ઋષિ કપૂરના હતા અનેક એક્સ્ટ્રા મેરિટલ અફેર્સ, ખબર પડતાં નીતુ કપૂરે આપી હતી આવી પ્રતિક્રિયા
છેલ્લું અપડેટ : 08 Jul 2024
બોલિવૂડની દિગ્ગજ અભિનેત્રી નીતુ કપૂર આજે તેનો 66મો જન્મદિવસ ઉજવી રહી છે. નીતુ કપૂરે હંમેશા પોતાની એક્ટિંગથી ફેન્સનું દિલ જીત્યું છે. આ કારણે આજે પણ તે ફેન્સમાં લોકપ્રિય છે. નીતુ કપૂર પોતાની પ્રોફેશનલ લાઈફની સાથે પર્સનલ લાઈફને લઈને પણ ચર્ચામાં રહી છે. નીતુ કપૂર અને ઋષિ કપૂરની લવ સ્ટોરી કોઈ ફિલ્મની સ્ટોરીથી ઓછી નહોતી. ઋષિ કપૂરના આ દુનિયામાંથી ગયા પછી પણ અભિનેત્રી તેમને યાદ કરતી રહે છે. નીતુ કપૂર ઘણીવાર ઋષિ કપૂર સાથેના તેના બોન્ડ વિશે વાત કરતી જોવા મળે છે. એકવાર નીતુ કપૂરે ઋષિ કપૂરના એક્સ્ટ્રા મેરિટલ અફેર વિશે વાત કરી હતી. તેણે તેમના અફેરને પણ યોગ્ય ઠેરવ્યું હતું.
ઋષિ કપૂરના લગ્ન પછી પણ અફેર હતા. તેને લાગ્યું કે, નીતુ કપૂર તેના અફેર વિશે નથી જાણતી પરંતુ અભિનેત્રી બધુ જ જાણતી હતી. તેણે આ અંગે ઋષિ કપૂર સાથે પણ વાત કરી હતી. એટલું જ નહીં, તેણે તેમનાથી અંતર પણ જાળવી રાખ્યું હતું.
નીતુ કપૂરે આપી આવી પ્રતિક્રિયા
જો રિપોર્ટ્સનું માનીએ તો નીતુ કપૂરે તેના પતિના એક્સ્ટ્રા મેરિટલ અફેરને વન નાઈટ સ્ટેન્ડ ગણાવ્યું હતું. ઘણી વખત નીતુ અને ઋષિ તેમના અફેરને લઈને લડતા હતા. પરંતુ પાછળથી તેણે ઋષિ કપૂરની આ આદતોથી પરેશાન થવાનું બંધ કરી દીધું. તે તેના પતિ ઋષિ કપૂરને ઈગ્નોર કરી અને તેનાથી દૂર રહેવા લાગી. ઋષિ કપૂરના સંબંધો વિશે નીતુ કપૂરે એકવાર કહ્યું હતું - મને વિશ્વાસ હતો કે, ઋષિ મારા વિના રહી શકશે નહીં.
આ રીતે થયો હતો અફેરનો ખુલાસો
ઋષિ કપૂર જેટલા પ્રયાસ કરતા કે નીતુ કપૂરને તેમના સંબંધો વિશે ખબર ન પડે પરંતુ તેમને તેની ખબર પડી જ જતી હતી. નીતુએ જણાવ્યું હતું કે, ઋષિ કપૂરના મિત્રો પોતે આવીને તેને અફેર વિશે જણાવતા હતા.
