GSTV
Home » News » નર્મદાનું પાણી દૂષિત?, આરટીઆઈ એક્ટિવિસ્ટ-સામાજીક આગેવાનોનો ચોંકાવનારો ખુલાસો

નર્મદાનું પાણી દૂષિત?, આરટીઆઈ એક્ટિવિસ્ટ-સામાજીક આગેવાનોનો ચોંકાવનારો ખુલાસો

ગુજરાત સરકાર દ્વારા રાજ્યના લોકોને દુષિત પાણી પિવડાવવામાં આવી રહ્યું હોવાનો ચોંકાવનારો ખુલાસો આરટીઆઈ એક્ટીવિસ્ટ તેમજ સામાજીક આગેવાનોએ કર્યો છે. પર્યાવરણ મિત્રના આગેવાનોએ પત્રકાર પરિષદ યોજીને આ અંગે ઘટસ્ફોટ કર્યો હતો.

ગુજરાત સરકાર રાજ્યભરમાં નર્મદાનુ પાણી આપે છે. આ પાણીનો ઉપયોગ રાજ્યભરના 65 ટકાથી વધુ લોકો કરી રહ્યા છે. પરંતુ આ પાણી ગંદુ છે પીવાલાયક નથી તેવો દાવો કરાયો છે. નર્મદાનુ પાણી દૂષિત થયાની જાણકારી જ્યારે નર્મદાનું પાણી કાળુ થયું ત્યારે થઇ હતી. ગુજરાત પાણી પુરવઠો અને ગટર વ્યવસ્થા બોર્ડના વાર્ષિક અહેવાલમાં આ અંગે જણાવાયું હતું કે આ પાણીમાં એક લીટરે ટીડીએસની માત્રા 500 મિલીગ્રામ હોવુ જોઈએ.

પીવાના પાણીની શુદ્ધતા અંગે જે 13 ધોરણો નક્કી કરાયેલા છે, તેમાંથી 10 ધોરણો ગુજરાત સરકાર નીચે લાવી છે અને ગુજરાતના ચાર કરોડ લોકોને પ્રદૂષિત પાણી પીવા ફરજ પાડે છે. સરકારની જળ ગુણવત્તા સમીક્ષા સમિતિ છે કે જે 2003-11 દરમ્યાન માત્ર 6 વખત મળી હતી.

ગુજરાત પાણી પુરવઠા અને ગટર વ્યવસ્થા બોર્ડના હિસાબોમાં 2017-18માં જ રૂ. 855 કરોડના ગોટાળા છે એમ ઓડિટ અહેવાલ કહે છે. નિયત ધોરણો મુજબ હિસાબો રાખવામાં આવતા નથી. પરંતુ રાજ્ય સરકારે વૈકલ્પિક સ્ત્રોતની ગેરહાજરીમાં 2000 ટીડીએસ કરી નાખ્યુ છે અને પીવાના પાણીના 13 ધોરણોમાંથી ઘટાડીને 10 ધોરણો સરકારએ કરી નાખ્યા છે, જેનાથી જનતાના સ્વાસ્થ્ય સાથે ચેડાં થઈ શકે છે અને ગંભીર બીમારી પણ થઇ શકે છે તેવો ભય વ્યક્ત કરાયો છે.

READ ALSO

Related posts

બેટી બચાવવાનો દાવો પોકળ, રાજ્યમાં ખુલ્લેઆમ થાય છે ગર્ભ પરીક્ષણ

Kaushik Bavishi

અરબી સમુદ્રમાં લૉ પ્રેશર સર્જાતા માછીમારોને દરિયો ન ખેડવા અપાઈ સૂચના

Mansi Patel

વડોદરામાં મોટી માત્રામા ગૌમાંસ મળી આવતા ચકચાર

Nilesh Jethva
Do NOT follow this link or you will be banned from the site!