GSTV
World

Cases
4905972
Active
6582226
Recoverd
549401
Death
INDIA

Cases
269789
Active
476378
Recoverd
21129
Death

પાયલટ નીતિનભાઈ ન બની શક્યા અને કદ પ્રમાણે વેતરાઈ ગયા, હાઈકમાન્ડની નારાજગી નડી

રાજસ્થાનમાં પાયલોટ અને અશોક ગહેલોત વચ્ચે મુખ્યમંત્રી બનવા માટે થયેલી રસાકસી બાદ આખરે ઘીના ઠામમાં ઘી ઢળ્યું હોય તેમ ગેહલોતને મુખ્યમંત્રી અને પાયલટને નાયબ મુખ્યમંત્રી બનાવવાની ભાજપની ફોર્મ્યુંલા અપનાવાઇ હતી. જેમાં મંત્રી મંડળમાં બંને નેતાઓના વફાદારોને યોગ્ય સ્થાન મળશે તેમ પણ કોંગ્રેસ દ્વારા બાંહેધરી અપાઈ હતી. હવે રાજસ્થાનમાં મંત્રીપદની વહેંચણીમાં અશોક ગહેલોત સમ્રાટ પૂરવાર થયા છે. પાયલટને કદ પ્રમાણે વેતરી દેવાયા છે. જેની અસર અાગામી લોકસભામાં પડે તેવી પૂરી સંભાવના છે. રાજસ્થામાં 5 વર્ષ મહેન્ત કરી પાયલટે જમીન તૈયાર કર્યા બાદ તૈયાર ભાણામાં ગહેલોતને જમવા માટે બેસાડી દેવાયા છે. પાયલટે નાયબ મુખ્યમંત્રી પદ તો મેળવ્યું છે પણ મહત્વના ખાતા એવા નાણાં , શહેરી વિકાસ કે ગૃહમાંથી એક પણ ખાતુ પાયલટને મળ્યું નથી. ગુજરાતમાં ખાતાની વહેંચણીમાં નીતિનભાઈ સાથે પણ આ જ થયું હતું પણ નીતિનભાઈએ રિસાઈને નાણાં ખાતું મેળવ્યું હતું જોકે, પાયલટ આ નથી કરી શક્યા. જેનો સીધો ફાયદો અશોક ગહેલોતને થયો છે.

કદાવર ખાતા ગહેલોતે પોતાની પાસે રાખ્યા

રાજસ્થાન મંત્રી મંડળમાં સમાવેશ કરાયેલા મંત્રીઓને ખાતા ફાળવાયા છે. જેમાં મુખ્ય મંત્રી અશોક ગેહલોતે પોતે ગૃહ અને નાણા ખાતા પોતાની પાસે રાખ્યા હતા જ્યારે તેમના નાયબ સચિન પાયલોટને ફાળે જાહેર બાંધકામ, પંચાયતી રાજ, વિજ્ઞાાન અને ટેકનોલોજી તેમજ આંકડા ખાતા આવ્યા હતા. કેબિનેટ સચિવ દ્વારા જારી કરાયેલી યાદી અનુસાર, મુખ્ય પ્રધાન અને પાયલોટ ઉપરાંત ૧૩ કેબિનેટ અને દસ રાજ્ય કક્ષાના મંત્રીઓને  બુધવારે રાત્રે રાજ્યપાલ કલ્યાણ સિંહ દ્વારા ખાતા ફાળવાયા હતા.

પાયલટને વેતરી દેવાયા

સોમવારે એકંદરે ૨૩ મંત્રીઓને ગુપ્તતાના શપથ લેવડાવ્યા હતા. ગેહલોત અને પાયલોટે નવી દિલ્હી જઇ રાહુલ ગાંધી સાથે મુલાકાત કર્યા પછી મંત્રીઓને ખાતાઓની ફાળવણી કરાઇ હતી. ગૃહ અને નાણા જેવા મહત્વનાં ખાતાઓ અંગે ગેહલોત અને પાયલોટ વચ્ચે વિવાદ સર્જાતાં ખાતા ફાળવણીનો નિર્ણય બાકી રાખવામાં આવ્યો હતો. મંત્રી બી ડી કલ્લાને ઊર્જી, જાહેર આરોગ્ય,કળા અને સંસ્કૃતિ જેવા ખાતા ફાળવાયા હતા. અશોક ચાંદલાને રમત ગમત સહિત યુવા બાબતોનો ખાતું મળ્યું હતું. અશોક ચાંદના પોતે જ પોલોના સારા ખેલાડી છે.

પ્રમોદ ભાયાને ખાણ ખાતાનો હવાલો મળ્યો

ઉદ્યોગ ખાતું પ્રસાદી લાલને તો સામાજીક ન્યાય અને સશક્તિકરણનો હવાલો ભંવરલાલ મેઘવાલને મળ્યો હતો. લાલ કટારિયાને આરોગ્ય તો રધુ શર્માને માહિતી અને જન સંપર્ક ખાતા મળ્યા હતા.પ્રમોદ ભાયાને ખાણ ખાતાનો હવાલો મળ્યો હતો. દેવ સ્થાન અને  પ્રવાસન જેવું રાજસ્થાન માટે મહત્ત્વનું ખાતું વિશ્વેન્દરને મળ્યું છે. સાલેહ મુહમ્મદને લઘુમતી બાબતો અને વકફ ખાતા મળ્યા હતા.

Related posts

મની લોન્ડરિંગ કેસમાં ED એ કરી મોટી કાર્યવાહી, યસ બેંકના સહસ્થાપક અને DHFL ના પ્રમોટર બંધુઓની કરોડોની સંપત્તિ જપ્ત

pratik shah

વિકાસના એક પછી એક સાગરિતોની ધરપકડ, આજે પત્નિ અને દિકરો પણ ઝડપાયા

Pravin Makwana

ઉત્તર પ્રદેશમાં ફરી એક વાર લાગૂ થયું લોકડાઉન, આ તારીખ સુધી રહેશે સંપૂર્ણ રાજ્ય બંધ

Pravin Makwana
Do NOT follow this link or you will be banned from the site!