GSTV
News World ટોપ સ્ટોરી

કોરોનાને કાબૂમાં લઈને વિશ્વ સમક્ષ બેસાડ્યો દાખલો, હવે ન્યુઝીલેન્ડના પીએમ પોતે જ થયા વાયરસથી સંક્રમિત

ન્યુઝીલેન્ડના વડાપ્રધાન જેસિન્ડા આર્ડર્ન કોરોના વાયરસથી સંક્રમિત થઇ ગઈ છે. તેમની ઓફિસે શનિવારે એક નિવેદન જારી કરીને કહ્યું કે તેમનામાં વાયરસના હળવા લક્ષણો જોવા મળ્યા છે. તેઓ સરકારની ઉત્સર્જન ઘટાડવાની યોજના અને આગામી બજેટ અંગે સંસદમાં ચર્ચામાં ભાગ લેશે નહીં. નિવેદનમાં કહેવામાં આવ્યું છે કે, ‘અમેરિકામાં તેમના ટ્રેડ મિશનની મુસાફરી આ સમયે પ્રભાવિત થઈ છે.’ આર્ડર્નમાં શુક્રવાર સાંજથી સંક્રમણના સંકેતો દેખાયા છે.

જેસિન્ડા આર્ડર્નનો રેપિડ એન્ટિજેન ટેસ્ટ શનિવારે સવારે કરવામાં આવ્યો હતો, જેમાં તેઓ સંક્રમણથી પોઝિટિવ મળ્યા હતા. હાલમાં, તેમને વાયરસના હળવા લક્ષણો છે અને તે 8 મેથી ક્વોરેન્ટાઇન છે. કારણ કે તે જ દિવસે તેના પાર્ટનર ક્લાર્ક ગેફોર્ડને પણ સંક્રમિત થઇ ગયા છે. વડાપ્રધાનનો રેપિડ એન્ટિજેન ટેસ્ટ કરવામાં આવ્યો હોવાથી તેમણે 21 મેની સવાર સુધી આઈસોલેશનમાં રહેવું પડશે. આ દરમિયાન તેઓ ઓફિસમાં આવ્યા વિના ઘરેથી કામ કરશે. નાયબ વડા પ્રધાન ગ્રાન્ટ રોબર્ટસન સોમવારે આર્ડર્નને બદલે મીડિયાને સંબોધશે.

કોરોના

બજેટ અને ઉત્સર્જન યોજના પર વાત કરી

બીજી તરફ, આર્ડર્ને એક નિવેદનમાં કહ્યું, ‘આ અઠવાડિયું સરકાર માટે એક સીમાચિહ્નરૂપ છે અને હું નિરાશ છું કે હું આ માટે ત્યાં હાજર ન રહી શકું. અમારી ઉત્સર્જન ઘટાડવાની યોજના એ રીતે આકાર આપશે કે જેમાં આપણે કાર્બન શૂન્ય લક્ષ્ય હાંસલ કરી શકીએ. તે જ સમયે, બજેટમાં ન્યુઝીલેન્ડની આરોગ્ય પ્રણાલીના લાંબા ગાળાના ભવિષ્ય અને સુરક્ષા વિશે વાત કરવામાં આવી છે. પરંતુ મેં આ અઠવાડિયાની શરૂઆતમાં કહ્યું તેમ, આ વર્ષે કોવિડ-19 આઇસોલેશન એક અલગ અનુભવ છે, જેમાં મારો પરિવાર પણ અપવાદ નથી.

દેશ વાયરસને કાબૂમાં લેવામાં આગળ હતો

તમને જણાવી દઈએ કે ન્યુઝીલેન્ડ એ દેશોમાં સામેલ છે જેણે ચેપની શરૂઆતમાં વાયરસને કાબૂમાં રાખ્યો હતો. સમયસર સરહદો બંધ કરીને અને લોકોની મુસાફરી અટકાવીને અહીં લોકડાઉન લાગુ કરવામાં આવ્યું હતું. અહીંની સરકારે પણ ઝડપથી કોરોના વાયરસ સામે રસીકરણ અભિયાન શરૂ કર્યું હતું. દેશની લગભગ આખી વસ્તીને રસી મળી ગઈ છે. વાયરસને કાબૂમાં લેવા માટે ન્યુઝીલેન્ડની વિશ્વભરમાં પ્રશંસા કરવામાં આવી હતી. વડાપ્રધાન જેસિન્ડા આર્ડર્નની નીતિઓને પણ ખૂબ પસંદ કરવામાં આવી હતી. જો કે છેલ્લા કેટલાક મહિનાઓથી ફરી એકવાર કોરોના વાયરસના આંકડામાં વધારો જોવા મળી રહ્યો છે.

Read Also

Related posts

મોટા સમાચારઃ મહારાષ્ટ્રની ઉદ્ધવ સરકારે પણ પેટ્રોલ- ડીઝલ પર ઘટાડ્યો વેટ, ભાજપ શાસિત રાજ્યો ક્યારે ઘટાડશે ભાવ ?

Zainul Ansari

મોટા સમાચાર / આફ્રિકા વિરુદ્ધ ટી-20 શ્રેણી માટે ભારતીય ટીમની ઘોષણા, ‘જમ્મુ એક્સપ્રેસ’ ખેલાડીની એન્ટ્રી

Hardik Hingu

ભાજપમાં ભંગાણ / બાબુલ સુપ્રિયો બાદ વધુ એક ભાજપના સાંસદની TMCમાં ઘરવાપસી

Hardik Hingu
GSTV