GSTV
Home » News » વર્ષ દરમ્યાન આટલા રૂપિયા બેંક ખાતામાંથી ઉપાડશો તો લાગશે ટેક્સ, મોદી સરકારે કરી તૈયારીઓ

વર્ષ દરમ્યાન આટલા રૂપિયા બેંક ખાતામાંથી ઉપાડશો તો લાગશે ટેક્સ, મોદી સરકારે કરી તૈયારીઓ

જો તમે વર્ષમાં બેંક ખાતામાંથી 10 લાખ રૂપિયાથી વધારે કેશ કાઢશો, તો તેની ઉપર તમારે ટેક્સ આપવો પડી શકે છે. કેન્દ્રની મોદી સરકાર એક વર્ષમાં 10 લાખ રૂપિયાથી વધુ કેશ નિકાળનારા લોકો ઉપર ટેક્સ લગાવવાનો વિચાર કરી રહી છે. તેની પાછળ સરકારનો ઉદ્દેશ ફિઝીકલ કરન્સી એટલેકે પેપર નોટનો ઉપયોગ ઘટાડવાનો છે. અને સાથે જ બ્લેકમની ઉપર લગામ લગાવવાનો છે. આ પગલા લેવાથી દેશમાં ડિજીટલ ટ્રાન્ઝેક્શનને પ્રોત્સાહન મળશે. જોકે, સરકાર હજી તો તેના ઉપર વિચાર કરી રહી છે.

સરકાર સતત કહેતી આવી છેકે, એવું કશુ કરવા માંગે છેકે, નિયમો મિડલ ક્લાસ અને ગરીબો ઉપર બોજ ન બને. ઉલ્લેખનીય છેકે, UPA સરકારે પણ 10 વર્ષ પહેલાં બેંક કેશ લેણ-દેણ ટેક્સને રજૂ કર્યો હતો. પરંતુ અમુક વર્ષ બાદ વિરોધને લીધે સરકારે તેને પાછો ખેંચવો પડ્યો હતો. સરકાર આ પ્રસ્તાવ પર પણ વિચાર કરી રહી છે કે વધારે રકમ કાઢવા પર આધાર કાર્ડ જરૂરી કરવામાં આવે. એક અહેવાલ મુજબ સરકારને લાગે છે કે તેનાથી વ્યક્તિને ટ્રેક કરવામાં અને તેના ટેક્સ રિટર્ન સાથે મેળવવામાં સરળતા રહેશે.

અત્યારે 50 હજાર રૂપિયાથી વધારે રકમ જમા કરવા પર PAN કાર્ડ આપવું જરૂરી છે. સરકાર માત્ર આધાર કાર્ડ નંબર જ નહી પણ OTP દ્વારા એ નક્કી કરશે કે આધાર નંબરનો દુરૂઉપયોગ ના થાય. સરકારનું માનવું છે કે મોટા ભાગની વ્યક્તિઓ અને કંપનીઓને વર્ષ દરમિયાન 10 લાખ રૂપિયાથી વધારે રોકડ રકમ કાઢવાની જરૂરીયાત પડતી નથી.

આ તમામ પ્રસ્તાવ પર 5 જુલાઈએ બજેટ જાહેર થવા પહેલા ચર્ચા થઈ રહી છે. અત્યાર સુધી કોઈ નિર્ણય લેવામાં આવ્યો નથી. ગયા અઠવાડિયે જ RBIએ જાહેરાત કરી હતી કે NEFT અને RTGS ટ્રાન્સફર પર બૅન્ક દ્વારા કોઈ ચાર્જ નહી વસુલવામાં આવે. કાર્ડના ઉપયોગ કરવા પર લાગતો ચાર્જ પણ ખત્મ થઈ શકે છે.

READ ALSO

Related posts

નવરાત્રિ પહેલાં બેન્કોનું કામ પતાવજો ફટાફટ, આ કારણોને લીધે રહેશે બંધ

Dharika Jansari

ઈલેક્ટ્રીક ડિવાઈસોમાં આ રીતે થાય છે સોનાનો ઉપયોગ

Dharika Jansari

બ્રિટનમાં દાક્તરની કરવા માગતા લોકો માટે ખુશ ખબર, હવે નહીં આપવી પડે આ બે પરિક્ષાઓ

Mayur
Do NOT follow this link or you will be banned from the site!