓવરસીઝ બોક્સ ઓફિસ કલેક્શન લગભગ 70 કરોડ રૂપિયા સુધી પહોંચવાની આશા છે. આ રીતે પ્રથમ દિવસે ફિલ્મની કુલ વૈશ્વિક કમાણી 303 કરોડ રૂપિયા સુધી પહોંચવાની આશા છે.

ફિલ્મમાં આ સ્ટાર્સ જોવા મળશે

આ ફિલ્મનું નિર્દેશન સુકુમાર દ્વારા કરવામાં આવ્યું છે અને આ ફિલ્મ 'પુષ્પાઃ ધ રાઈઝ' પછી પુષ્પા રાજની વાર્તાને આગળ વધારશે. ફિલ્મમાં અલ્લુ અર્જુને મજૂરથી લાલ ચંદનના દાણચોર બનેલા 'પુષ્પા' નામના વ્યક્તિની ભૂમિકા ભજવી હતી. આ સિક્વલમાં રશ્મિકા મંદાના અને ફહદ ફાસિલ પણ મહત્ત્વની ભૂમિકામાં છે.

ફિલ્મને U/A સર્ટિફિકેટ મળ્યું

મુંબઈમાં તાજેતરના એક પ્રમોશનલ ઈવેન્ટ દરમિયાન અલ્લુ અર્જુને રશ્મિકા મંદાનાની પ્રશંસા કરી અને કહ્યું કે તે ફિલ્મની ફ્રેન્ચાઈઝી માટે અત્યંત મહત્ત્વપૂર્ણ છે. 'પુષ્પા' સિરીઝ શ્રીવલ્લી વિના અધૂરી છે." દરમિયાન, રશ્મિકા મંદાનાએ એમ પણ કહ્યું હતું કે આ સિક્વલમાં એક મજબૂત પારિવારિક વાર્તા છે, સાથે જ એક્શન અને ઈમોશનનું પણ સરસ મિશ્રણ છે. તાજેતરમાં જ ફિલ્મની પ્રોડક્શન ટીમે પુષ્ટિ કરી હતી કે ફિલ્મને CBFC તરફથી U/A સર્ટિફિકેટ મેળવ્યું છે.