GSTV

મકાન માલિકો અને ભાડૂઆતો માટે આવી રહ્યો છે નવો કાયદો, 1.10 કરોડ મકાનો પડ્યા છે ખાલી

Last Updated on November 27, 2020 by Ankita Trada

છેલ્લી વસતિગણતરી મુજબ દેશમાં એક કરોડ દસ લાખ મકાનો ખાલી પડ્યાં છે. આતંકવાદના પગલે લોકો અજાણ્યાને મકાન ભાડે આપતાં ડરે છે. મકાન માલિકો અને ભાડૂતો બંનેને ધ્યાનમાં રાખીને કેન્દ્ર સરકાર એક નવો કાયદો ઘડી રહી છે. અત્યાર અગાઉ આવો કોઇ કાયદો નહોતો. દેશમાં બહુ જલતી આદર્શ ભાડૂત કાયદો (મોડેલ ટેનન્સી એક્ટ) આવી રહ્યો છે.

લોકો ગમે તેને ભાડે આપતાં ડરતા હતા

કેન્દ્રના રહેઠાણ અને શહેરી બાબતોના સચિવ દુર્ગાશંકર મિશ્રાએ કહ્યું કે અત્યારે એક કરોડ દસ લાખથી વધુ મકાનો ખાલી પડ્યાં છે કારણ કે લોકો ગમે તેને ભાડે આપતાં ડરતા હતા. હવે મોડેલ ટેનન્સી કાયદો આવી રહ્યો છે જે મકાન માલિકો અને ભાડૂતો બંનેની સમસ્યાઓ ધ્યાનમાં રાખીને ઘડવામાં આવ્યો હતો. આ કાયદાની કેટલીક રસપ્રદ વિગતો આ મુજબ છે.

બે માસના ભાડાથી વધુ રકમ માગી નહીં શકે

રેન્ટ એગ્રીમેન્ટ થયા પછી મકાન માલિક મુદત પૂરી ન થાય ત્યાં સુધી ભાડૂતને ઘર ખાલી કરવાનું નહીં કહી શકે સિવાય કે સતત બે માસ સુધી ભાડું ન ચૂકવાયું હોય, ભાડૂતની અંગતતા જાળવવા આ કાયદામાં એવી જોગવાઇ છે કે, મકાન માલિક ચોવીસ કલાક અગાઉ જણાવ્યા સિવાય ઓચિંતા આવી નહીં શકે. રેન્ટ એગ્રીમેન્ટ કરતી વખતે મકાન માલિક સિક્યોરિટી ડિપોઝિટ પેટે બે માસના ભાડાથી વધુ રકમ માગી નહીં શકે. રેન્ટ એગ્રીમેન્ટમાં જણાવેલી મુદત પૂરી થાય ત્યારે ભાડુત મકાન કે દુકાન ખાલી ન કરે તો મકાન માલિક ત્યારપછીના બે માસ સુધી ડબલ ભાડું માગી શકે છે અને ભાડુત બે માસથી વધુ લાંબો સમય ત્યાં રહે તો ચાર ગણું ભાડું માગી શકશે.

આમ નવા કાયદામાં ભાડુત અને મકાન/દુકાન માલિક બંનેનાં હિતો સચવાઇ રહે એવી જોગવાઇ કરવામાં આવી હતી.

READ ALSO

Related posts

સર ટી હોસ્પિટલ ફરી વિવાદમાં / નર્સિંગ સ્ટાફના 100થી વધુ કર્મચારીઓને એકાએક કરી દેવાયા છુટા

Pritesh Mehta

કોંગ્રેસ વિધાનસભા પક્ષની બેઠકમાં 2 ઠરાવો પસાર, સોનિયા ગાંધી પંજાબના નવા મુખ્યમંત્રીની કરશે પસંદગી

Vishvesh Dave

રાજીનામા બાદ કેપ્ટનનું મોટું નિવેદન : નવજોત સિંહ સિદ્ધુ પાકિસ્તાનના પીએમ ઇમરાન અને આર્મી ચીફ બાજવાના મિત્ર, તે દેશની સુરક્ષા માટે નથી ઠીક

Vishvesh Dave
Do NOT follow this link or you will be banned from the site!