GSTV
World

Cases
4732598
Active
6177082
Recoverd
543206
Death
INDIA

Cases
253287
Active
424433
Recoverd
19693
Death

ખેડૂતો માટે સૌથી મોટા સમાચાર : એક લાખ કરોડનું દેવું માફ કરવાનો પ્લાન ઘડી રહી છે મોદી સરકાર

ખેડૂતો

કેન્દ્ર સરકાર ટૂંક સમયમાં એક મોટી જાહેરાત કરવા જઈ રહી છે, જેની અસર બેંકિંગ ક્ષેત્ર, બજાર, કૃષિ અર્થતંત્ર, ગ્રામ્ય અર્થતંત્ર અને સમગ્ર અર્થવ્યવસ્થા પર પડે તેવી સંભાવના છે. કેન્દ્રની એનડીએ એક યોજના પર કામ કરી રહ્યું છે, જે અંતર્ગત દેશભરના ખેડૂતોની એક લાખ કરોડ રૂપિયાની લોન માફ કરવામાં આવશે. દરેક ખેડૂતને રૂ.10 હજારનો ફાયદો થવાની સંભાવના છે. ખેડૂતોનું એક લાખ કરોડનું દેવું માફ કરવાની આ યોજના ખરેખર અમલમાં આવી તો દેશના ખેડૂતો માટે આ સૌથી મોટા રાહતના સમાચાર છે. લોકડાઉનના સમયમાં મોદી સરકારનો આ સૌથી મોટો માસ્ટર સ્ટ્રોક ગણાશે.

પાક વીમા યોજના હેઠળ કુલ 5 કરોડ 80 લાખ ખેડૂતોએ નોંધણી કરાવી હતી. પરંતુ આ સંખ્યા 2017-18માં ઘટીને 4 કરોડ 70 લાખ થઈ ગઈ છે. નાબાર્ડના તાજેતરના અધ્યયન મુજબ, ભારતમાં 10.07 કરોડ ખેડૂતોમાં 52.5 ટકા લોકો દેવામાં ડૂબેલા છે. વર્ષ 2017 માં, એક ખેડૂત પરિવારની કુલ માસિક આવક 8,931 રૂપિયા હતી. સરકાર તબક્કાવાર રીતે તેની જાહેરાત કરશે. પ્રથમ તબક્કામાં ખેડૂતો માટે 25,000 કરોડ રૂપિયાની લોન માફીની જાહેરાત કરી શકે છે. આથી ખેડૂતો માટે મોટી રાહત થશે. જો ખેડૂતો માટે આ યોજના લાગુ થઈ તો મંદીના મોહાલમાં ઘણો બદલાવ આવશે. હાલમાં ખેડૂતો દેવામાં ડૂબેલા છે.

દર વર્ષે ખેડૂત પોતાના માથે 2 લાખ રૂપિયાનું સરકારી દેવું ચડાવે છે

આરબીઆઈના નિયમો અનુસાર બેંકોને કુલ લોનના 18 ટકા હિસ્સો કૃષિ લોન તરીકે ફરજિયાત આપવાનો હોય છે. જેમાં 8 ટકા આ લોન ફક્ત નાના અને સિમાંત ખેડૂતો માટે હોય છે. કેટલીક બેન્કો આ લોન મોટી મોટી એગ્રી બિઝનેસ કંપનીઓને સસ્તા દરની લોન આપી પોતાનો ટાર્ગેટ પૂરો કરે છે. 2001-02માં 54,352 કરોડ રૂપિયા કૃષિ ધિરાણ અપાતું હતું. વર્ષ 2018-19માં આ ખેડૂતોને અપાતું ધિરાણ 11 લાખ કરોડ રૂપિયાએ પહોંચ્યું છે. હાલમાં આ આંક 13.50 લાખ કરોડ રૂપિયાએ પહોંચ્યો છે. કૃષિ ધિરાણ લઇને ખેડૂતો દર વર્ષે ખેતી કરતા હોય છે. કૃષિક્ષેત્રમાં સૌથી વધારે પૈસા કૃષિ ધિરાણમાં ફાળવાય છે. ખેડૂતો બેન્કોમાંથી 7 ટકાના દરે પૈસા લઇને ખેતી કર્યા બાદ આ પૈસા જમા કરાવતા હોય છે. ગુજરાતમાં તો સરકારે 3 ટકામાં પણ માફી આપી હોવાથી ખેડૂતોને છેલ્લા 2 વર્ષથી 0 ટકાના વ્યાજે કૃષિ ધિરાણ મલી રહ્યું છે. દેશમાં ખેડૂતો દેવાદાર બનતા જતા હોવાની બાબતો વચ્ચે વાસ્તવિકતા એ પણ છે કે, દર વર્ષે ખેડૂત પોતાના માથે 2 લાખ રૂપિયાનું સરકારી દેવું ચડાવે છે. જે સરકાર જ આપે છે.

કૃષિક્ષેત્ર સાથે 14 કરોડ લોકો જોડાયેલા

કૃષિ એ ભારતની અર્થવ્યવસ્થાનો આધાર છે. કૃષિક્ષેત્ર સાથે 14 કરોડ લોકો જોડાયેલા હોવાથી આ સેક્ટરના વિકાસ વિના દેશનો વિકાસ શક્ય નથી. સરકાર દર વર્ષે ખેડૂતોને અપાતા ધિરાણના આંકમાં વધારો કરતી જાય છે. ખેડૂતોની આવક ભલે વધે કે ન વધે પણ સરકારે ખેડૂતોને અપાતા ધિરાણના આંકમાં મસમોટો વધારો કરી દીધો છે. સરકારે વર્ષ 2019-20માં 13.50 લાખ કરોડ રૂપિયા બજેટમાં ફાળવ્યા હતા. આજે સરકારે કૃષિ ધિરાણ માટે 15 લાખ કરોડ રૂપિયાની જોગવાઈ કરી છે. દેશમાં કિસાન ક્રેડિટ કાર્ડ માત્ર 7 કરોડ ખેડૂતો પાસે છે. એટલે દરેક ખેડૂતોને 2 લાખ રૂપિયા ધિરાણ મળી રહે તેટલા રૂપિયાની બજેટમાં જોગવાઈ કરાઈ છે.

20 લાખ કરોડના રાહત પેકેજનો મોટો હિસ્સો ખેડૂતો, ખેતીવાડી અને તેનાથી સંબંધિત ધંધા માટે પણ હતો

કોરોના વાયરસની મોટી અસર ખેડૂતો પર પડી છે. ફળો અને શાકભાજીની ઘટતી માંગને કારણે જથ્થાબંધ બજારોમાં ભાવમાં નોંધપાત્ર ઘટાડો થયો છે. આ સાથે ખેડૂતો ખરીફ સીઝન તૈયાર પાક જેવા કે ઘઉં, સરસવ વગેરે બજારમાં વેચી શક્યા નથી. આવી સ્થિતિમાં ખેડુતો પર આર્થિક બોજ વધી રહ્યો છે. જથ્થાબંધ બજારમાં ડુંગળી આશરે 200-500 રૂપિયા ક્વિન્ટલ ચાલી રહી છે, જેના કારણે ખેડુતોનો ખર્ચ બહાર આવી રહ્યો નથી. તે ટામેટાં સાથે સમાન છે. ટામેટા 200-500 રૂપિયે ક્વિન્ટલ તથા દિલ્હીના રિટેલ બજારોમાં 10-15 કિલોના ભાવે વેચાઇ રહ્યા છે.

PM

ખેડૂતોને મોટી રાહત મળશે

દેશના અનેક રાજ્યો જેવા કે પંજાબ, હરિયાણા, રાજસ્થાન, મધ્યપ્રદેશ, દિલ્હી અને ગુજરાતમાં તીડની ટીમો આતંકમાં છે. આ રાજ્યોમાં આ તીડને પાકનો નાશ કર્યો છે. આવી સ્થિતિમાં, ખેડૂતોને આવા પેકેજ આપવાથી તેઓને ઘણી રાહત મળશે.તાજેતરમાં, આત્મનિર્ભર ભારત અભિયાન અંતર્ગત રૂ. 20 લાખ કરોડના રાહત પેકેજની જાહેરાત કરવામાં આવી હતી. આ પેકેજનો મોટો હિસ્સો ખેડુતો, ખેતીવાડી અને તેનાથી સંબંધિત ધંધા માટે પણ હતો. આ પેકેજમાં ખેડૂતો માટે રૂ. 30 હજાર કરોડની વધારાની ઇમરજન્સી વર્કિંગ કેપિટલ ફંડિંગ કરવામાં આવી હતી.

પાકિસ્તાન તરફથી આવેલા તીડે દેશના ઘણા રાજ્યોની મુસીબત વધારી દીધી છે. દેશના નવ રાજ્યો પર તીડના ઝૂંડ ત્રાટક્યા છે. જેમાં રાજસ્થાન, પંજાબ, હરિયાણા, મધ્ય પ્રદેશ, ગુજરાત, મહારાષ્ટ્ર, છત્તીસગઢ, તમિલનાડુ અને પશ્ચિમ બંગાળ સામેલ છે. જો કે આ રાજ્યો તીડની સમસ્યાના મુકાબલા માટે જુદા જુદા સ્તરે પ્રયાસ કરી રહ્યા છે.

ચોમાસા પહેલા ખતમ કરવાની તૈયારી

તીડના આ ઝૂંડને ચોમાસા પહેલા ખતમ કરવાની તૈયારી ચાલી રહી છે. કારણ કે તે સમયે ખરીફ પાક તૈયાર થશે. અને આ તીડ તેને ભારે નુકસાન પહોંચાડી શકે છે. કેન્દ્ર સરકારના તીડ ચેતવણી સંગઠને જણાવ્યું છે કે આ તીડ આગામી મહિનાઓમાં ખેડૂતો માટે મોટો ખતરો ઉત્પન્ન કરશે. તેને ચોમાસા પહેલા ખતમ કરવા જરૂરી છે. કારણ કે આવું નહીં કરવાથી તે ખરીફ પાકને મોટું નુકસાન પહોંચાડશે. વર્તમાન સમયમાં રાજસ્થાન, મધ્યપ્રદેશ, ગુજરાત અને મહારાષ્ટ્રમાં તીડ 303 સ્થળોએ 47 હજાર 308 હેક્ટર પાકને નુકસાન પહોંચાડી ચુક્યા છે.

તીડ સામે લડવા કરાઈ આવી તૈયારી

  • કેન્દ્રીય ગૃહ મંત્રાલયના જણાવ્યા અનુસાર, રાજસ્થાનના 21 જિલ્લાઓ, મધ્યપ્રદેશના 18 જિલ્લાઓ, ગુજરાતના બે જિલ્લાઓ અને પંજાબના એક જિલ્લામાં તીડના હુમલાને કાબૂમાં લેવા પગલાં લેવામાં આવ્યા છે.
    કેન્દ્રીય કૃષિ મંત્રાલયે ખેતરો પર રસાયણો છાંટવાથી તીડના હુમલાને રોકવા માટે યુકેથી 60 વધારાના સ્પ્રેઅર્સની ખરીદીને મંજૂરી આપી છે.
  • રાજસ્થાનના કૃષિ વિભાગે જયપુર જિલ્લામાં તીડને કાબૂમાં રાખવા માટે જંતુનાશક દવા છંટકાવ કરવા માટે એક ડ્રોનની મદદ લીધી. જયપુર જિલ્લામાં ચૌમુ નજીક સમોદમાં ડ્રોનનો ઉપયોગ કરાયો. ડ્રોન ભાડે લેવામાં આવ્યા છે.
  • તીડના હુમલાની આશંકા બાદ ઉત્તર પ્રદેશમાં અગ્નિશામક વાહનો તૈનાત કરાયા જંતુનાશક દવા છાંટવામાં આવી રહ્યા છે તેમજ વાહનો પર ડીજે અને અન્ય સાધનો મૂકીને ભારે અવાજ કરવામાં આવી રહ્યો છે.
  • સરકારે જણાવ્યું કે, 200 તીડ સર્કલ કચેરીઓ (LCO) અસરગ્રસ્ત રાજ્યોના જિલ્લા વહીવટ અને કૃષિ ક્ષેત્રની મશીનરી સાથે સર્વે કરી રહી છે. આ પહેલા તીડના ઝુંડનો પ્રકોપ રાજસ્થાન અને ગુજરાત સુધી હતો. પરંતુ તીડના ઝુંડ પૂરતા પ્રમાણમાં ખોરાક ન મળતાં આ ઝુંડ ભારે પવનની મદદથી અન્ય વિસ્તારો તરફ આગળ વધી રહ્યું છે.
  • ભારતીય કૃષિ સંશોધન પરિષદના ડાયરેક્ટર જનરલ ત્રિલોચન મહાપાત્રાના જણાવ્યા અનુસાર તીડના ઝુંડે આશરે 40 હજાર હેક્ટર જમીન પર હુમલો કર્યો છે.
  • યુનાઇટેડ નેશન્સ બોડી ફૂડ એન્ડ એગ્રિકલ્ચર ઓર્ગેનાઇઝેશન (FAO)ના જણાવ્યા અનુસાર, તીડના હુમલાથી અસરગ્રસ્ત દેશો સામે અન્ન સુરક્ષાનું સંકટ ઉભી થાય છે, કારણ કે પુખ્ત તીડ દરરોજ બે ગ્રામ વજન જેટલું વનસ્પતિ ખાઈ શકે છે.
  • એફએઓ અનુસાર તીડના ઝુંડના એક ચોરસ કિલોમીટરની અંદર ચારથી આઠ કરોડ પુખ્ત તીડ હોઈ શકે છે. દર એક દિવસ, જો તેઓ 130-150 કિ.મી.નું અંતર કાપે છે, તો તેઓ 35,000 લોકો દ્વારા ખાવામાં આવેલા આહારની બરાબર ખોરાક લઈ શકે છે.
  • મધ્યપ્રદેશ અને રાજસ્થાનની સરહદે આવેલા ઉત્તરપ્રદેશના લગભગ 10 જિલ્લાઓમાં તીડનો હુમલો થવાનો ખતરો છે.
  • કૃષિ વિભાગના અધિકારીઓએ જણાવ્યું કે, તીડના ઝૂંડ પર નિયંત્રણ માટે ખેડૂતો ટોળું બનાવી અવાજ કરી, અવાજ કરતા DJ સહિતના સાધનો વગાડી તીડના ઝુંડને ડરાવી ભગાડી શકે છે. આ માટે ઢોલ, ટ્રેક્ટર, મોટરસાયકલ સાયલેન્સર, ખાલી ડબ્બા, થાળી વગેરેમાંથી અવાજ કરાઈ રહ્યો છે

Related posts

દેશ પાસે માફી માગે મોદી: ચીનની પીછેહટ પર કોંગ્રેસે કર્યો ઘેરાવ, દેશની જનતાને સંબોધી સચ્ચાઈ બતાવે મોદી

Pravin Makwana

શંકરસિંહ વાઘેલાએ કોરોનાને આપી માત, કોરોનામુક્ત થતાં બાપૂને હોસ્પિટલમાંથી અપાઈ રજા

Pravin Makwana

મહારાષ્ટ્રમાં વધુ 5300થી વધુ નવા પોઝીટીવ સાથે આંક 2.12 લાખ અને 9 હજારના થયા મોત

Harshad Patel
Do NOT follow this link or you will be banned from the site!