GSTV
Home » News » મુંબઈ બ્રિજ દુર્ઘટના : 6 લોકોના મોત 36 લોકો ઘાયલ

મુંબઈ બ્રિજ દુર્ઘટના : 6 લોકોના મોત 36 લોકો ઘાયલ

મુંબઇના CST રેલવે સ્ટેશન પાસે ફુટઓવર બ્રિઝ ધરાશયી થયો હતો. આ દુર્ઘટનામાં 30 લોકો ઘાયલ થયા હતા. જેમને સારવાર માટે નજીકની હોસ્પીટલમાં ખસેડવામાં આવ્યા હતા. ઘાયલોમાં 2ની સ્થિતી ગંભીર જણાવવામાં આવી રહી છે. હજી કાટમાળમાં ઘણાં લોકો દબાયેલા હોવાની આશંકા છે. ઘટના સ્થળ પર NDRFની ટીમ પહોંચી ચૂકી છે અને CST રેલવે સ્ટેશન પર ટ્રાફિક રોકી દેવામાં આવ્યો હતો.

આ દુર્ઘટનામાં હાલ 6 લોકોના મોત થયા છે. પ્રત્યક્ષદર્શીઓના જણાવ્યા પ્રમાણે બ્રિજ જ્યારે તુટ્યો ત્યારે ત્યાં ઘણાં લોકો હાજર હતા. તેમજ તે સિવાય ઘણી ગાડીઓ પણ ત્યાં બ્રિજ નીચે હતી. પ્લેટફોર્મના 1 BT લેન પાસે આ પુલ તુટ્યો છે. જ્યારે મુંબઇ પોલીસે દુર્ઘટના સ્થળ પર નહી જવા લોકોને અપીલ કરી છે.

ક્યારે થઈ દુર્ઘટના ?

જાણકારી પ્રમાણે જ્યારે કુર્રા રોડ પર રેડ સિગ્નલ હતો ત્યારે આ દૂર્ઘટના થઈ હતી. રાતના સમયે ઘણા લોકો રસ્તા પરથી પસાર થઈ રહ્યા હતા. બ્રિજની નીચે એક ટેક્સી ઉભી હતી. જો 60 સેકન્ડની રેડ લાઈટ ન હોત તો બ્રિજની નીચેથી પસાર થતી ઘણી કારો અને ટુ વ્હિલ પસાર થઈ રહ્યા હોત. જ્યારે દુર્ઘટના થઈ એ સમયે કેટલાક ઠેલાવાળા હતા અને એક કાર ઉભી હતી. બાકીના લોકો પુલની નીચે પડવાથી ઘાયલ થયા હતા. ઘાયલોને તાત્કાલિક હોસ્પિટલ પહોંચાડવામાં આવ્યા. પણ ગંભીર ઈજાઓ થઈ હોવાના કારણે કેટલાક લોકો પોતાનો જીવ ગુમાવી બેઠા. આ ધુર્ઘટનાના કારણે 30થી વધારે લોકો ઘાયલ થયા હતા જેનો ઈલાજ ચાલી રહ્યો છે.

મુખ્યમંત્રીએ જતાવ્યો શોક

મહારાષ્ટ્રના સીએમ દેવેન્દ્ર ફડણવીસે આ દુર્ઘટના પર દુખ વ્યક્ત કર્યું હતું. તેમણે બીએમસી કમિશ્નર, મુંબઈ પોલીસ અને રેલવેના અધિકારીઓને કોઓર્ડિનેશન કરી રાહત અને બચાવ કામગીરી ઝડપથી કરવાના આદેશ આપ્યા હતા. સાથે જ આ ઘટનાની ઉચ્ચસ્તરીય તપાસ તરવાના પણ આદેશ આપ્યા હતા. મુખ્યમંત્રીએ મૃતકોના પરિવારજનોને 5 લાખ રૂપિયાની સહાય અને ઘાયલોને 50 હજાર રૂપિયા આપવાની જાહેરાત પણ કરી છે. તેઓ ઈલાજનો પૂરો ખર્ચ ઉઠાવશે.

ક્યારે બન્યો હતો બ્રિજ ?

આ બ્રિજ 1980માં બન્યો હતો. આ રેલવે ફુટઓવર બ્રિજ નથી પણ પબ્લિક ફુટઓવર બ્રિજ છે. જે દુર્ઘટનાથી રેલવે ટ્રાફિક પ્રભાવિત થયું હતું. આ પહેલા 29 સપ્ટેમ્બર 2017માં મુંબઈ એલિફસ્ટન રેલવે સ્ટેશન (હાલ પ્રભાદેવી સ્ટેશન) ફુટ ઓવર પર ભાગદોડ મચવાના કારણે 23 લોકોની મોત થઈ હતી. જ્યારે 50 લોકો ઘાયલ થયા હતા.

READ ALSO

Related posts

આગામી 24 કલાક મહત્વપૂર્ણ, સતર્ક રહો: રાહુલ ગાંધી

Path Shah

મોદીના ફરી પીએમ બનવાના ચાન્સ સામે પાકિસ્તાનને લાગ્યો આ ડર, નહોતું ઇચ્છતું કે ભાજપ ફરી જીત

Path Shah

એક્ઝિટ પોલમાં NDA 300 અને ભાજપ 267ને પાર, તેમ છતાં ભાજપનાં નેતા કેમ છે પરેશાન?

Mansi Patel
Do NOT follow this link or you will be banned from the site!