જાહેર ક્ષેત્રની બેંકોએ 9,000 કરોડ રૂપિયા લઘુત્તમ બેલેન્સના નામે વસૂલ્યા, જાણો કઈ બેંકે કેટલી કમાણી કરી
છેલ્લા પાંચ વર્ષમાં, જાહેર ક્ષેત્રની બેંકો (PSUs) એ તેમના ગ્રાહકો પાસેથી લઘુત્ત
છેલ્લા પાંચ વર્ષમાં, જાહેર ક્ષેત્રની બેંકો (PSUs) એ તેમના ગ્રાહકો પાસેથી લઘુત્તમ બેલેન્સ ન રાખવા બદલ દંડ તરીકે હજારો કરોડ રૂપિયા વસૂલ્યા છે. મંગળવારે રાજ્યસભામાં પૂછાયેલા એક પ્રશ્નના જવાબમાં નાણાં રાજ્યમંત્રી પંકજ ચૌધરીએ આ માહિતી આપી છે. આ રકમ એવા લોકો પાસેથી લેવામાં આવી હતી જેમના ખાતામાં બેંક દ્વારા નક્કી કરાયેલ લઘુત્તમ રકમ નહોતી. જો કે, હવે યુનિયન બેંક ઓફ ઇન્ડિયા, કેનેરા બેંક અને પંજાબ નેશનલ બેંક જેવી ઘણી બેંકોએ આ શુલ્ક માફ કરવાનો નિર્ણય લીધો છે.
5 વર્ષમાં 9,000 કરોડ રૂપિયાનો દંડ
મંગળવારે, નાણાં રાજ્યમંત્રી પંકજ ચૌધરીએ રાજ્યસભામાં જણાવ્યું હતું કે છેલ્લા પાંચ વર્ષમાં, જાહેર ક્ષેત્રની બેંકો એટલે કે સરકારી બેંકો (PSBs) એ લઘુત્તમ બેલેન્સ ન રાખવા બદલ લગભગ 9,000 કરોડ રૂપિયાનો દંડ ફટકાર્યો છે. વર્ષ 2020-21 થી 2024-25 ૫ ના સમયગાળામાં, બેંકોએ ૮,૯૩૨.૯૮ કરોડ રૂપિયાનો દંડ વસૂલ્યો હતો. તાજેતરમાં, યુનિયન બેંક ઓફ ઇન્ડિયા સહિત ઘણી બેંકોએ પણ આ ફી માફ કરવાની જાહેરાત કરી છે.
કઈ બેંકોએ કેટલો દંડ ફટકાર્યો?
| ક્રમ | બેન્ક | FY 2020-21 | FY 2021-22 | FY 2022-23 | FY 2023-24 | FY 2024-25 |
|---|---|---|---|---|---|---|
| 1 | બેન્ક ઓફ બરોડા | 118.13 | 307.49 | 333.33 | 386.51 | 386.16 |
| 2 | બેન્ક ઓફ ઇન્ડિયા | 121.29 | 150.08 | 180.16 | 194.48 | 163.65 |
| 3 | બેન્ક ઓફ મહારાષ્ટ્ર | 72.03 | 108.47 | 114.15 | 126.95 | 113.60 |
| 4 | કેનરા બેન્ક | 177.38 | 230.28 | 226.11 | 284.24 | 294.91 |
| 5 | સેન્ટ્રલ બેન્ક ઓફ ઇન્ડિયા | 82.29 | 135.20 | 142.52 | 128.17 | 97.18 |
| 6 | ઇન્ડિયન બેન્ક | 342.86 | 316.89 | 296.27 | 369.16 | 503.00 |
| 7 | ઇન્ડિયન ઓવરસીઝ બેન્ક | 4.04 | 4.42 | 4.46 | 4.58 | 44.54 |
| 8 | પંજાબ એન્ડ સિંધ બેન્ક | નિલ | નિલ | 15.80 | 39.44 | 45.68 |
| 9 | પંજાબ નેશનલ બેન્ક | 141.03 | 85.77 | 439.67 | 633.40 | 362.55 |
| 10 | સ્ટેટ બેન્ક ઓફ ઇન્ડિયા | નિલ | નિલ | નિલ | નિલ | નિલ |
| 11 | UCO બેન્ક | 0.04 | 13.37 | 15.45 | 37.49 | 53.56 |
| 12 | યુનિયન બેન્ક ઓફ ઇન્ડિયા | 83.04 | 76.56 | 87.51 | 126.66 | 110.98 |
હવે આ બેંકોમાં કોઈ દંડ નહીં લાગે
કેનેરા બેંક, બેંક ઓફ બરોડા, પંજાબ નેશનલ બેંક, ઇન્ડિયન બેંક, બેંક ઓફ ઇન્ડિયા, સેન્ટ્રલ બેંક ઓફ ઇન્ડિયા અને યુનિયન બેંક ઓફ ઇન્ડિયાએ નાણાકીય વર્ષ 2025-26 ના બીજા ક્વાર્ટરથી લઘુત્તમ બેલેન્સ ન રાખવા બદલ પેનલ્ટી ચાર્જ માફ કરી દીધા છે.2020 થી SBI ગ્રાહકોને રાહત
દેશની સૌથી મોટી જાહેર ક્ષેત્રની બેંક, સ્ટેટ બેંક ઓફ ઇન્ડિયા, વર્ષ 2020 થી તેના ગ્રાહકો પાસેથી આવો કોઈ ચાર્જ વસૂલ કરી રહી નથી. રિઝર્વ બેંક ઓફ ઇન્ડિયા (RBI) એ 20 નવેમ્બર 2014 અને 1 જુલાઈ 2015 ના રોજના પરિપત્રો દ્વારા બચત ખાતામાં લઘુત્તમ બેલેન્સ ન રાખવા બદલ દંડ અને ગ્રાહક સેવા માટે માર્ગદર્શિકા જારી કરી હતી. બેંકોને તેમની નીતિ અનુસાર તેમાં ફેરફાર કરવાનો અધિકાર છે.
