શેરમાર્કેટ/ PSU શેરોએ ફરી મજબૂતી બતાવી, સેન્સેક્સ-નિફ્ટી  ગ્રીન નિશાનમાં બંધ

બુધવારે શેરબજારનો કારોબાર ઉચ્ચ સ્તરે સમાપ્ત થયો હતો. બીએસઇ સેન્સેક્સ 150 પોઈન્ટના ઉછાળા સાથે 76606 પોઈન્ટ પર બંધ રહ્યો હતો જ્યારે નેશનલ સ્ટોક એક્સચેન્જનો નિફ્ટી 58 પોઈન્ટના વધારા સાથે 23323 પોઈન્ટ પર બંધ થયો હતો. દિવસના કામકાજ દરમિયાન શેરબજારમાં સારો ઉછાળો જોવા મળ્યો હતો અને સેન્સેક્સ એક સમયે 300 પોઈન્ટના વધારા સાથે કામ કરી રહ્યો હતો. પીએસયુ બેન્ક અને મીડિયા સેક્ટરના શેરો સૌથી વધુ વૃદ્ધિ નોંધાવનાર ઇન્ડેક્સમાં સામેલ રહ્યા હતાં.

બુધવારે શેરબજારના કામકાજ દરમિયાન નિફ્ટીએ રેકોર્ડ ઉચ્ચ સ્તરને સ્પર્શ કર્યો હતો. બ્રોકરેજ ફર્મે રૂ. 920ના ટાર્ગેટ પર મેક્સ હેલ્થ કેરના શેર ખરીદવાની સલાહ આપી છે. યુએસ ફુગાવાના આંકડા અને ફેડરલ રિઝર્વના નિવેદનની રાહ વચ્ચે યુરોપીયન શેરબજારો પણ બુલિશ નોટ પર ખુલ્યા હતા.

બુધવારે, શેરબજારના ભારે વધઘટ સાથેના ટ્રેડિંગ સમયગાળા દરમિયાન, નિફ્ટી ઓટો અને નિફ્ટી એફએમસીજી સૂચકાંકો લાલ નિશાનમાં બંધ થયા હતા જ્યારે અન્ય તમામ ક્ષેત્રીય સૂચકાંકો લીલા નિશાનમાં બંધ થયા હતા. નિફ્ટી મિડ કેપ 100, બીએસઈ સ્મોલ કેપ ઈન્ડેક્સમાં એક ટકાથી વધુનો વધારો નોંધાયો છે.

આજના ટેપ ગેઇનર્સ અને ટોપ લૂઝર્સ

શેરબજારના ટોપ ગેનર્સની યાદીમાં કોલ ઈન્ડિયા, પાવર ગ્રીડ, આઈશર મોટર્સ, એસબીઆઈ લાઈફ, ટેક મહિન્દ્રા, શ્રીરામ ફાઈનાન્સ અને બજાજ ફાઈનાન્સના શેરનો સમાવેશ થાય છે, જ્યારે ટોપ લુઝર કેટેગરીમાં મહિન્દ્રા, બ્રિટાનિયા, એચયુએલ, ટાટા કન્ઝ્યુમર, ટાઇટન, ઇન્ફોસિસ અને અદાણી પોર્ટ્સના શેર સામેલ હતા. દિવસના કામકાજ દરમિયાન શેરબજાર રેકોર્ડ ઉંચી સપાટીએ પહોંચ્યું હતું, ત્યારબાદ અલ્ટ્રાટેક સિમેન્ટ, ભારતી એરટેલ, બજાજ ઓટો, સિપ્લા, ટાટા સ્ટીલ અને હીરો મોટોકોર્પના શેર 52 સપ્તાહની ટોચે કામ કરી રહ્યા છે.

શેરબજારના રોકાણકારોને મલ્ટિબેગર રિટર્ન આપતી કંપનીઓના શેર વિશે વાત કરીએ તો કન્ટેનર કોર્પોરેશન, ટીટાગઢ રેલ, એનએમડીસી લિમિટેડ, ગાર્ડન રીચ શિપ બિલ્ડર, કોલ ઈન્ડિયા, ગેઈલ ઈન્ડિયા, ભારત ઈલેક્ટ્રોનિક્સ, રેલટેલ કોર્પોરેશન, ટેક્સ મેકો રેલ, એનટીપીસી, આરઆઈટીઈએસ. , આઇઆરએફસી  રેલ વિકાસ નિગમ, આઇઆરસીટીસી, એચએએસ અને કોચીન શિપયાર્ડના લિમિટેડ શેર લીલા નિશાનમાં બંધ થયા છે, જ્યારે મઝગાંવ ડોક અને ભારત ડાયનેમિક જેવી કંપનીઓના શેર લાલ નિશાનમાં બંધ થયા છે.

ગૌતમ અદાણીના શેરની સ્થિતિ

બુધવારે, શેરબજારની મજબૂત કામગીરીના સમયગાળા દરમિયાન, ગૌતમ અદાણી જૂથની 10 લિસ્ટેડ કંપનીઓમાંથી પાંચના શેર લાલ નિશાનમાં બંધ થયા હતા જ્યારે પાંચ શેર લીલા નિશાનમાં બંધ થયા હતા. અંબુજા સિમેન્ટના શેરમાં 4.5 ટકાથી વધુનો વધારો નોંધાયો છે જ્યારે અદાણી ગ્રીન એનર્જી લિમિટેડના શેરમાં 1.6 ટકાનો ઘટાડો નોંધાયો છે.