GSTV
Home » News » ગુજરાતમાં 4 દિવસ પોલીસ રહેશે હાઈએલર્ટ પર : અધિકારીઓ નહીં પાડી શકે રજા, આ છે કારણો

ગુજરાતમાં 4 દિવસ પોલીસ રહેશે હાઈએલર્ટ પર : અધિકારીઓ નહીં પાડી શકે રજા, આ છે કારણો

આવતીકાલથી 4 દિવસ સુધી ગુજરાતમાં હાઈએલર્ટ જેવી પરિસ્થિતિ રહેશે. જસદણની પેટા ચૂંટણી અને મોદી ગુજરાતમાં હોવાથી પોલીસતંત્ર હાલમાં કડક કાર્યવાહી કરી રહ્યું છે. કેવડિયામાં ડીજી કોન્ફરન્સની સાથે અડાલજમાં રાષ્ટ્રીય મહિલા અધિવેશન હોવાથી ગુજરાત પોલીસ સતત દોડાદોડી કરી રહી છે. આમ આ 4 દિવસમાં સતત કાર્યક્રમો હોવાથી પોલીસ વિભાગ સતત વ્યસત્ બની ગયો છે. ગૃહ વિભાગે પણ સતત ચાંપતી નજર રાખવા માટે આદેશો કર્યો છે. અમદાવાદ, રાજકોટ, ગાંધીનગર અને ભરૂચ જિલ્લાના ઉચ્ચ પોલીસ અધિકારીઓને રજા પણ ન મળે તેવી સ્થિતિ 23મી સુધી રહેવાની છે.

  • 20મીએ જસદણની પેટાચૂંટણી અંતર્ગત આચારસંહિતા
  • 21મી અને 22મી મોદી ગુજરાતમાં
  • 21મીએ રાજ્યમાં ડીજી કોન્ફરન્સ
  • 22મીએ અડાલજમાં ભાજપનું રાષ્ટ્રીય મહિલા અધિવેશન
  • 23મીએ જસદણની પેટાચૂંટણીનું રિઝલ્ટ

૨૧મીએ વડાપ્રધાન નરેન્દ્ર મોદી ગુજરાતની બે દિવસીય મુલાકાતે આવી રહ્યાં છે. ગુજરાતમાં બીજી વાર આયોજિત ડીજી કોન્ફરન્સનું વડાપ્રધાન ઉદ્ઘાટન કરશે. કેવડિયા કોલોની ખાતે આયોજિત કોન્ફરન્સને પગલે સમગ્ર વિસ્તારમાં ચાંપતો પોલીસ બંદોબસ્ત ગોઠવી દેવાયો છે. મોદી ગુજરાતમાં આવી રહ્યાં હોવાથી પોલીસ તંત્ર પણ એલર્ટ બની ગયું છે. મોદી એક રાત રોકાવાના છે. ગુજરાતમાં અહી લોકસભાની સીટો અંગે ચર્ચા વિચારણા થઈ શકે છે. બીજા દિવસે ભાજપનું રાષ્ટ્રીય અધિવેશન હોવાથી ભાજપના મોટાભાગના નેતાઓ ગુજરાત પહોંચે તેવી સંભાવના છે. ગુજરાતમાં આ દિવસે રાજકીય માહોલ ગરમ બને તેવી પૂરી સંભાવના છે.

નરેન્દ્ર મોદી કેવડિયા કોલોનીમાં જ રાત્રી રોકાણ કરશે

સૂત્રોના મતે, ૨૧મીએ વડાપ્રધાન નરેન્દ્ર મોદી દિલ્હીથી સીધા જ વડોદરા આવશે ત્યાંથી તેઓ કેવડિયા કોલોની પહોંચશે. કેવડિયા કોલોનીમાં ડીજી કોન્ફરન્સમાં સંબોધન કર્યા બાદ તેઓ સ્ટેચ્યૂ ઓફ યુનિટીની ય મુલાકાત લેશે. નરેન્દ્ર મોદી કેવડિયા કોલોનીમાં જ રાત્રી રોકાણ કરશે. બીજા દિવસે વડાપ્રધાન અડાલજમાં ત્રિમંદિર ખાતે ભાજપ રાષ્ટ્રીય મહિલા સંમેલનમાં સંબોધન કરશે. ત્યાંથી તેઓ દિલ્હી જવા રવાના થશે. આમ મોદી 2 દિવસ ગુજરાતમાં હશે એ ફાયનલ છે. જેમની સુરક્ષા વ્યવસ્થા માટે પોલીસે પણ ચાંપતો બંદોબસ્ત ગોઠવી દીધો છે. 20મીએ જસદણની ચૂંટણી અને 21 અને 22મીએ મોદી બાદ 23મીએ જસદણનું રિઝલ્ટ હોવાથી પોલીસ તંત્ર 4 દિવસ હાઇએલર્ટ પર રહેશે એ નક્કી છે.

૧૫૦થી વધુ ડીજી કક્ષાના ઉચ્ચ પોલીસ અધિકારીઓ ઉપસ્થિત રહેશે

સૌ પ્રથમવાર કચ્છમાં ડીજી કોન્ફરન્સ આયોજિત કરાઇ હતી. હવે સ્ટેચ્યૂ ઓફ યુનિટીમાં આયોજન કરાયું છે. આ કોન્ફરન્સમાં ૧૫૦થી વધુ ડીજી કક્ષાના ઉચ્ચ પોલીસ અધિકારીઓ ઉપસ્થિત રહેશે. જમ્મુ કાશ્મીરની વર્તમાન પરિસ્થિતીથી માંડીને આતંકવાદ એ મુખ્ય ચર્ચાનો વિષય હશે. હાલમાં પોલીસંત્રમાં રજાઓ પણ કેન્સલ કરી દેવાઈ છે. ગુજરાતમાં ડી. જી. કોન્ફરન્સ પણ હોવાથી ગુજરાત પોલીસ હાલમાં એલર્ટ છે.

Related posts

ગુજરાત રાજ્ય જમીન વિકાસ નિગમના પૂર્વ MDનું કરોડોનું જમીન કૌભાંડ,એસીબીની તપાસમાં સામે આવી ચોંકાવનારી…

Path Shah

આતંકી અથડામણમાં શહીદ થયા મેજર, મોટી સંખ્યામાં લોકોએ ભીની આંખો સાથે આપી વિદાય

Path Shah

ફ્રેન્ચ અબજોપતિએ સોધેબી હાઉસ અધધ આટલા અબજ ડોલરમાં ખરીદયુ

Path Shah
Do NOT follow this link or you will be banned from the site!