GSTV
Home » News » નાગેશ્વર રાવ નહીં હવે આ છે CBIના નવા બોસ : પ્રથમ દિવસ નહી રહે સામાન્ય, લાગ્યું છે મમતાનું ગ્રહણ

નાગેશ્વર રાવ નહીં હવે આ છે CBIના નવા બોસ : પ્રથમ દિવસ નહી રહે સામાન્ય, લાગ્યું છે મમતાનું ગ્રહણ

પશ્વિમ બંગાળમાં ચાલી રહેલા વિવાદ વચ્ચે સીબીઆઈના નવા વડા રૂષિ કુમાર શુક્લાએ પદભાર સંભાળ્યો. તેઓ આજે સીબીઆઈ ઓફિસ પહોંચ્યા હતા જ્યાં તેમણે સીબીઆઈનો પદ ભાર સંભાળ્યો. છેલ્લા ત્રણ-ચાર મહિનામાં તમામ નાટકીય ઘટનાક્રમ બાદ સીબીઆઇને અંતે નિયમિત બોસ મળી ગયા છે. વડાપ્રધાન મોદીની અધ્યક્ષતાવાળી હાઇપાવર્ડ કમિટીએ આઇપીએસ અધિકારી ઋષિકુમાર શુક્લાને સીબીઆઇના નવા ડાયરેક્ટર તરીકે નિમણૂંક કર્યા હતા. 1983 બેચના આઇપીએસ અધિકારી ઋષિકુમાર શુક્લા મધ્યપ્રદેશના ડીજીપી પણ રહી ચુક્યા છે. 10 જાન્યુઆરીએ આલોક વર્માને ડાયરેકટર પદેથી હટાવ્યા બાદ કેન્દ્ર સરકારે એમ.નાગેશ્વર રાવને વચગાળાના ડાયરેક્ટર તરીકે નિમણૂંક કર્યા હતા. ત્યારથી આ પદ ખાલી હતુ. ઋષિકુમાર શુક્લાનો કાર્યકાળ બે વર્ષનો હશે. શુક્લાને સીબીઆઇની કમાન એવા સમયે મળી છે કે જ્યારે આ પ્રમુખ તપાસ એજન્સી સતત વિવાદોમાં ઘેરાઇ રહી છે.

આ મામલે આજે સુનાવણી કરવી જરૂર નથી

કોલકત્તામાં પોલીસ અને સીબીઆઈની અધિકારીઓ વચ્ચે  થયેલા વિવાદ બાદ સીબીઆઈને સુપ્રીમ કોર્ટમાંથી મોટો ઝટકો લાગ્યો છે. સીબીઆઈએ સુપ્રીમમાં કરેલી અરજી અંગે કોર્ટે સુનવાણી આવતી કાલ સુધી ટાળી છે. જેથી સુપ્રીમમાં હવે આવતી કાલે સુનાવણી થશે. સીજેઆઈએ ટિપ્પણી કરી કે, આ મામલે આજે સુનાવણી કરવી જરૂર નથી. કોર્ટમાં સરકારી વકીલે પુરાવા નષ્ટ કરવાની આશંકા વ્યક્ત કરી હતી.  તો સુપ્રીમે પુરાવા નષ્ટ થવાનું પ્રમાણ માગ્યુ હતું. સાથે ટિપ્પણી કરી હતી કે, પુરાવાના આધારે એવી કાર્યવાહી થશે કે, પોલીસ કમિશનર પણ પસ્તાશે. સીબીઆઈએ સુપ્રીમ કોર્ટમાં અરજી કરી પોલીસ કમિશનર વિરૂદ્ધ અવમાનનાનો આરોપ લગાવ્યો. સીબીઆઈનો આરોપ છે કે, પોલીસ ચીટ ફંડની તપાસમાં  અડચણ ઉભી કરી રહી છે. આ ઉપરાંત સીબીઆઈ બંગાળના રાજ્યપાલ સાથે પણ મુલાકાત કરી શકે છે. દેશના ઈતિહાસમાં કોઈ રાજ્યની પોલીસે સીબીઆઈના પાંચ અધિકારીઓની અટકાયત કરી હોય તેવી પહેલી ઘટના બની હતી.

Related posts

યુએન હોય કે યુરોપિયન યુનિયન આ છોકરીનો વિશ્વમા છે દબદબો, મેળવશે દુનિયાનો સૌથી મોટો પુરસ્કાર

Riyaz Parmar

માની ભાવુક અપીલ સાંભળી બાબુલ સુપ્રિયો બોલ્યા- આંટી હું તમારા છોકરાને નુકશાન નહીં પહોંચાડુ

Kaushik Bavishi

સાહિત્ય મહોત્સવમાં કોંગ્રેસ નેતા શશી થરૂરનું નિવેદન: કહ્યું- હું રામની પૂજા કરૂ છું…

Riyaz Parmar
Do NOT follow this link or you will be banned from the site!