આંધ્રપ્રદેશને આગામી વર્ષે પોતાની અલગ હાઈકોર્ટ મળશે. રાષ્ટ્રપતિ રામનાથ કોવિંદે આના સંદર્ભે બુધવારે આદેશ જાહેર કર્યો છે. આંધ્રપ્રદેશ હાઈકોર્ટ પહેલી જાન્યુઆરી-2019થી અમરાવતીથી પોતાનું કામકાજ શરૂ કશે. અમરાવતી આંધ્રપ્રદેશની નવી રાજધાની છે. બીજી જૂન-2014ના રોજ આંધ્રપ્રદેશનું વિભાજન કરીને તેલંગાણાની રચના વખતે હૈદરાબાદમાં બંને રાજ્યની સંયુક્ત હાઈકોર્ટ હતી.
નવી હાઈકોર્ટની રચના સાથે ભારતમાં હાઈકોર્ટની સંખ્યા 25ની થઈ જશે. આદેશ મુજબ નવી હાઈકોર્ટનું નામ આંધ્રપ્રદેશ હાઈકોર્ટ હશે. અમરાવતીમાં આ હાઈકોર્ટની મુખ્ય ખંડપીઠ હશે અને હૈદરાબાદ ખાતેની હાઈકોર્ટ તેલંગાણા રાજ્ય માટેની રહેશે.
- પાકિસ્તાને ભારતમાં આતંકીઓ ઘુસાડવાનો નવો પેતરો અજમાવ્યો, અફઘાનિસ્તાનથી કરી આતંકીઓની આયાત
- આટલા વરસાદ પછી પણ આ વિસ્તારમાં પાણીની તંગી થાય તો નવાઈ નહીં, કારણ કે કૂવામાંથી 73 કરોડનું પાણી ચોરાય ગયું છે
- ગાય ખેતરનો પાક ખાઈ જતી હોવાના કારણે રૂમમાં પુરી દેતા 17 ગાયો ભૂખથી તડપીને મરી ગઈ
- ભોજન વેડફતા પહેલા યાદ રાખજો કે દુનિયાના 8 કરોડ લોકો ભૂખ્યા સુવે છે
- ઈન્સ્ટાગ્રામનું સૌથી ખતરનાક ડેબ્યુ આ અભિનેત્રીના નામે, સાઈન અપ કરતાં જ ગિનીસમાં રેકોર્ડ દર્જ થઈ ગયો
આદેશ મુજબ નવી રચાયેલી આંધ્રપ્રદેશ હાઈકોર્ટના મુખ્ય ન્યાયાધીશ તરીકે જસ્ટિસ રમેશ રંગનાથનને નિયુક્ત કરવામાં આવ્યા છે. હાલ જસ્ટિસ રમેશ રંગનાથન ઉત્તરાખંડ હાઈકોર્ટના મુખ્ય ન્યાયાધીશ છે. આંધ્રપ્રદેશ હાઈકોર્ટમાં મુખ્ય ન્યાયાધીશ સિવાય પંદર જજો પણ નિયુક્ત થશે.