શબાના આઝમી સાથેના લગ્ન જીવન પર બોલ્યા જાવેદ અખ્તર, કહ્યું- 'અમે ટ્રેડીશનલ કપલ કરતાં...'
છેલ્લું અપડેટ : 24 Nov 2024
દિગ્ગજ રાઈટર અને લિરિસિસ્ટ જાવેદ અખ્તરે એક્ટ્રેસ શબાના આઝમી સાથેના લગ્નને લઈને વાત કરી હતી. જાવેદ અખ્તરે કહ્યું કે, તેઓ લગ્નના કોન્સેપ્ટને વધુ મહત્ત્વ નથી આપતા. તેમણે કહ્યું કે લગ્નનો ખ્યાલ એટલો જૂનો છે કે તે એક પથ્થર જેવો છે જે સદીઓથી પહાડો પરથી નીચે લઈ લાવવામાં આવી રહ્યો છે. જાવેદે એમ પણ કહ્યું કે લગ્ન એક બેકાર કામ છે.
આ પણ વાંચો: હૃતિક રોશને શેર કર્યો સલમાન-શાહરુખ સાથેનો અનસીન ફોટો, યાદ કર્યા ફિલ્મ 'કરણ અર્જુન'ના દિવસો
જાવેદ અખ્તરે લગ્ન વિશે શું કહ્યું?
એક ઇન્ટરવ્યુમાં જ્યારે જાવેદ અખ્તરને પૂછવામાં આવ્યું કે શબાના સાથેના તેમના સંબંધ પર તેમની શું અસર પડી. ત્યારે તેમણે કહ્યું- 'શબાના અને હું ટ્રેડીશનલ મેરીડ કપલ કરતાં વધુ સારા મિત્રો છીએ. તેમણે કહ્યું કે તેમના મતે સફળ લગ્નનું રહસ્ય એ છે કે જ્યારે બંને પાર્ટનર મિત્રો હોય.' જાવેદે કહ્યું- તેના માટે લગ્નનો ખ્યાલ અપ્રસ્તુત છે.
તેમણે કહ્યું કે, કોઈપણ સંબંધમાં, બે લોકો માટે, લિંગને ધ્યાનમાં લીધા વિના, આનંદથી સાથે રહેવા માટે પરસ્પર સન્માન, વિચારણા અને પર્સનલ સ્પેસ જરૂરી છે.
જાવેદ અખ્તરનું લગ્ન જીવન
તમને જણાવી દઈએ કે શબાના સાથે જાવેદના આ બીજા લગ્ન છે. અગાઉ તેમણે હની ઈરાની સાથે લગ્ન કર્યા હતા. પરંતુ આ લગ્ન લાંબો સમય ટકી ન શક્યા અને તેમના છૂટાછેડા થઈ ગયા. જાવેદ અને હનીને બે બાળકો ફરહાન અને ઝોયા અખ્તર છે. ફરહાન અને ઝોયા બંને ફિલ્મ ઈન્ડસ્ટ્રીમાં એક્ટિવ છે. ઝોયા અખ્તર એક દિગ્દર્શક છે અને ફરહાન અખ્તર અભિનેતા-દિગ્દર્શક છે.
હની પછી જાવેદે શબાના સાથે લગ્ન કર્યા. તેઓએ 1984માં લગ્ન કર્યા. આ લગ્ન જીવનમાં બંને ખૂબ જ ખુશ છે. બંને એક સારો બોન્ડ શેર કરે છે અને એકબીજાના ખૂબ સારા મિત્રો છે.
