GSTV
Finance Health & Fitness Life Trending

પોતાના દાંતોને આપો વીમાનું સુરક્ષા કવચ, PNB MetLifeએ લોન્ચ કર્યો ડેન્ટલ હેલ્થ ઈન્સ્યોરન્સ પ્લાન

ઝડપથી બદલાતી જીવનશૈલીએ આપણા સ્વાસ્થ્ય પર સૌથી વધુ અસર કરી છે. નવા રોગો ઉભા થયા છે. ઉપરથી વધતી જતી મોંઘવારીના કારણે તેની યોગ્ય સારવાર કરવી પણ મુશ્કેલ બની ગઈ છે. મહાનગરોમાં તબીબી ખર્ચ એટલો વધી ગયો છે કે હવે યોગ્ય હોસ્પિટલમાં સારવાર મેળવવી સામાન્ય માણસની પહોંચની બહાર છે. જો તમારે તાવને કારણે હોસ્પિટલમાં દાખલ થવું પડે તો એક દિવસનો ખર્ચ લગભગ 10,000 રૂપિયા છે. આવી સ્થિતિમાં, વીમો આપણને એક મોટા આધાર તરીકે મદદ કરે છે.

આજકાલ દાંતની સમસ્યા પણ લગભગ દરેક વ્યક્તિમાં જોવા મળી રહી છે. દાંતની સારવાર કરાવવામાં વ્યક્તિ પર કોઈ નાણાકીય બોજ ન પડે તે ધ્યાનમાં રાખીને, PNB MetLife એ ડેન્ટલ કેર પ્લાન લૉન્ચ કર્યો છે. આ પ્લાનની ખાસ વાત એ છે કે તેમાં ડેન્ટલ ઓપીડીનો ખર્ચ પણ સામેલ છે. ડેન્ટલ પ્લાનનો ફાયદો એ છે કે લોકોએ ડેન્ટલ ટ્રીટમેન્ટ માટે તેમની બચત ખર્ચવાની જરૂર નથી.

350 ડેન્ટલ ક્લિનિક્સ સાથે ટાયઅપ

PNB MetLifeએ તેની ડેન્ટલ હેલ્થ ઈન્સ્યોરન્સ યોજનાઓ માટે દેશની ટોચની ડેન્ટલ ક્લિનિક ચેઈન ‘ક્લોવ ડેન્ટલ’ અને ‘સબકા ડેન્ટિસ્ટ’ સાથે જોડાણ કર્યું છે. આ ઉપરાંત, કંપનીએ દેશભરમાં 340 થી વધુ ડેન્ટલ ક્લિનિક્સ સાથે જોડાણ કર્યું છે. PNB MetLife દાવો કરે છે કે તે ડેન્ટલ OPD લાભો સાથે તમામ પ્રકારના ડેન્ટલ ટ્રીટમેન્ટ ખર્ચને આવરી લેતી તેની પ્રકારની પ્રથમ સ્વાસ્થ્ય વીમા યોજના છે.

ટેક્સ બેનિફીટ પણ મળશે

PNB MetLife ડેન્ટલ હેલ્થ ઈન્સ્યોરન્સ પ્લાનમાં, તમે માત્ર રૂ.3,006માં રાતોરાત હોસ્પિટલમાં દાખલ થવા પર કોઈ મુશ્કેલી વિના દાંતની સારવાર પર રૂ.50,000 સુધીના લાભો મેળવી શકો છો. આ પ્લાનમાં, દરેક પ્રક્રિયા માટે રૂ. 350 થી રૂ. 7500 સુધીના નિશ્ચિત લાભો અને રૂ. 50 હજાર સુધીની વીમા રકમ ઓફર કરવામાં આવી રહી છે.

ખાસ વાત એ છે કે ડેન્ટલ હેલ્થ ઈન્સ્યોરન્સ પ્લાન પર પણ તમે ઈન્કમ ટેક્સની કલમ 80D હેઠળ ટેક્સ બેનિફિટ લઈ શકો છો.

READ ALSO:

Related posts

VIDEO : અજગર સામે થથરી ગયો જંગલનો રાજા, ઉભી પૂંછડીએ ભાગ્યો સિંહ

GSTV Web Desk

VIDEO : ચીનમાં ભયાનક અકસ્માત : 10 મિનિટમાં અથડાયા 46 વાહનો, 16 મોત, 66 ઈજાગ્રસ્ત

GSTV Web Desk

રાજસ્થાન / પીએમ મોદીએ જયપુરમાં મહાખેલના સ્પર્ધકોને સંબોધિત કર્યા, જાણો શું કહ્યું

Akib Chhipa
GSTV