રસોડામાં હાજર આ વસ્તુઓથી ઘરે જ બનાવો પ્રોટીન હેર માસ્ક, રફ અને ડલ વાળને મળશે ચમક

આપણા વાળ કેરોટીન નામના પ્રોટીનથી બને છે. આ કેરોટીનની હાજરી આપણા વાળને સ્વસ્થ અને મજબૂત રાખે છે. જો તમે પણ તમારા વાળને મજબુત તેમજ ચમકદાર અને સિલ્કી બનાવવા માંગો છો તો તમે ઘરે સરળતાથી પ્રોટીન હેર માસ્ક બનાવી શકો છો. ચોખા, મેથીના દાણા અને અળસીના બીજથી બનેલો હેર માસ્ક તમારા વાળને મૂળથી મજબૂત કરશે. ચાલો તમને જણાવીએ કે આ પ્રોટીન હેર માસ્ક કેવી રીતે બનાવવો?

આ પણ વાંચો: વાળ ખરતા અટકાવવા માટે આ વસ્તુને દહીંમાં ભેળવીને લગાવો, ડેન્ડ્રફની સમસ્યાથી પણ મળશે છુટકારો

હેર માસ્ક બનાવવા માટેની સામગ્રી

• 3 ચમચી અળસીના બીજ
• અડધો કપ ચોખા
• 2 ચમચી મેથીના દાણા
• 2 ચમચી નાળિયેર તેલ

હેર માસ્ક કેવી રીતે બનાવવો?

એક બાઉલમાં અળસીના બીજ, ચોખા અને મેથી લો અને તેમાં અડધો ગ્લાસ પાણી ઉમેરો. મધ્યમ તાપ પર 5થી 7 મિનિટ સુધી ઉકાળો. જ્યારે તે ઉકળી જાય પછી બધી સામગ્રીને ગ્રાઈન્ડર જારમાં મૂકો અને તેમાં એક ગ્લાસ પાણી ઉમેરીને પીસી લો. હવે આ સ્મૂધ પેસ્ટને બાઉલમાં  કાઢી લો. આ પેસ્ટને કોટનના કપડા દ્વારા નાખીને સારી રીતે ગાળી લો. પેસ્ટ સારી રીતે બહાર ન આવે ત્યાં સુધી તેને દબાવો. હવે આ પેસ્ટમાં 2 ચમચી નારિયેળ તેલ ઉમેરો. હવે તમારા વાળના મધ્યમાંથી બે ભાગ કરો અને નીચેથી આ માસ્ક લગાવવાનું શરૂ કરો. આ માસ્ક લગાવ્યાના 30થી 40 મિનિટ પછી તમારા વાળને માત્ર પાણીથી ધોઈ લો. આ માસ્ક તમારા વાળ પર અઠવાડિયામાં જેટલા દિવસ હેર વોશ કરતા હોવ તેટલા દિવસો સુધી લગાવો.

વાળને આ ફાયદા મળશે

આ પ્રોટીન માસ્કના નિયમિત ઉપયોગથી વાળ તૂટવાનું ઓછું થશે. તે નવા વાળ ઉગાડવામાં પણ મદદ કરે છે. કોઈપણ પ્રકારની કેમિકલ ટ્રીટમેન્ટ એટલે કે કલરિંગ, રિબોન્ડિંગ અને સ્ટ્રેટનિંગ વગેરેના કારણે વાળને નુકસાન થાય તો મહિનામાં એક કે બે વાર આ પ્રોટીન હેર ટ્રીટમેન્ટ કરો. તમને આનાથી ચોક્કસ ફાયદો થશે.

ખાસ નોંધ: આ સામાન્ય માહિતી છે, વ્યક્તિગત સલાહ નથી. દરેક વ્યક્તિની જરૂરિયાતો અલગ-અલગ હોય છે. કોઈપણ વસ્તુનો ઉપયોગ કરતા પહેલા નિષ્ણાતની સલાહ લો. કોઈપણ વસ્તુના ઉપયોગથી થતા નુકસાન માટે GSTV જવાબદાર રહેશે નહીં.