VIDEO: Samsung Galaxy Z Fold 8 Ultra ભારતમાં થયો લોન્ચ, કિંમત અને ફીચર્સ જોઈને આંખો રહી જશે ખુલ્લી
છેલ્લું અપડેટ : 23 Jul 2026
Samsung Galaxy Z Fold 8 Ultra ને ભારતીય માર્કેટમાં ગ્રાહકો માટે લોન્ચ કરી દેવામાં આવ્યો છે. લંડનમાં યોજાયેલી Galaxy Unpacked ઈવેન્ટમાં સેમસંગના આ સૌથી મોંઘા ફોલ્ડેબલ ફોનને રજૂ કરવામાં આવ્યો છે. આ વર્ષે કંપનીએ ફોલ્ડેબલ ફોનનું નામ બદલી નાખ્યું છે. આ ફોન ગયા વર્ષે આવેલા Galaxy Z Fold 7 નો અસલી સક્સેસર (આગામી વર્ઝન) છે. ખાસિયતોની વાત કરીએ તો, આ ફોનમાં સૌથી પાવરફુલ સ્નેપડ્રેગન પ્રોસેસરનો ઉપયોગ કરવામાં આવ્યો છે.
Samsung Galaxy Z Fold 8 Ultraની ભારતમાં કિંમત (Price in India)
12 GB RAM + 256 GB સ્ટોરેજ: ₹1,99,999
12 GB RAM + 512 GB સ્ટોરેજ: ₹2,19,999
16 GB RAM + 1 TB (ટોપ વેરિઅન્ટ): ₹2,59,999
કંપનીની ઓફિશિયલ સાઈટ પર ફોનનું પ્રી-બુકિંગ શરૂ થઈ ગયું છે. ફોનની કિંમત એટલી વધારે છે કે આ બજેટમાં તો કોઈપણ જૂની કાર આરામથી મળી શકે!
ખાસ લોન્ચ ઓફર્સ (Launch Offers)
કેશબેક અને બોનસ: ગ્રાહકો ₹10,000નો અપગ્રેડ બોનસ અથવા બેંક અને UPI ટ્રાન્ઝેક્શન પર ₹9,000 સુધીનું ઈન્સ્ટન્ટ કેશબેક મેળવી શકે છે.
EMI વિકલ્પો: ગ્રાહકો ખાસ NBFC પાર્ટનર્સ દ્વારા ઝીરો ડાઉન પેમેન્ટ સાથે 30 મહિના સુધીના નો-કોસ્ટ EMI (No-Cost EMI) અથવા ભાગીદાર બેંકો દ્વારા 9 મહિના સુધીના નો-કોસ્ટ EMIનો વિકલ્પ પસંદ કરી શકે છે.
Samsung Care+: ફોનની સાથે બે વર્ષનો ફ્રી સેમસંગ કેર+ પ્રોટેક્શન પ્લાન પણ આપવામાં આવી રહ્યો છે.
Galaxy Forever Program: આ સિવાય ગ્રાહકો 'ગેલેક્સી ફોરેવર પ્રોગ્રામ' પણ પસંદ કરી શકે છે, જે સેમસંગ કેર+ એક્સિડેન્ટલ ડેમેજ પ્રોટેક્શનને 55% સુધીની એશ્યોર્ડ બાયબેક વેલ્યુ (Assured Buyback Value) સાથે જોડે છે. આ પ્લાન નો-કોસ્ટ EMI ઓપ્શન હેઠળ દર મહિને ₹1084 લેખે 24 મહિના માટે ઉપલબ્ધ છે.
Samsung Galaxy Z Fold 8 Ultraના સ્પેસિફિકેશન્સ (Specifications)
ડિસ્પ્લે: ફોનમાં 6.5 ઇંચની AMOLED કવર ડિસ્પ્લે અને 8 ઇંચની AMOLED ઈન્ટરનલ (મુખ્ય) ડિસ્પ્લે છે. બંને પેનલ 120Hz સુધીના વેરિએબલ રિફ્રેશ રેટ સાથે આવે છે. આટલું જ નહીં, ફોન 3000 nits સુધીની પીક બ્રાઈટનેસ સપોર્ટ કરે છે. સ્ક્રીનની સુરક્ષા માટે કવર ડિસ્પ્લે પર Corning Gorilla Glass Ceramic 3 અને રિયર પેનલ (પાછળના ભાગ) પર Gorilla Glass Victus 2 નો ઉપયોગ કરવામાં આવ્યો છે.
ઓપરેટિંગ સિસ્ટમ: આ ફોન Android 17 પર આધારિત One UI 9 પર ચાલશે.
કેમેરા સેટઅપ:
રિયર કેમેરા (Tripple Camera): 200MP પ્રાઈમરી વાઈડ એન્ગલ, 50MP અલ્ટ્રા વાઈડ એન્ગલ અને 10MP ટેલિફોટો સેન્સર.
ફ્રન્ટ કેમેરા: સેલ્ફી માટે 10 મેગાપિક્સલનો કેમેરા સેન્સર.
વિડિયો અને નાઈટ સ્નેપ: સેમસંગનો દાવો છે કે આ ફોન શ્રેષ્ઠ નાઈટ ફોટોગ્રાફી એક્સપીરિયન્સ આપે છે અને તે 30fps પર 8K વીડિયો રેકોર્ડિંગ પણ કરી શકે છે.
પ્રોસેસર અને સ્ટોરેજ: ફોનમાં પ્રોસેસિંગ માટે Qualcomm Snapdragon 8 Elite Generation 5 ચિપસેટ, 16 GB સુધી RAM અને 1 TB સુધીની ઈન્ટરનલ સ્ટોરેજનો ઓપ્શન મળે છે. ફોનને કૂલ (ઠંડો) રાખવા માટે કંપનીએ આ ફોલ્ડેબલ ફોનમાં ગ્રેફાઈટ કૂલિંગ સ્ટ્રક્ચરનો ઉપયોગ કર્યો છે.
કનેક્ટિવિટી અને સિક્યુરિટી: ફોનમાં Wi-Fi 7, 5G, બ્લૂટૂથ અને USB Type-C પોર્ટ આપવામાં આવ્યા છે. સુરક્ષા માટે સાઈડ-માઉન્ટેડ ફિંગરપ્રિન્ટ સેન્સર પણ ઉપલબ્ધ છે.
બેટરી અને ચાર્જિંગ: 45W વાયર્ડ ચાર્જિંગ સપોર્ટ સાથે 5000 mAh ની બેટરી આપવામાં આવી છે, જે 20W વાયરલેસ ચાર્જિંગને પણ સપોર્ટ કરે છે.
