GSTV
AGRICULTURE Rajkot ગુજરાત ટોપ સ્ટોરી

સૌરાષ્ટ્રના યાર્ડમાં રવિપાકની નવી ડુંગળીનું આગમન,  રોજની 5000 ક્વિન્ટલથી વધુ આવક

ચટાકેદાર-મસાલેદાર વાનગીઓમાં વ્યાપક વપરાતી, ગરીબોની કસ્તુરી ગણાતી તથા કેટલાક ઔષાધીય ગુણો ધરાવતી ડુંગળીનું આ વર્ષે ગુજરાતમાં 70 હજાર હેક્ટરમાં આશરે 20 લાખ ટન ઉત્પાદન થવાનો અંદાજ છે. શિયાળામાં રવિ સીઝનમાં વવાતી ડુંગળીની હાલ બજારમાં આવક શરુ થઈ ગઈ છે અને આજે રાજકોટ યાર્ડમાં 3700 ક્વિન્ટલ આવક નોંધાઈ હતી.

યાર્ડના સૂત્રો અનુસાર પંજાબ, ઉત્તરપ્રદેશ તથા સમગ્ર ગુજરાત સહિત દેશભરમાં અને પડોશી દેશોમાં પણ સૌરાષ્ટ્રની ડુંગળીની માંગ નીકળતા ખેડૂતોને એકંદરે સારા ભાવ મળે છે અને રાજકોટ યાર્ડમાં મોટા જથ્થામાં ડુંગળી ઠલવાય છે તે મૂજબ માંગ પણ રહેતી હોય ખપત થઈ જાય છે.

રાજ્યમાં સામાન્ય રીતે 63750 હેક્ટરમાં ડુંગળીનું વાવેતર થાય છે જે ગત વર્ષે એકદમ વાધીને 88 હજાર હેક્ટરમાં થયું હતું જ્યારે આ વર્ષે અત્યાર સુધીમાં  70 હજાર હેક્ટરમાં વાવેતર થયું છે. સરકારના અંદાજ મૂજબ હેક્ટર દીઠ સરેરાશ 28353કિલો ડુંગળીની ઉપજ મળે તેવી શક્યતા છે.

રાજકોટ બેડી માર્કેટિંગ યાર્ડમાં આજે નવી સીઝનની ડુંગળીના ભાવ પ્રતિ 20 કિલોના રૂ.110-270 લેખે સોદા થયા હતા. આ પહેલા યાર્ડમાં ગત તા.8-1-2023થી  તા.13-1-2023 સુધીમાં રોજની 5000 ક્વિન્ટલથી વધુ લેખે 31,000 ક્વિન્ટલ  એટલે કે 1.55 લાખ મણ ડુંગળીની ધોધમાર આવક નોંધાયેલી છે. હવે રવિપાકની નવી ડુંગળીનું સૌરાષ્ટ્રના યાર્ડમાં આગમન થયું છે.

બીજી તરફ ગાત્રો શિથીલ કરતી કાતિલ ઠંડીની શાકભાજીની આવક અને ભાવ ઉપર પણ પ્રતિકૂળ અસર નોંધાઈ છે. શાકભાજીના ભાવમાં ફરી આંશિક વાધારો થયો છે. ટમેટા, મરચાં સહિતના શાકભાજીના ભાવ વધુ પડતી ઠંડીના કારણે વધ્યા છે.

READ ALSO

Related posts

ગેરકાયદે કતલખાના મુદ્દે હાઈકોર્ટે સરકારની ઝાટકણી કાઢી, કહ્યું તાત્કાલિક આવી મીટશોપ બંધ કરાવો

Nakulsinh Gohil

પેપરલીક મામલે ભાજપના નેતાઓનું મૌન પણ હાર્દિક પટેલે આપ્યું નિવેદન, જાણો શું કહ્યું

Nakulsinh Gohil

વડોદરા / સળિયાનો જથ્થો વેચવાના નામે સ્ક્રેપ વેપારી સાથે 7.61 લાખની ઓનલાઇન છેતરપિંડી

Nakulsinh Gohil
GSTV