Last Updated on October 9, 2021 by Damini Patel
ઈલોન મસ્કની મેડ ઈન ચાઈના ઈલેક્ટ્રિક કાર સામે કેન્દ્રીય માર્ગ અને પરિવહન મંત્રીએ લાલ આંખ કરી છે. કેન્દ્રીય મંત્રી નિતિન ગડકરીએ કહ્યું હતું કે ટેસ્લા કંપનીની ચીનમાં બનેલી ઈલેક્ટ્રિક કાર ભારતમાં વેચવાની પરવાનગી આપવામાં આવશે નહીં. જો ટેસ્લાએ ભારતમાં કાર વેચવી હોય તો નિર્માણ પણ ભારતમાં કરવું પડશે.
કેન્દ્રીય મંત્રી નિતિન ગડકરીએ ટેસ્લાની ઈલેક્ટ્રિક કારના સંદર્ભમાં ખૂબ જ મહત્વનું નિવેદન આપ્યું હતું. એક કાર્યક્રમમાં નિતિન ગડકરીએ કહ્યું હતુંઃ મેં ટેસ્લાને કહ્યું છે કે ચીનમાં બનેલી ઈલેક્ટ્રિક કાર ભારતમાં વેચતા નહીં. તમારે ભારતના વિશાળ માર્કેટને ધ્યાનમાં રાખીને ભારતમાં જ કારનું ઉત્પાદન કરવું જોઈએ. જો કંપની એવું કરશે તો કંપનીને જે મદદની જરૃર પડશે તે ભારત સરકાર કરશે.
ટાટા મોટર્સની ઈલેક્ટ્રિક કાર પણ ગુણવત્તાસભર
તે ઉપરાંત માર્ગ અને પરિવહન મંત્રીએ સ્વદેશી ઈલેક્ટ્રિક કાર અંગે પણ તેમનો ઓપિનિયન આપ્યો હતો. ગડકરીએ કહ્યું હતું કે ટાટા મોટર્સની ઈલેક્ટ્રિક કાર પણ ગુણવત્તાસભર છે. એ કોઈ પણ રીતે ટેસ્લાની કાર કરતા ઉતરતી જણાતી નથી.
ટેસ્લાના માલિક ઈલોન મસ્કે તે પહેલાં ભારત સરકારને આયાતકર ઓછો વસૂલવા રજૂઆત કરી હતી. તે અંગે ગડકરીએ કહ્યું હતું કે સરકાર કંપની સાથે એ બાબતે ચર્ચા કરી રહી છે. ઉલ્લેખનીય છે કે ભારતમાં વર્ષે ૩૦ લાખ જેટલાં વાહનોનું વેચાણ થાય છે. વાહનોના માર્કેટની રીતે ભારત વિશ્વનો પાંચમો દેશ છે. તેના કારણે વિદેશી કાર ઉત્પાદક કંપનીઓ ભારતના માર્કેટમાં પ્રવેશવાના પ્રયાસો કરી રહી છે.
Read Also
- Omicron symptoms/ સામે આવ્યા ઓમિક્રોનના તમામ 20 લક્ષણો, જાણો કેટલા દિવસ સુધી શરીરમાં ઘર કરીને રહે છે આ વેરિએન્ટ
- Corona Effect/ કોરોના પછી બદલાઈ ગયો માતાના દૂધનો કલર, પરિવર્તન જોઈ ચોકી ગઈ મહિલા
- શું તમે અમદાવાદ એરપોર્ટથી મુસાફરી કરવાના છો તો તમારે રાખવું પડશે ખાસ ધ્યાન, એરપોર્ટ 31 મે સુધી દરરોજના 9 કલાક રહેશે બંધ
- વાસ્તુ ટિપ્સ/ ભૂલથી પણ ઘરમાં આવું કેલેન્ડર ના લગાવતાં, દિશાનું પણ ધ્યાન રાખજો નહીંતર અટકી જશે પ્રગતિ
- ચેતવણી/હજુ પહેલા કરતા વધુ ખતરનાક બનશે કોરોના ! એક્સપર્ટનો દાવો- ઓમિક્રોન પછી પણ આવશે નવો વેરિએન્ટ