ક્યારે રિલીઝ થશે અલ્લુ અર્જુનની 'પુષ્પા 3: ધ રેમ્પેજ'? મેકર્સે આપ્યું મોટું અપડેટ

ગયા ડિસેમ્બરમાં અલ્લુ અર્જુનની 'પુષ્પા 2' એ રેકોર્ડબ્રેક કલેક્શન સાથે બોક્સ ઓફિસ પર ધમાલ મચાવી હતી. હવે, આ બ્લોકબસ્ટર ફ્રેન્ચાઈઝ તેના ત્રીજા ચેપ્ટર માટે તૈયાર થઈ રહી છે. ફેન્સનો ઉત્સાહ વધારવા માટે ફિલ્મના મેકર્સે 'પુષ્પા 3: ધ રેમ્પેજ' ક્યારે રિલીઝ થશે તે અંગે અપડેટ આપ્યું છે. ચાલો તમને તેના વિશે જણાવીએ.

આ પણ વાંચો :

'સની સંસ્કારી કી તુલસી કુમારી' રિલીઝ માટે તૈયાર, જાણો થિયેટરમાં ક્યારે આવશે વરુણ-જ્હાન્વીની ફિલ્મ

આમીરખાનની જેમ આ સ્ટાર્સની પણ લાવલાઈફ રહી ચર્ચામાં, કેટલાકે તો 3-4 વખત કર્યા લગ્ન

'પુષ્પા 3: ધ રેમ્પેજ' ક્યારે રિલીઝ થશે?

'પુષ્પા 2: ધ રૂલ' નું પ્રીમિયર ગયા વર્ષે ડિસેમ્બરમાં થયું હતું. આ ફિલ્મને વૈશ્વિક બોક્સ ઓફિસ પર ખૂબ જ સફળતા મળી છે. તેણે લગભગ 1,750 કરોડ રૂપિયાની કમાણી કરી અને ભારતની સૌથી મોટી બ્લોકબસ્ટર ફિલ્મોમાંની એક બની ગઈ છે. હવે, મીડિયા સાથે વાત કરતી વખતે, નિર્માતા રવિશંકરે ખુલાસો કર્યો કે પુષ્પાનો ત્રીજો ભાગ 2028માં આવશે. આનું કારણ એ છે કે ફિલ્મના લીડ એક્ટર અલ્લુ અર્જુને પહેલા દિગ્દર્શક એટલી સાથેનો પ્રોજેક્ટ પૂર્ણ કરવો પડશે અને પછી તે ત્રિવિક્રમ સાથે એક ફિલ્મ કરશે. બંને પ્રોજેક્ટ આગામી બે વર્ષમાં પૂર્ણ થવાની અપેક્ષા છે. રવિશંકરે એમ પણ કહ્યું કે પુષ્પાના દિગ્દર્શક સુકુમાર 'પુષ્પા 3' પર ધ્યાન કેન્દ્રિત કરતા પહેલા તેના આગામી પ્રોજેક્ટમાં સુપરસ્ટાર રામ ચરણ સાથે કામ કરશે.

'પુષ્પા 2' કરતા મોટી ફિલ્મ હશે 'પુષ્પા 3' 

ફિલ્મના ડાયલોગ રાઈટર શ્રીકાંત વિસ્સાએ તાજેતરમાં એક વાતચીતમાં ખુલાસો કર્યો હતો કે ત્રીજી ફિલ્મ 'પુષ્પા 2' કરતા ઘણી મોટી, ભવ્ય અને સારી હશે. દર્શકોને ફિલ્મમાં વધુ પાત્રો જોવા મળશે. અહેવાલ મુજબ, નિર્માતાઓ ફિલ્મમાં ખલનાયકની ભૂમિકા માટે બોલિવૂડના એક મોટા સ્ટારને લેવાનો પ્રયાસ કરી રહ્યા છે પરંતુ હજુ સુધી કંઈ પુષ્ટિ નથી થઈ.

તમને જણાવી દઈએ કે પુષ્પા ફ્રેન્ચાઈઝીની શરૂઆત 2021માં 'પુષ્પા: ધ રાઈઝ' સાથે થઈ હતી, જેણે વિશ્વભરમાં 350 કરોડ રૂપિયાથી વધુની કમાણી કરી હતી. આ ફિલ્મ વર્ષની સૌથી વધુ કમાણી કરનારી ભારતીય ફિલ્મોમાંની એક હતી, જેના કારણે નિર્માતાઓને વાર્તાને સિક્વલ સાથે આગળ વધારવામાં મદદ મળી. ત્યારબાદ 'પુષ્પા 2' એ બોક્સ ઓફિસ પર ધમાલ મચાવી, રેકોર્ડબ્રેક ઓપનિંગ મેળવ્યું અને અત્યાર સુધીની ત્રીજી સૌથી વધુ કમાણી કરનારી ભારતીય ફિલ્મ બની ગઈ. હવે 'પુષ્પા 3' ની રિલીઝ પહેલા, અપેક્ષાઓ ખૂબ જ વધારે છે.