એવું કહેવામાં આવે છે કે ઘણી વખત સખત મહેનત અને ઇમાનદારી સાથે કામ કરવા છતા જો ભાગ્ય સાથ ના આપે તો લોકોના સપનાં પુરા થતા નથી. આવી જ એક ઘટના આંધ્ર પ્રદેશના કૃષ્ણા જિલ્લામાં સામે આવી છે. જ્યાં એક વેપારીએ ભવ્ય ઘર બનાવવા માટે ઘણા બધા પૈસા જમા કર્યા હતા, પરંતુ હવે આ પૈસા પસતીમાં બદલાઈ ગયા છે અને કોઇ કામના રહ્યા નથી.
પૈસા વડે પોતાના માટે એક ભવ્ય ઘર બનાવવાનું સપનું જોયું હતું
કૃષ્ણા જિલ્લાના માઇલવારમમાં બિજલી જમાલય નામનો વેપારી ભૂંડના ખરીદ વેચાણનો ધંધો કરતો હતો. જેમાંથી તેને જે પણ કમાણી થતી તે કોઇ બેંકમાં રાખવાની જગ્યાએ પોતાના જ ઘરમાં એક બેગમાં રાખતો હતો. તેણે પૈસા વડે પોતાના માટે એક ભવ્ય ઘર બનાવવાનું સપનું જોયું હતું.
તમામ નોટોને ઉધઇ લાગીને તે પસ્તીમાં ફેરવાઇ ગયા
જ્યારે આ વપારીએ એક દિવસ આ બેગ ઉઘાડીને જોયું તો તેના સપનાઓ પર પાણી ફરી ગયું, અથવા તો એમ કહી શકાય કે તેના સપનાને ઉધઇ લાગી ગઇ. બેગમાં અત્યાર સુધીમાં લગભગ 5 લાખ રુપિયા ભેગા થયા હતા. આ તમામ નોટોને ઉધઇ લાગીને તે પસ્તીમાં ફેરવાઇ ગયા. જોયા બાદ વેપારી નિરાશ થઇ ગયો કારણ કે તેણે મહેનતથી જમા કરેલા રુપિયા હવે તેના કોઇ કામના રહ્યા નહોતા. કારણ કે તમામ નોટો ફાટીને ટૂકડા થઇ ગઇ હતી.
બાળકોને અસલી નોટોથી રમતા જોઇને કોઇકે પોલીસને જાણ કરી
ત્યારબાદ તેણે વિચાર્યુ કે આ નોટ તેના કામ તો નથી આવ્યા, તો બાળકોને વહેંચી દઉ. જેથી બાળકો તો તેનાથી રમી શકે. પરંતુ નસીબે અહિંયા પણ તેનો સાથ આપ્યો નહીં. બાળકોને અસલી નોટોથી રમતા જોઇને કોઇકે પોલીસને જાણ કરી. પોલીસ આવીને તપાસમાં લાગી તો તેમને પણ બેગમાં ફાટેલા રુપિયા જોઇને આશ્ચર્ય થયું. જેને જપ્ત કરીને તપાસ શરુ કરી છે.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
READ ALSO
- ઈઝરાયલને ના ગમી ન્યાયતંત્રમાં સુધારો કરવા અંગેની અમેરિકાની આ સલાહ, જાણો સમગ્ર મામલો
- Flightમાં મુસાફરી કરતા પહેલા આ ફુડ્સ ભૂલથી પણ ન ખાઓ, થઈ શકે છે મોટી સમસ્યા
- IPL 2023 / અમદાવાદમાં પ્રથમ મેચ પહેલા ચેન્નઈને ઝટકો, આ ખેલાડી સમગ્ર ટૂર્નામેન્ટમાંથી આઉટ
- રાજકારણ / મોહમ્મદ ફૈઝલને ફરી લોકસભાનું સભ્યપદ અપાતાં રાહુલ પણ ફરી સાંસદ બનશે તેવી આશા જાગી
- Vitamin D Deficiency: વિટામિન ડીની ઉણપને દૂર કરવા માટે પીઓ આ હેલ્ધી ડ્રીંક્સ