GSTV

નવા નાણાકીય વર્ષથી બદલાઈ જશે ટેક્સ સાથે જોડાયેલાં 4 નિયમો, જાણો તમારી ઉપર શું થશે અસર?

1 એપ્રિલથી નવા નાણાકીય વર્ષ 2020-21 ની શરૂઆત થવાની સાથે, ટેક્સ સંબંધિત નિયમો બદલાશે. નવા નાણાકીય વર્ષમાં નીતિઓની સાથે, તે પ્રક્રિયાઓમાં કેટલાક ફેરફારો થશે જે દરેક વ્યક્તિ/કંપનીઓએ અનુસરવા પડશે. 1 એપ્રિલ, 2020 થી જ્યાં પાન-આધાર લિંકિંગ માટેની અંતિમ તારીખ સમાપ્ત થઈ જશે. તે જ સમયે, નવી જીએસટી રીટર્ન સિસ્ટમ ઉપલબ્ધ થશે.

પહેલી એપ્રિલથી થશે આ 4 મોટા ફેરફાર

નવી ઈનકમ ટેક્સ સિસ્ટમ થશે લાગૂ

2020-21ના બજેટમાં સરકારે વૈકલ્પિક દરો અને સ્લેબ સાથે નવી આવકવેરા વ્યવસ્થા શરૂ કરી, જે 1 એપ્રિલથી શરૂ થતા નવા નાણાકીય વર્ષથી અમલમાં આવશે. નવી ટેક્સ સિસ્ટમમાં કોઈ છૂટ અને કપાતનો કોઈ ફાયદો થશે નહીં. નવા ટેક્સ પ્રસ્તાવ હેઠળ 2.5 લાખ રૂપિયા વાર્ષિક આવક ધરાવતા લોકોને કોઈ આવકવેરો ભરવાનો રહેશે નહીં. તો સાથે જ, 2.5 થી 5 લાખ રૂપિયા સુધીની આવક પરનો ટેક્સ દર અગાઉની જેમ 5% રહેશે. 5 થી 7.5 લાખ રૂપિયા વાર્ષિક આવક ધરાવતા લોકો માટે ટેક્સ રેટ 10%, રૂ. 7.5 થી 10 લાખની આવક પર 15%, રૂ. 10 લાખથી 12.5 લાખ પર 20%, 12.5 લાખથી 15 લાખ રૂપિયાની આવક પર 25% અને 15 લાખ રૂપિયાથી વધુની આવક પર 30% ના દરે ટેક્સ લાગશે.

PAN કાર્ડ નંબર

1 એપ્રિલથી, તમારું પૅન કાર્ડ ‘અમાન્ય’ થઈ જશે, જો તમે તેને આધાર સાથે લિંક કરાવ્યુ નહી હોય તો. પૅન અને આધાર નંબરને જોડવાની છેલ્લી તારીખ 31 માર્ચ 2020 છે. ગયા વર્ષમાં, પૅન-આધાર લિંકિંગ માટેની અંતિમ તારીખ ઘણી વખત વધી છે. આશરે 17.58 કરોડ પૅન હજી પણ આધાર સાથે જોડાયેલા નથી જ્યારે 30.75 કરોડથી વધુ લોકોએ તેમના પૅનને આધાર સાથે જોડ્યા છે.

વિદેશી ટૂર પેકેજ માટે TCS

1 એપ્રિલ, 2020 થી, વિદેશી ટૂર પેકેજો ખરીદવા અને વિદેશમાં કોઈપણ ભંડોળ ખર્ચ કરવો તે મોંઘું થઈ જશે. જો કોઈ વિદેશી ટૂર પેકેજ ખરીદે છે અથવા વિદેશી કરન્સી એક્સચેન્જ  મેળવે છે, તો ટેક્સ કલેક્શન એટ સોર્સ (ટીસીએસ) 7 લાખ રૂપિયાથી વધુની રકમ પર ચૂકવવું પડશે. હકીકતમાં, સામાન્ય બજેટ 2020 માં, કેન્દ્ર સરકારે વિદેશી ટૂર પેકેજો અને ભંડોળ પર 5% ટીસીએસ લાદવા માટે કલમ 206 સીમાં સુધારો કરવાની દરખાસ્ત કરી છે.

નવું જીએસટી રિટર્ન

જીએસટી કાઉન્સિલની 31 મી બેઠકમાં કરદાતાઓ માટે નવી જીએસટી રીટર્ન સિસ્ટમ શરૂ કરવાનો નિર્ણય લેવામાં આવ્યો હતો. નવી સિસ્ટમ 1 એપ્રિલથી અમલમાં આવશે. તેનાથી જીએસટી રીટર્ન ભરવામાં સરળતા રહેશે. નવી સિસ્ટમ અંતર્ગત બે નવા ફોર્મ રજૂ કરવામાં આવ્યા છે. GST FORM ANX -1 અને GST FORM ANX -2.

READ ALSO

Related posts

PM મોદી રમી ગયાં ‘નંબર ગેમ’ અને જોતો રહી ગયો સચિન તેંડુલકર, મામલો જાણશો તો લાગશે નવાઇ

Bansari

શાહરૂખની ઑનસ્ક્રીન દીકરીના પિતાનું થયું નિધન, આ કારણે નહીં કરી શકે અંતિમ દર્શન

Bansari

હાથમાં વેલણ લઇને જેનેલિયા ડિસુઝાએ પતિ પાસે ઘસાવ્યા વાસણ, જોવા જેવો છે એક્ટરનો આ Funny Video

Bansari
Do NOT follow this link or you will be banned from the site!