નાના પાટેકરના નિધન પર તનુશ્રી દત્તાના વિવાદિત નિવેદનથી AICWA નારાજ: કહ્યું- 'માનવતા મરી પરવારી'
છેલ્લું અપડેટ : 09 Oct 2026
ઓલ ઇન્ડિયન સિને વર્કર્સ એસોસિએશન (AICWA)એ નાના પાટેકરના નિધન પર તનુશ્રી દત્તાની પ્રતિક્રિયાની આકરી ટીકા કરી છે. નાનાના અવસાન પછી તનુશ્રીએ સોશિયલ મીડિયા પર તેમને ‘ઈવિલ ડેડ’કહ્યા, જેના પર સંગઠને સખત વલણ અપનાવ્યું. AICWAના સંસ્થાપક અને અધ્યક્ષ સુરેશ શ્યામલાલ ગુપ્તાએ તેમના નિવેદનને ‘સસ્તી પબ્લિસિટી’ ગણાવી અને ફિલ્મ ઇન્ડસ્ટ્રીમાં વ્યાપેલા શોક વચ્ચે આવું નિવેદન આપવા બદલ તેની આકરી ટીકા કરી.
AICWA એ તનુશ્રીના નિવેદનની નિંદા કરી
AICWA એ એક સત્તાવાર નિવેદનમાં લખ્યું- AICWA દિગ્ગજ નાના પાટેકરના નિધન પર તનુશ્રી દત્તાના ‘ઈવિલ ડેડ’ વાળા નિવેદનની આકરી નિંદા કરે છે.
નાના પાટેકર દેશના સન્માનિત વ્યક્તિ હતા. તેમણે દેશ માટે કામ કર્યું છે. આજે આખો દેશ, પછી ભલે દેશના વડાપ્રધાન હોય કે કોઈ સામાન્ય વ્યક્તિ, તમામ આજે તેમના માટે શોક મનાવી રહ્યા છે. આજે તમામ લોકો નાનાજીને યાદ કરી રહ્યા છે. તનુશ્રી દત્તા ચીપ પબ્લિસિટી માટે નાના પાટેકરને ઈવિલ ડેડ કહી રહી છે. ભારતના ઇતિહાસમાં કોઈએ પણ કોઈના ગયા પછી આવા શબ્દોનો પ્રયોગ નથી કર્યો, જે રીતે તનુશ્રી દત્તાએ કર્યો છે. AICWA આની વિરુદ્ધમાં છે. કોઈ વ્યક્તિના મૃત્યુ પછી આવા શબ્દોનો પ્રયોગ કરવો માનવતાની વિરુદ્ધ છે.
તનુશ્રી દત્તા તમારે લંડન જવું હોય તો જાઓ, લખનૌ જવું હોય તો જાઓ... લાઈવ કરવું હોય તો કરો... કોઈને પણ તમારામાં રસ નથી. પરંતુ નાનાજી વિશે જાણવા માટે આખા ભારતને રસ છે. તમારા જેવા લોકોના કારણે આખા ભારતની ફિલ્મ ઇન્ડસ્ટ્રીનું નામ ખરાબ થઈ રહ્યું છે. નાનાજી એક શ્રેષ્ઠ અભિનેતા હતા. તેમણે પોતાના દમ પર ઓળખ બનાવી હતી.
AICWA એ તનુશ્રી પર આરોપ લગાવતાં લખ્યું- આજ સુધી આપણી ફિલ્મ ઇન્ડસ્ટ્રીમાં કોઈના નિધન પછી કોઈએ આવું નિવેદન નથી આપ્યું. તમે પહેલાં છો, અને અમે પ્રાર્થના કરીએ છીએ કે તમે છેલ્લાં હોવ. સંગઠને કહ્યું- આ ઇન્ડસ્ટ્રીના લોકો જાણે છે કે આવા પ્રસંગે શું કહેવું અને ક્યારે ચૂપ રહેવું. તમારે તમારી જીભ પર કાબૂ રાખવો જોઈતો હતો.
તનુશ્રી પર વધુ કટાક્ષ કરતાં AICWA એ દાવો કર્યો કે લોકોને લખનૌ કે લંડનમાં તેમના આગામી ઈવેન્ટ્સમાં કોઈ રસ નથી. નિવેદનમાં કહેવામાં આવ્યું- જે દિવસે આખો દેશ એક દિગ્ગજની ખોટ પર શોક મનાવી રહ્યો છે, તે દિવસે પોતાના ઈવેન્ટ અને પોતાની યોજનાઓની વાત કરવી ખૂબ નિમ્ન વિચાર દર્શાવે છે.
તનુશ્રીએ શું કહ્યું હતું
નાનાના નિધન પછી તનુશ્રીએ ઈન્સ્ટાગ્રામ પર નાના પાટેકરના મોત પર પ્રતિક્રિયા આપતાં કહ્યું હતું- ‘સમાચાર સાંભળ્યા છે’, પરંતુ હું લખનૌમાં મારા વર્ક ઈવેન્ટ પર ફોકસ કરવા માંગુ છું. ચિંતા છે કે સાંજ સુધી મીડિયા ‘ઈવિલ ડેડ’ માં રસ લેશે.
