'બંટવારા 1947'નું ટ્રેલર રિલીઝ: રમખાણો વચ્ચે હિન્દુ મહિલાને બચાવતા સની દેઓલ, દમદાર ડાયલોગ્સે જીત્યા ફેન્સના દિલ
સની દેઓલની ફિલ્મ બંટવારા 1947નું ટ્રે
સની દેઓલની ફિલ્મ બંટવારા 1947નું ટ્રેલર રિલીઝ થઈ ગયું છે. ઘણા સમયથી આ ટ્રેલરની રાહ જોવામાં આવી રહી હતી જે ફાઇનલી આવી ગયું છે. ટ્રેલરમાં સની દેઓલ સિવાય પ્રીતિ ઝિન્ટા, કરણ દેઓલ, શબાના આઝમી અને અલી ફઝલ દેખાયા છે.
હિન્દુ વૃદ્ધ મહિલાને બચાવવા રમખાણો વચ્ચે સની દેઓલની લડાઈ
ટ્રેલરની શરૂઆત ભારતના તિરંગાથી થાય છે. ત્યાં પાછળથી બાળકોનો અવાજ આવે છે ભારત માતા કી જય હો અને પછી સની દેઓલ દેખાય છે જે ગાડીમાં બેસીને આવે છે. પછી તે પ્રીતિ ઝિન્ટાને બોલે છે કે દેશની આઝાદી મુબારક હો. પ્રીતિ પછી બોલે છે કે તમને પણ મુબારક હો. તેમાં સનીને એક મુસ્લિમ કિરદારમાં બતાવવામાં આવ્યા છે. પરંતુ ત્યારે જ રમખાણો થઈ જાય છે અને પછી સની પોતાના પરિવાર સાથે એક નવા ઘરમાં જાય છે. પરંતુ ત્યાં તે ઘરમાં તેમને એક વૃદ્ધ મહિલા દેખાય છે અને તે બોલે છે કે આ મારું ઘર છે અને આને હું છોડીને નહીં જાઉં. તે વૃદ્ધ મહિલા હિન્દુ છે અને તેને મારવા માટે કેટલાક મુસ્લિમ પુરુષો આવે છે, પરંતુ સની તે મહિલાને બચાવવા માટે બધા સાથે લડે છે.
દમદાર ડાયલોગ્સ અને પિતા સની માટે કરણ દેઓલનો ખાસ સંવાદ
ટ્રેલરમાં કરણ દેઓલ પણ દેખાય છે અને તેમનો જે ડાયલોગ આવે છે તે પરફેક્ટ છે તેમના પપ્પા અને તેમના માટે. કરણ બોલે છે તું મારા બાપને નથી જાણતો. તે ના ઘર જોશે અને ના સરહદ, સીધા ઘૂસીને મારશે. ટ્રેલરમાં કેટલાક દમદાર ડાયલોગ્સ સાંભળવા મળ્યા છે જેમ કે મંદિર તોડવું ઈસ્લામ નથી. દરેક બાળકનો પહેલો મઝહબ મા હોય છે. માને હિન્દુ-મુસ્લિમમાં ના વહેંચો. મા પોતાનામાં જ એક મઝહબ છે.
ઘાયલ અને ઘાતક પછી રાજકુમાર સંતોષી અને સની દેઓલની વાપસી
ફિલ્મ વિશે વાત કરીએ તો બંટવારા 1947ને રાજકુમાર સંતોષીએ ડાયરેક્ટ કરી છે. રાજકુમાર અને સનીની ઘણા વર્ષો પછી સાથે વાપસી થઈ છે. આ પહેલા બંનેએ સાથે ઘાયલ, ઘાતક અને દામિની જેવી હિટ ફિલ્મો આપી છે. સનીનું કહેવું હતું કે ફેન્સ બંનેના કોલેબરેશનની ઘણા સમયથી રાહ જોઈ રહ્યા હતા.
આમીર ખાન પ્રોડક્શન્સની ફિલ્મ 14 ઓગસ્ટે રિલીઝ થશે, સેન્સર બોર્ડે 'A' સર્ટિફિકેટ આપ્યું
બીજી તરફ આમીર ખાન પ્રોડક્શન્સ દ્વારા ફિલ્મને પ્રોડ્યુસ કરવામાં આવી છે. ફિલ્મ 14 ઓગસ્ટે રિલીઝ થશે. બંટવારા 1947ને CBFC તરફથી પણ પાસ કરી દેવામાં આવી છે. આ ફિલ્મને કટ વગર પાસ કરવામાં આવી છે અને A સર્ટિફિકેટ આપવામાં આવ્યું છે. સનીએ આ વિશે સોશિયલ મીડિયા પર જણાવતા લખ્યું હતું, અમને ઘણી ખુશી થઈ રહી છે આ જણાવતા કે CBFCએ એક પણ કટ વગર ફિલ્મને A સર્ટિફિકેટ સાથે પાસ કરી છે.
