ખુશખબર/ આ તારીખ સુધીમાં દેશના તમામ નાગરિકો પાસે હશે પોતાનું ઘર, અમિત શાહે કરી મોટી જાહેરાત

Last Updated on January 21, 2021 by Mansi Patel

કેન્દ્રીય ગૃહમંત્રી અમિત શાહે ગુરુવારના રોજ જણાવ્યું કે, ‘તેઓને સંપૂર્ણ વિશ્વાસ છે કે વડાપ્રધાન નરેન્દ્ર મોદીના નેતૃત્વમાં કેન્દ્રની ભાજપ સરકાર 15 ઑગસ્ટ, 2022 સુધીમાં દેશના દરેક નાગરિકોને મકાન પૂરા પાડશે. શાહે અમદાવાદના શીલજ ખાતે એક કિલોમીટર લાંબા ઓવરબ્રીજના વર્ચુઅલ ઉદ્ઘાટન દરમિયાન આ વાત કરી હતી.

મોદી સરકારે 10 કરોડથી વધુ પરવડે તેવા આવાસ પૂરા પાડ્યાં : અમિત શાહ

અમિત શાહે વધુમાં જણાવ્યું કે, “જે રીતે અમારી ભાજપ સરકાર દેશના ગ્રામીણ તેમજ શહેરી વિસ્તારોમાં આવાસ પરિયોજનાઓ ચલાવી રહી છે. મને વિશ્વાસ છે કે 15 ઑગસ્ટ 2022 સુધીમાં દેશમાં દરેકને રહેવા માટે એક ઘરની સુવિધા મળી જશે. નરેન્દ્ર મોદી સરકારે 10 કરોડથી વધુ પરવડે તેવા આવાસ પૂરા પાડ્યાં છે. “

અમે 2022 સુધીમાં અમે દરેક મકાનમાં પાણી પણ પૂરું પાડીશું : અમિત શાહ

તેઓએ વધુમાં કહ્યું કે, “આપણા વડાપ્રધાન નરેન્દ્ર મોદી દ્વારા ઉજ્જવલા યોજના હેઠળ 13 કરોડથી વધુ ગરીબ પરિવારોને ગેસ સિલિન્ડર આપવામાં આવ્યા હતાં. અમારી સરકારે દેશના તમામ ગામડાંઓને વીજળી પૂરી પાડી છે અને હવે અમે 2022 સુધીમાં અમે દરેક મકાનમાં પાણી પણ પૂરું પાડીશું. કનેક્ટિવિટી પૂરી પાડવા તરફ અમે કામ કરી રહ્યાં છે. “

શાહે ગુરુવારે અમદાવાદના થલતેજ-શિલજ ક્ષેત્રમાં રેલવે ટ્રેક પર ઓવરબ્રિજનુ વીડિયો કોન્ફ્રેંસના માધ્યમથી ઉદ્ઘાટન કર્યુ. આ દરમિયાન ગુજરાતના ઉપ મુખ્યમંત્રી નીતિન પટેલ ઓવરબ્રિજ સ્થળ પર ઉપસ્થિત રહ્યાં. શાહે પોતાના સંબોધનમાં કહ્યુ, પ્રધાનમંત્રી નરેન્દ્ર મોદીએ દેશમાં આશરે એક લાખ રેલવે ક્રોસિંગને મુક્ત કરવાનો નિર્ણય લીધો છે અને તે અંતર્ગત અમે રાજ્ય સરકારો સાથે 50-50 ટકા ખર્ચ શેર કરતાં આ સ્થળો પર ઓવરબ્રિજ અથવા અંડરબ્રિજ બનાવવાનું કામ કર્યું છે.

2022 સુધી દેશમાં એક પણ માનવરહિત રેલવે ક્રોસિંગ નહી હોય : શાહ

શાહે કહ્યું કે, ‘દેશમાં માનવ રહિત રેલવે ક્રોસિંગને હટાવવાનો નિર્ણય લેવામાં આવ્યો છે અને 2022 સુધી દેશમાં એક પણ માનવરહિત રેલવે ક્રોસિંગ નહી હોય. ગાંધીનગર લોકસભા ક્ષેત્રનું પ્રતિનિધિત્વ કરનાર અમિત શાહે પોતાના ચૂંટણી ક્ષેત્રમાં જરૂરી કાર્યો માટે ગુજરાતના ઉપમુખ્યમંત્રીનો આભાર પણ માન્યો.’

READ ALSO :

• ટેસ્ટ મેચ/ ઈંગ્લેન્ડ સામે ભારતની મહિલા ટીમ નિરાશાજનક દેખાવ બાદ ફોલોઓન, ૨૩૧ રનમાં સમેટાઈ આખી ટીમ
• Tokyo Olympics 2021: આટલા દર્શકોને મળી શકે છે એન્ટ્રી, જાપાન સરકાર લેશે નિર્ણય
• ચાર વર્ષ પહેલાં માતાને ચોથા માળેથી નીચે ફેંકી દેનાર કેસમાં પુત્રને આજીવન કેદ, સેશન્સ કોર્ટનો ચુકાદો
• ચેતજો/ લાંબી દાઢી રાખવાનો શોખ ભારે પડશે, આવા લોકોમાં કોરોના ફેલાવાનો ખતરો સૌથી વધુ
• રાજકીય ઘમાસાણ / વોટસએપ ગ્રૂપમાં ‘જય શ્રી રામ’ લખનારા કાર્યકરોની NSUIમાંથી હકાલપટ્ટી