GSTV
Gujarat Government Advertisement

દારૂની રેલમછેલ: ચૂંટણીવાળા રાજ્યોમાં 1000 કરોડથી વધુ રોકડ રકમ અને દારૂ ઝડપાયો, મતદારોને લલચાવવા માટે લાવ્યા

Last Updated on April 17, 2021 by Pravin Makwana

ચૂંટણીવાળા રાજ્યો કેરળ, આસામ, તમિલનાડુ, પુડુચેરી અને પશ્ચિમ બંગાળમાં અત્યાર સુધીમાં કુલ ૧૦૦૦ કરોડ રૂપિયાથી વધુની રોકડ રકમ અને દારૂ જપ્ત કરવામાં આવ્યો છે. આ રોકડ રકમ અને દારૂનો ઉપયોગ મતદારોને લલચાવવા માટે કરવામાં આવનાર હતો. ૨૦૧૬માં આ પાંચ રાજ્યોમાં ચૂંટણી વખતે જેટલી રોકડ રકમ અને દારૂ જપ્ત કરવામાં આવ્યો હતો તેના કરતા ૨૦૨૧ની ચૂંટણી દરમિયાન જપ્ત કરવામાં આવેલ રોકડ રકમ અને દારૂનું મૂલ્ય ચાર ગણું વધારે છે.

તમિલનાડૂમાં સૌથી વધારે રકમ અને દારૂ ઝડપાયો

ચૂંટણી પંચ દ્વારા જારી કરવામાં આવેલા અહેવાલ અનુસાર પાંચ રાજ્યો પૈકી તમિલનાડુમાં સૌૈથી વધુ ૪૪૬.૨૮ કરોડ રૂપિયાની રોકડ રકમ અને દારૂ જપ્ત કરવામાં આવ્યો છે. ઉલ્લેખનીય છે કે તમિલનાડુમાં વિધાનસભા ચૂંટણી સમાપ્ત થઇ ગઇ છે. તમિલનાડુ પછી પશ્ચિમ બંગાળમા અત્યાર સુધીમાં ૩૦૦.૧૧ કરોડ રૂપિયાની રોકડ અને દારૂ જપ્ત કરવામાં આવ્યો છે. પશ્ચિમ બંગાળમાં હજુ ત્રણ તબક્કાનું મતદાન બાકી છે. જે ૨૨,૨૬ અને ૨૯ એપ્રિલના રોજ યોજાશે.

આસામ, કેરળ અને પુડુચેરીમાં પણ વિધાનસભા ચૂંટણી સમાપ્ત થઇ ગઇ છે. પાંચેય રાજ્યો આસામ, કેરળ, પુડુચેરી, તમિલનાડુ અને પશ્ચિમ બંગાળમાં બીજી મેના રોજ મતગણતરી હાથ ધરાશે.

ચૂંટણી દરમિયાન આટલો દારૂ ઝડપાયો

ચૂંટણી પંચના અહેવાલ મુજબ આસામમાં ચૂંટણી દરમિયાન કુલ ૧૨૨.૩૫ કરોડ રૂપિયાની રોકડ રકમ અને દારૂ જપ્ત કરવામાં આવ્યો હતો. કેરળમાં ૮૪.૯૧ કરોડ રૂપિયા અને પુડુચેરીમાં ૩૬.૯૫ કરોડ રૂપિયાની રોકડ રકમ અને દારૂ જપ્ત કરવામાં આવ્યો છે. 

આમ પાંચ રાજ્યોમાં કુલ ૧૦૦૧.૪૪ કરોડ રૂપિયાની રોકડ અને દારૂ જપ્ત કરવામાં આવ્યો છે. ૨૦૧૬માં આ જ રાજ્યોની વિધાનસભા ચૂંટણી દરમિયાન કુલ ૨૨૫.૭૭ કરોડ રૂપિયાની રોકડ અને દારૂ જપ્ત કરવામાં આવ્યો છે. એટલે કે આ પાંચ રાજ્યોમાં ૨૦૧૬ની વિધાનસભા ચૂંટણીની સરખામણીમાં ૨૦૨૧ની વિધાનસભા ચૂંટણીમાં આ રકમ ચાર ગણી વધી ગઇ છે. જે એક ગંભીર બાબત છે.

READ ALSO

Gujarat Government Advertisement

Related posts

ચિંતાજનક / પ્રથમ વાર પરમાણું બોમ્બના જથ્થામાં ઘટાડો, બીજી બાજુ ચીન-પાકિસ્તાન વસાવી રહ્યું છે મહાવિનાશક હથિયાર

Dhruv Brahmbhatt

ચિરાગ પાસવાનને વધુ એક ઝટકો / લોકસભામાં કાકા પશુપતિ પારસ હશે LJP ના નેતા, સ્પીકરની મહોર

Dhruv Brahmbhatt

કોવિશિલ્ડના 2 ડોઝ લીધા બાદ વધુ એક મહિલાના શરીરમાં જોવા મળ્યો મેગ્નેટિક પાવર, અનેક કિસ્સાઓ સામે આવ્યાં

Dhruv Brahmbhatt
Do NOT follow this link or you will be banned from the site!