VIDEO : અમિતાભ બચ્ચન નવમીના દિવસે રામકથા સંભળાવશે, ઘરે બેઠા થશે રામલલ્લાના દર્શન
છેલ્લું અપડેટ : 05 Apr 2025
રામનવમીના અવસરે કોઈ તમને રામ કથા સંભળાવે અને તમે તમારા ઘરે બેસીને અયોધ્યામાં બિરાજમાન રામ લલ્લાના દર્શન કરો તો કેવું લાગશે? કરોડો ભારતીયોની આ ઈચ્છા પૂરી થવાની છે. 6ઠ્ઠી એપ્રિલે અમિતાભ બચ્ચન તમને બધાને રામકથા સંભળાવશે. એટલું જ નહીં સવારે 8 વાગ્યાથી JioHotstar પર રામ નવમીની ઉજવણીનું લાઈવ ટેલિકાસ્ટ થશે.
JioHotstarએ વિડિયો પોસ્ટ કર્યો છે. વિડિયોમાં અમિતાભ બચ્ચન કહે છે, "આ ધરતી પર યુગોથી કેટલા જન્મો થયા છે, કેટલા આવ્યા છે, આ બધામાં એક જ વ્યક્તિને 'મર્યાદા પુરુષોત્તમ' કેમ કહેવાયા. આ રામ નવમી પર મને તમારા બધાની સામે રામ કથા રજૂ કરવાની તક આપવામાં આવી છે." અમિતાભે આગળ કહ્યું, 'તમે ભગવાન શ્રી રામની જન્મજયંતિની સૌથી ભવ્ય ઉજવણી રામ નવમી આરતીને 6 એપ્રિલે સવારે 8 વાગ્યાથી આખો દિવસ JioHotstar પર લાઈવ જોઈ શકો છો.'
આટલું જ નહીં, અમિતાભ બચ્ચન આ દરમિયાન બાળકો સાથે ઇન્ટરેક્ટિવ સેશન પણ કરશે. લાઈવ સ્ટ્રીમિંગમાં અયોધ્યામાં કરવામાં આવતી વિશેષ પૂજાઓ, મંદિરોમાં થતી પવિત્ર વિધિઓ, ભદ્રાચલમ, પંચવટી, ચિત્રકૂટ અને આરતીનો પણ સમાવેશ થશે. આ સાથે કૈલાશ ખેર અને માલિની અવસ્થી જેવા કલાકારોની સાંસ્કૃતિક પ્રસ્તુતિઓ પણ JioHotstar પર લાઈવ બતાવવામાં આવશે.