GSTV
Home » News » નવજોત સિંહ સિદ્ધુ વિરૂદ્ધ ઉઠ્યા નારા, ‘પાકિસ્તાન ચાલ્યા જાવ’

નવજોત સિંહ સિદ્ધુ વિરૂદ્ધ ઉઠ્યા નારા, ‘પાકિસ્તાન ચાલ્યા જાવ’

પુલવામા હુમલા બાદ પાકિસ્તાન સાથે શાંતિ મંત્રણાનો રાગ આલાપનારા કોંગ્રેસના નેતા નવજોતસિંહ સિદ્ધુ સામે વિરોધ ઉગ્ર બની રહ્યો છે. અમૃતસરમાં ભાજપ યુવા મોરચના કાર્યકર્તાઓ દ્વારા સિદ્ધુના નિવેદન સામે ઉગ્ર વિરોધ પ્રદર્શન કરવામાં આવ્યું. ભાજપના કાર્યકર્તાઓએ સિદ્ધુના નિવેદનને દેશદ્રોહી ગણાવ્યું તેમજ તેને પાકિસ્તાન ચાલ્યા જવાની સલાહ આપી. કાર્યકર્તાઓએ સિદ્ધુની તસવીરોને કાળો કલર કરી વિરોધ નોંધાવ્યો.

કપિલ શર્મા શોમાંથી હકાલપટ્ટી

પુલવામામાં સીઆરપીએફ પર થયેલા હુમલામાં 40 જવાનો શહીદ થવા પર નવજોત સિંહ સિદ્ધુએ આપેલુ એક નિવેદન તેમની પર જ ભારે પડી ગયુ હતું. ટીવી ચેનલ દ્વારા સિદ્ધુની ધ કપિલ શર્મા શોમાંથી હકાલપટ્ટી કરાઇ હતી. સિદ્ધુની જગ્યાએ હવે, અર્ચના પૂરણ સિંહ નજર આવશે. ખુદ અર્ચનાએ પણ આ વાતની પુષ્ટિ કરી છે અને જણાવ્યું કે તેણે શૉના બે એપિસોડનું શુટિંગ કરી લીધું છે.

બીજી બાજુ સિદ્ધુના આ નિવેદન બાદ લોકોમાં ભારે રોષ જોવા મળી રહ્યો છે. સિદ્ધૂને કપિલ શર્મના ટીવી શો ‘ધ કપિલ શર્મા શો’માંથી હાંકી કાઢવાની માંગણી ઉઠી રહી છે. એટલું જ નહીં આ માંગણી એટલી આક્રમક બની છે કે, જો સિદ્ધુને હાંકી કાઢવામાં ના આવે તો આ શો નો જ બોયકોટ કરવાની ધમકી આપવામાં આવી રહી હતી.

સોશિયલ મીડિયા પર કપિલ શર્માના શોમાંથી સિદ્ધૂને હાંકી કાઢવાની માંગણી તો કરવામાં જ આવી સાથો સાથે અનેક પોસ્ટ અને અનેક પ્રકારની કોમેન્ટો પણ કરવામાં આવી રહી છે. લોકોએ સિદ્ધુને હાંકી કાઢવા માટે સોની એન્ટરટેન્મેન્ટને પણ અપીલ કરી છે. આ માંગણીને લઈને લોકો એટલા તો સક્રિય થયા છે કે બોયકોટ કપિલ શર્મા શો ટ્વિટર પર ટ્રેંડ પણ કરવા લાગ્યો છે.ઉલ્લેખનિય છે કે, પુલવામાં હુમલા પર સિદ્ધુએ કહ્યુ હતુ કે, આતંકવાદીઓનો કોઇ દેશ નથી હોતો. તેમણે મુઠ્ઠીભર લોકો માટે પૂરા દેશને જવાબદાર કેવી રીતે ગણી શકાય પ્રકારના નિવેદન આપ્યા હતા. જેના પગલે સિદ્ધુની હકાલપટ્ટી કરાઇ હતી.

READ ALSO

Related posts

વિશ્વના અનેક દેશોના વડાઓએ PM મોદીને શુભેચ્છા આપી

Path Shah

દેશના આ બે મોટા રાજ્યોમાં મોદીએ જ્ઞાતી-જાતિના સમીકરણોને કર્યા પરાસ્ત

Nilesh Jethva

મોદીની સુનામીમાં કોંગ્રેસનાં સૂપડાં સાફ પણ આ 3 રાજ્યોને ના થઈ અસર, આ પાર્ટીઓને રહ્યો દબદબો

Nilesh Jethva
Do NOT follow this link or you will be banned from the site!