VIDEO / પતિ મનોજ કુમારને અંતિમ વિદાય આપતી વખતે રડી પડ્યા શશી ગોસ્વામી, દીકરો પણ થઈ ગયો ભાવુક
છેલ્લું અપડેટ : 05 Apr 2025
શુક્રવારે 'ભારત કુમાર' તરીકે જાણીતા પીઢ અભિનેતા મનોજ કુમારના અવસાનના સમાચારથી ફિલ્મ ઇન્ડસ્ટ્રી શોકમાં ડૂબી ગઈ. તેઓ માત્ર અભિનેતા જ નહોતા, પણ દિગ્દર્શક પણ હતા. તેમણે ઇન્ડસ્ટ્રી થોડી પણ ઉત્તમ ફિલ્મોની આપી છે. તેમના અચાનક નિધનથી સમગ્ર ઇન્ડસ્ટ્રીમાં શોકનું વાતાવરણ છે.
મનોજ કુમારે 4 એપ્રિલના રોજ 87 વર્ષની વયે અંતિમ શ્વાસ લીધા હતા. તેમને થોડા દિવસો માટે કોકિલાબેન ધીરુભાઈ અંબાણી હોસ્પિટલમાં દાખલ કરવામાં આવ્યા હતા. તેમને હૃદય અને લીવર સંબંધિત સમસ્યાઓ હતી. આજે મુંબઈમાં અભિનેતાના અંતિમ સંસ્કાર છે. અંતિમ વિદાયનો એક એવો વીડિયો સામે આવ્યો છે જે તમને પણ ભાવુક કરી દેશે.
મનોજ કુમારના મૃત્યુથી તેમનાપત્ની શોકમાં ડૂબી ગયા છે
મનોજ કુમારના અવસાનથી તેમના પરિવાર, ખાસ કરીને તેમના પત્ની શશી ગોસ્વામી, શોકમાં ડૂબી ગયા છે. 5 એપ્રિલના રોજ, શશિ ગોસ્વામીનો એક વીડિયો સામે આવ્યો હતો જેમાં દિવંગત અભિનેતાના પત્ની પોતાના આંસુ નથી રોકી શકતા. ધ્રૂજતા હાથે તેઓએ તેમના પતિને માળા પહેરાવી અને છેલ્લી વાર તેમના પર પ્રેમ વરસાવ્યો.
પતિને અંતિમ વિદાય આપવાનું દુઃખ તેમની આંખોમાં સ્પષ્ટ દેખાઈ રહ્યું હતું. તેઓ એટલી બધી પીડામાં હતા કે તેઓ પોતાની જાતને પણ કાબુમાં નહતા રાખી શકતા. આ સમયે તેમનો દીકરો તેમને સંભાળી રહ્યો છે. દરમિયાન દીકરો પણ પોતાના આંસુ નહતો રોકી શક્યો. શશિ ગોસ્વામીનો આ વીડિયો જોઈને ફેન્સ પણ ભાવુક થઈ ગયા છે.
