નાણાકીય વર્ષ ૨૦૧૯માં ભારતના મ્યુચ્યુઅલ ફંડ ઉદ્યોગમાં એકદંરે કર્મચારીઓની સંખ્યામાં ૨૮ ટકાનો વધારો નોંધાયો હતો. નબળાં નાણાકીય બજારો છતાં પણ મ્યુચ્યુઅલ ફંડ પ્રોડક્ટ્સની માંગમાં વધારો થવાનું આ પરિણામ હતું. એક ફંડ મેનેજરે જણાવ્યું હતું કે, મ્યુચ્યુઅલ ફંડ્સે તેમના બિઝનેસમાં વધારો કરવા માટે દેશનાં નાનાં શહેરોમાં પણ તેમના વિસ્તરણની યોજના બનાવી રહ્યા છે. પ્રીમિયમ એક્ઝિક્યુટિવ સર્ચ કંપની વિટોઅલ્ટર દ્વારા સંકલિત કરવામાં આવેલા આંકડા જણાવે છે કે, આઇસીઆઇસીઆઇ પ્રુડેન્શિયલ મ્યુચ્યુઅલ ફંડે નાણાકીય વર્ષ ૨૦૧૯માં તેનો સ્ટાફ ૬૨ ટકા વધારીને ૨૧૦૦ કરી દીધો હતો, જ્યારે એચડીએફસી એએમસી ખાતે કર્મચારીઓની સંખ્યા ૨૫ ટકા વધારીને ૧૬૦૦ કરી હતી.
આ ઉપરાંત રિલાયન્સ નિપ્પોન લાઇફ મ્યુચ્યુઅલ ફંડે નાણાકીય વર્ષ ૨૦૧૯માં તેના સ્ટાફની મજબૂતાઈ ૨૬ ટકા વધારીને ૧૭૦૦ કરી હતી જ્યારે એસબીઆઇ મ્યુચ્યુઅલ ફંડના કર્મચારીઓની સંખ્યા ૩૧ ટકા વધારીને ૧૭૦૦ જેટલી કરી હતી. મ્યુચ્યુઅલ ફંડ ઉદ્યોગે નાણાકીય વર્ષ ૨૦૧૯માં તેમના સ્ટાફને આશરે આઠ ટકાથી ૧૨ ટકા ઇન્ક્રિમેન્ટ આપ્યું હતું, જેની સાથે ૨૦-૩૦ ટકા માર્કેટ લિન્ક્ડ ઇન્ક્રિમેન્ટ તથા બોનસનો પણ સમાવેશ થાય છે.
રિલાયન્સ નિપ્પોન લાઇફ એસેટ મેનેજમેન્ટના સીઇઓ સુન્દીપ સિક્કાએ જણાવ્યું હતું કે, અમે આઇપીઓ બાદ ૧૨૦થી વધારે લોકેશન્સનો ઉમેરો કર્યો છે અને હાલમાં અમે દેશના ૩૦૦ લોકેશન્સ પર હાજરી ધરાવીએ છીએ. હજુ પણ મ્યુચ્યુઅલ ફંડ ઉદ્યોગ પાસે બે કરોડથી ઓછા રોકાણકારો છે જેની સરખામણીએ ભારતની કુલ વસતિ ૧૩૦ કરોડથી વધુની છે, જેને પરિણામે વૃદ્ધિ માટે મોટી સંભાવના છે.
Read Also
- ટ્રાફિકના નવા કાયદાનો આ પાર્ટીએ કર્યો વિરોધ, આપી જલદ આંદોલનની ચીમકી
- એએમસીની ઘોર બેદરકારી, પકડેલા ઢોરને દયનીય સ્થિતિમાં રાખવામાં આવે છે
- સૌરાષ્ટ્રમાં તપેલી ખોપડીઓ પર તપેલીઓ રખાઈ, હેલમેટ ન મળતાં સાયકલ લઇ પહોંચ્યા કોર્ટ
- આ વ્યક્તિએ ચાઈનીઝ નૂડલ્સનાં પેકેટથી બનાવ્યું ઘર, PHOTOS જોશો તો રહી જશો દંગ!
- સાયલામાં રિવોલ્વરની અણીએ આંગડિયા પેઢીમાં લાખોની લૂંટ