GSTV
Business Trending

SBIએ બદલ્યા ATMને લઇ નિયમો? 4થી વધુ ટ્રાન્ઝેક્શન પર લાગશે 173 રૂપિયાનો ચાર્જ

આજકાલ મોટાભાગના લોકો એટીએમનો ઉપયોગ કરે છે. ATMની મદદથી તમે કોઈપણ શહેરમાં તમારા ખાતામાંથી પૈસા ઉપાડી શકો છો. આ દિવસોમાં સોશિયલ મીડિયા પર એક મેસેજ ઝડપથી વાયરલ થઈ રહ્યો છે, જેમાં દાવો કરવામાં આવી રહ્યો છે કે જો SBI ATMમાંથી 4 થી વધુ વખત પૈસા ઉપાડવામાં આવે છે, તો 173 રૂપિયાનો ચાર્જ ચૂકવવો પડશે. તમને જણાવી દઈએ કે આ સમાચાર સંપૂર્ણપણે ફેક છે. SBIએ આવો કોઈ નિયમ જારી કર્યો નથી.

સોશિયલ મીડિયા પર ફેક મેસેજ વાયરલ

સોશિયલ મીડિયા પર વાયરલ થયેલા મેસેજમાં એવો દાવો કરવામાં આવ્યો છે કે સેવિંગ્સ એકાઉન્ટમાં એક વર્ષમાં 40 થી વધુ ટ્રાન્ઝેક્શન થવા પર પ્રતિ ટ્રાન્ઝેક્શન જમા રકમમાંથી 57.5 રૂપિયા કાપવામાં આવશે અને એટીએમમાંથી 4 વખતથી વધુ પૈસા ઉપાડ માટે કુલ 173 રૂપિયા કાપવામાં આવશે. પીઆઈબી ફેક્ટ ચેક દ્વારા આ દાવાને ખોટો ગણાવ્યો છે, હકીકત તપાસમાં જાણવા મળ્યું છે કે સ્ટેટ બેંક ઓફ ઈન્ડિયાએ ટ્રાન્ઝેક્શન સંબંધિત નિયમોમાં કોઈ ફેરફાર કર્યો નથી.

કરવામાં આવી રહ્યો છે આ દાવો

અન્ય એક વાયરલ મેસેજમાં પણ SBI ATM વિશે એવો દાવો કરવામાં આવી રહ્યો છે કે ATMમાંથી 4 થી વધુ ઉપાડ પર 150 રૂપિયાનો ટેક્સ અને 23 રૂપિયાનો સર્વિસ ચાર્જ સહિત કુલ 173 રૂપિયા કાપવામાં આવશે. ફેક મેસેજમાં એવો દાવો કરવામાં આવ્યો છે કે આ નિયમ 1 જૂનથી લાગુ કરવામાં આવ્યો છે.

આ છે RBIનો નિયમ

PIB ફેક્ટ ચેકે આ દાવાઓને નકલી ગણાવ્યા છે. તમને જણાવી દઈએ કે ATMને લઈને આવો કોઈ નિયમ નથી. RBIની વેબસાઈટ અનુસાર, તમે તમારી બેંકના ATMમાંથી દર મહિને 5 ફ્રી ટ્રાન્ઝેક્શન કરી શકો છો. આ પછી, જો પ્રતિ ટ્રાન્ઝેક્શન પર મહત્તમ 21 રૂપિયા અથવા કોઈપણ ટેક્સ હોય તો તેને અલગથી ચૂકવવો પડશે.

Read Also

Related posts

નવી રણનીતિના સંકેત! / POK અંગે અમેરિકાનું વિવાદાસ્પદ નિવેદન, US રાજદૂતે ગણાવ્યું આઝાદ કાશ્મીર

Hemal Vegda

આજનું પંચાંગ તા.7-10-2022, શુક્રવારઃ ત્રયોદશી ક્ષયતિથિ, જાણો ચોઘડિયા અને શુભ મુહુર્ત

Hemal Vegda

07 ઓક્ટોબર, 2022નું રાશિ ભવિષ્ય: આ રાશિના જાતકો પર થશે લક્ષ્મીજીની કૃપા, ભાઈભાંડુઓનો મળશે સાથ-સહકાર

Hemal Vegda
GSTV