Budget 2025 : ભારત બનશે રમકડાંનું ગ્લોબલ હબ, બજેટમાં સરકારની મોટી જાહેરાત
છેલ્લું અપડેટ : 01 Feb 2025
આજે એટલે કે શનિવાર (1 ફેબ્રુઆરી 2025)ના રોજ, નાણામંત્રી નિર્મલા સીતારમણ લોકસભામાં બજેટ રજૂ કરી રહ્યા છે. નિર્મલા સીતારમણ રેકોર્ડ આઠમી વખત સામાન્ય બજેટ રજૂ કરી રહ્યા છે.
નાણામંત્રી નિર્મલા સીતારમણે કહ્યું કે ભારતને સમગ્ર વિશ્વમાં રમકડાનું હબ બનાવવામાં આવશે. આ ઉપરાંત ફૂડ મેન્યુફેક્ચરિંગ મિશન ચલાવવામાં આવશે જેથી અહીં ફૂડ મેન્યુફેક્ચરિંગ ક્ષેત્ર ઝડપથી વિકાસ પામી શકે. નાણામંત્રીએ કહ્યું કે, અમે અમારી પ્રતિબદ્ધતા મુજબ આબોહવા-અનુકૂળ વિકાસ કરીશું. અમે સ્વચ્છ ટેકનોલોજી ઉત્પાદન કરીશું. અમે બેટરી અને સોલાર પેનલ બનાવવાનો પ્રયાસ કરીશું. ત્રીજું એન્જિન રોકાણ છે. અમે અર્થતંત્રમાં લોકોમાં રોકાણ કરીશું.
