બ્રિટિશ રેપરને પણ લાગ્યો મહાદેવનો રંગ; સેન્ટ્રલ સીની ટી-શર્ટ જોઈને ફેન્સે કરી વાહવાહી; જુઓ તસવીરો

આ દિવસોમાં ઘણા વિદેશી સિંગર અને રેપર્સ ભારતમાં મ્યુઝિક કોન્સર્ટ કરવા આવી રહ્યા છે. શનિવાર રાત્રે બ્રિટિશ રેપર સેન્ટ્રલ સીએ મુંબઈમાં પર્ફોર્મ કર્યું. આ પ્રસંગે તેમની ટી-શર્ટે ભારતીય ચાહકોનું દિલ જીતી લીધું.

બ્રિટિશ રેપરે મુંબઈ કોન્સર્ટમાં પોતાના ગીતોથી અદ્ભુત માહોલ બનાવી દીધો હતો. ચાહકો તેમના ગીતો પર ઝૂમતા જોવા મળ્યા હતા. પરંતુ સોશિયલ મીડિયા પર તેમના મ્યુઝિક કોન્સર્ટ કરતાંય વધુ ચર્ચા તેમની ટી-શર્ટની થઈ રહી છે. આ ટી-શર્ટ જોઈને ભારતીય ચાહકો ખૂબ ખુશ થયા છે. સેન્ટ્રલ સીની ટી-શર્ટમાં એવું તે શું હતું? અને યુઝર્સે કેવી પ્રતિક્રિયા આપી?

ટી-શર્ટ પર દેખાયો મહાદેવનો ચહેરો

બ્રિટિશ રેપરના કેટલાક વાયરલ વીડિયો સોશિયલ મીડિયા પર ઉપલબ્ધ છે. તેમાં તેઓ સ્ટેજ પર ગીત ગાતા જોવા મળે છે. તેમણે જે ટી-શર્ટ પહેરી છે તેના પર ભગવાન શિવની તસવીર છાપેલી છે. રેપરનો આખો લૂક આ ટી-શર્ટના કારણે ખૂબ યુનિક લાગી રહ્યો હતો. સોશિયલ મીડિયા પર યુઝર્સ રેપર સેન્ટ્રલ સીની વાહવાહી કરી રહ્યા છે.

યુઝર્સે આપી પ્રતિક્રિયાઓ

સોશિયલ મીડિયા પર યુઝર્સે બ્રિટિશ રેપરના વાયરલ વીડિયોની ખૂબ પ્રશંસા કરી છે. એક યુઝરે લખ્યું, ‘સેન્ટ્રલ સીએ મહાદેવ વાળી ટી-શર્ટ પહેરી છે, આ દેશી ફેન્સની જીત છે.’ બીજા એક યુઝરે કોમેન્ટ સેક્શનમાં ‘ઓમ નમઃ શિવાય’ લખ્યું. ઘણા યુઝર્સે બ્રિટિશ રેપરના આ પ્રયાસને પસંદ કર્યો અને તેમના માટે કોમેન્ટ સેક્શનમાં ઢગલાબંધ હાર્ટ ઇમોજી શેર કરી.

રેપર સેન્ટ્રલ સી કોણ છે?

સેન્ટ્રલ સીનું અસલી નામ ઓકલે નીલ સીઝન-સુ છે. ૨૭ વર્ષની ઉંમરે તેઓ બ્રિટિશ મ્યુઝિક ઇન્ડસ્ટ્રીનું ઉભરતું નામ બની ચૂક્યા છે. વર્ષ ૨૦૨૦માં ‘ડે ઇન ધ લાઇફ’ નામના ગીતથી તેઓ ખૂબ લોકપ્રિય થયા હતા. છેલ્લા કેટલાક વર્ષોમાં તેમના ગીતો યુકે એલ્બમ ચાર્ટમાં ટોચ પર રહ્યા છે.