GSTV

BIG NEWS : મોદી સરકારનો મોટો નિર્ણય, લાંબા સમયથી જે વિચારણા પર મંથન કરી રહ્યાં હતાં તેના પર આજે લઈ લીધો ફૈંસલો

PM-Modi

કેન્દ્રની મોદી સરકારે શનિવાર રોજ મોટો નિર્ણય કરતા વિવિધ મંત્રાલયોમાં 13 નવા સચિવોની નિમણૂંક કરી છે. શનિવારે કર્મચારી અને તાલીમ વિભાગે આ સંદર્ભે એક જાહેરનામું પણ બહાર પાડ્યું છે. 13 નવા સચિવોની નિમણૂંક સાથે કેન્દ્ર સરકારે 5 IAS અધિકારીઓને વિશેષ સચિવ કક્ષાની બઢતી આપી છે. મળતી માહિતી મુજબ કેન્દ્ર સરકાર લાંબા સમયથી બઢતી પર વિચારણા કરી રહી હતી અને આ હુકમમાં બઢતી આપનારા અધિકારીઓની યાદી પણ તૈયાર કરવામાં આવી રહી હતી. ત્યારે આ યાદી પર શુક્રવારના રોજ અંતિમ નિર્ણય લેવામાં આવ્યો હતો અને તેની સૂચના શનિવારના રોજ આપવામાં આવી.

જાણો કયા નવા સચિવોની નિમણૂંક કરાઇ?

  1. મધ્ય પ્રદેશ કેડરના 1985 બેચના IAS અધિકારી દીપક ખાંડેકરને કર્મચારી અને તાલીમ વિભાગના સચિવ બનાવવામાં આવ્યાં છે. આ અગાઉ તે આદિજાતિ કલ્યાણ વિભાગના સચિવ તરીકે કાર્યરત હતાં.
  2. ઓરિસ્સા કેડરના 1985 બેચના IAS અધિકારી ઉપેન્દ્ર પ્રસાદ સિંહને કાપડ મંત્રાલયમાં સચિવ તરીકે નિયુક્ત કરવામાં આવ્યાં છે. આ પહેલાં તેઓ જળ ઊર્જા, જળ સંસાધન, નદી વિકાસ અને ગંગા કાયાકલ્પ વિભાગના સચિવ હતાં.
  3. મધ્ય પ્રદેશ કેડરના 1987 બેચના IAS અધિકારી, રાજેશકુમાર ચતુર્વેદીને ખાતર વિભાગના સચિવ તરીકે નિયુક્ત કરવામાં આવ્યાં છે. આ પહેલાં તેઓ કેમિકલ્સ અને પેટ્રો કેમિકલ્સ, કેમિકલ્સ અને ખાતરોના મંત્રાલયના સેક્રેટરી હતાં.
  4. કર્ણાટક કેડરના 1985 બેચના IAS અધિકારી યોગેન્દ્ર ત્રિપાઠીને પર્યટન મંત્રાલયમાં સચિવ તરીકે નિયુક્ત કરવામાં આવ્યાં. જેઓ પહેલાં રસાયણ અને પેટ્રોકેમિકલ્સ વિભાગમાં સચિવ તરીકે નિયુક્ત હતાં.
  5. 1986ની બેંચના ઉત્તર પ્રદેશ કેડરના IAS અધિકારી આલોક ટંડનને ખાણકામ મંત્રાલયમાં સચિવ પદ પર તેઓને નિયુક્ત કરવામાં આવ્યાં છે.
  6. ઓરિસ્સા કેડરના 1986ની બેચના IAS અધિકારી જી વી વેણુગોપાલા સર્માની રાષ્ટ્રીય ઓથોરિટી, કેમિકલ હથિયારો સંમેલનના અધ્યક્ષ તરીકે નિમણૂંક કરવામાં આવી છે.
  7. 1987 બેચના નાગાલેન્ડ કેડરના IAS અધિકારી પંકજ કુમાર કે જેઓને જળ સંસાધન, નદી વિકાસ અને ગંગા કાયાકલ્પ વિભાગના સચિવ બનાવવામાં આવ્યાં છે.
  8. તમિલનાડુની કેડરના 1987ની બેચના IAS અધિકારી ઑટમ દાઇની સેક્રેટરી કેટેગરીમાં બઢતી કરાઇ છે. જેઓ સેન્ટ્રલ વિજિલન્સ કમિશનમાં સેક્રેટરી તરીકે કામ કરશે.
  9. 1988ની બેચના યુપી કેડરના IAS અધિકારી આલોકકુમાર I, કે જેઓને ઊર્જા મંત્રાલયના સચિવ બનાવવામાં આવ્યાં છે.
  10. 1988ની બેચના ગુજરાત કેડરના IAS અધિકારી વિદ્યુત બિહારી સ્વૈનને સૂક્ષ્મ અને લઘુ મંત્રાલયના સચિવ બનાવવામાં આવ્યાં છે.
  11. 1988ની બેચના IAS અધિકારી પ્રવીણકુમાર શ્રીવાસ્તવને કેબિનેટ સચિવાલય સચિવ (સંકલન), બનાવવામાં આવ્યાં છે.
  12. મહારાષ્ટ્ર કેડરના 1988 બેચના IAS અધિકારી અરવિંદ સિંહને પર્યટન મંત્રાલયના સચિવ બનાવવામાં આવ્યાં છે.
  13. ઝારખંડ કેડરના 1988 બેચના અધિકારી અલકા તિવારીને અનુસૂચિત જનજાતિ માટેના રાષ્ટ્રીય પંચમાં સચિવ બનાવવામાં આવ્યાં છે.

READ ALSO :

Related posts

ખાસ વાંચો/ વરિષ્ઠ નાગરિકોને કાનૂની સુરક્ષા આપશે મોદી સરકાર, જમાઇ અને વહુઓએ પણ વૃદ્ધોને આપવુ પડશે ભરણપોષણ ભથ્થુ

Bansari

ખાસ વાંચો / રેલ્વે યાત્રીઓને મોટો ઝટકો: રેલ્વેએ ભાડામાં કર્યો વધારો, જાણો તમારા ખીસ્સા પર થશે કેટલી અસર

Mansi Patel

મહારાષ્ટ્રમાં કોરોના વિસ્ફોટ: વાશિમની હોસ્ટેલમાં 190 વિદ્યાર્થીઓનો રિપોર્ટ પોઝિટીવ આવતા ખળભળાટ મચ્યો, સરકારી તંત્ર આવ્યું હરકતમાં

pratik shah
Do NOT follow this link or you will be banned from the site!