GSTV
Gujarat Government Advertisement

કોરોના : 15મી એપ્રિલ સુધી આ 2 રાજ્યોમાં બસ સેવા કરાઈ બંધ, જાન્યુઆરીની તુલનાએ એપ્રિલમાં સંક્રમણ 5 ગણું વધ્યું

Last Updated on April 7, 2021 by Chandni Gohil

દેશમાં કોરોનાની બીજી લહેરે ભારે ખાનાખરાબી સર્જી છે. મંગળવારે દેશમાં કોરોના સંક્રમણના આંકે નવો રેકોર્ડ બનાવી દીધો. પહેલીવાર એક દિવસમાં 1.15 લાખ કેસ બહાર આવ્યા છે. જેમાં 630 લોકોનાં મોત થયા છે. જાન્યુઆરીની તુલનાએ એપ્રિલમાં સંક્રમણ 5 ગણું ઝડપી ફેલાઈ રહ્યું છે. ભારતમાં અત્યારસુધીમાં 12.70 લાખ કેસ નોંધાયા છે. જેમાથી 1.66 લાખ લોકોનાં મોત થયા છે. કોરોનાના વધતા કેસોની વચ્ચે મધ્ય પ્રદેશ અને છત્તીસગઢે બસ સંચાલન બંધ કરી દીધું છે. આ બંને રાજ્યોમાં 15મી સુધી આ નિર્ણયનો અમલ કરાશે. મદ્વાસ હાઈકોર્ટે સરકારને ફટકાર લગાવી છે. તામિલનાડુમાં સતત કેસો વધી રહ્યાં છે. સરકારે આ મામલે ઢિલી કામગીરી દાખવતાં કોર્ટે કાન આમળ્યા છે. પંજાબમાં 30 એપ્રિલ સુધી કરફ્યુની જાહેરાત થઈ છે. અહીં રાત 9 વાગ્યાથી સવારના 5 વાગ્યા સુધી કરફ્યુંની જાહેરાત થઈ છે.

ભારતમાં કોરોના મહામારીની બીજી લહેરમાં અત્યંત ઝડપથી ફેલાઈ રહી છે અને આગામી ચાર સપ્તાહ દેશ માટે ખૂબ જ મહત્વના રહેશે… તેવી કેન્દ્ર સરકારે ચેતવણી આપી છે. સરકારે કોરોનાની બીજી લહેર પર નિયંત્રણ મેળવવા લોકોને માસ્ક પહેરવા, સોશિયલ ડિસ્ટન્સનું પાલન કરવા સહિત કોવિડ નિયમોનું પાલન કરવા પર ભાર મૂક્યો છે. નીતિ આયોગના સભ્ય વી. કે. પૌલે જણાવ્યું હતું કે, દેશમાં કોરોના મહામારીની સ્થિતિ બદથી બદતર થઈ રહી છે અને દંર્દીઓની સંખ્યા સતત વધી રહી છે.

દેશની મોટી વસતી પર હજી પણ કોરોનાનું જોખમ તોળાઈ રહ્યું છે. લોકો કોરોનાના નિયમોનું પાલન કરે, કેન્ટેનમેન્ટ ઝોન જાહેર થાય, વધુ અસરકારક રીતે ટેસ્ટિંગ થવા જોઈએ, મેડિકલ ઈન્ફ્રાસ્ટ્રક્ચરને મજૂબત બનાવવું જોઈએ અને રસીકરણ અભિયાનની ગતિ વધારવી જોઈએ. તેના પર ભાર મુકવામાં આવ્યો હતો.. ભારતમાં કોરોના રસીકરણ અભિયાનમાં હાલ ૪૫ વર્ષથી વધુ વયના લોકોને રસી અપાઈ રહી છે ત્યારે ઈન્ડિયન મેડિકલ એસોસિએશન સહિત કેટલાક સંગઠનોએ રસીકરણમાં ૪૫ વર્ષની વય મર્યાદામાં છૂટછાટ આપવા માટે કેન્દ્ર સમક્ષ માગણી કરી છે.

ભારતમાં કોરોનાની લહેર વાવાઝોડાની ગતિએ આગળ વધી રહી છે અને છેલ્લા 24 કલાકમાં અત્યાર સુધીના તમામ રેકોર્ડ બ્રેક કોરોના કેસ નોંધાયા છે. છેલ્લા 24 કલાક્માં 1 લાખ 15 હજારથી વધુ કોરોના કેસ નોંધાયા છે. જે કોરોના મહામારીની શરૂઆતી દૈનિક નોંધાતા કેસનો સૌથી વધુ આંકડો છે. 24 કલાકમાં દેશમાં 630 દર્દીઓના કોરોનાથી મોત નિપજ્યા છે. ગત રવિવારે પણ કોરોના કેસની સંખ્યા એક લાખને પાર થઈ હતી અને આજે ફરી એક લાખને પાર કોરોના કેસ થયા છે. આ સાથે જ દેશમાં કોરોનાના કુલ કેસની સંખ્યા એક કરોડ 27 લાખને પાર થઈ છે. દેશમાં આઠ લાખથી વધુ એક્ટિવ કેસ નોંધાયા છે.

READ ALSO

Gujarat Government Advertisement

Related posts

કામની વાત/ હવે એડ્રેસ પ્રુફ વિના મળશે LPG ગેસ કનેક્શન, આ નિયમોમાં થયો ફેરફાર

Bansari

ડ્યુટી સાથે માતૃત્વની ફરજ/ કોરોના કાળમાં માસુમ બાળક સાથે મહિલા પોલીસ કર્મચારી ઓન ડ્યુટી, કરફ્યૂમાં બજાવી રહી છે ફરજ

Harshad Patel

મહારાષ્ટ્રમાં કોરોનાનો કહેર / ઉધ્ધવ ઠાકરેએ પીએમ સાથે કરી વાત, 1500 મેટ્રિક ટન ઓક્સિજન એરલીફ્ટથી મોકલાવવા કરી માગ

Harshad Patel
Do NOT follow this link or you will be banned from the site!