GSTV

દિલ્હી MCD પેટાચૂંટણી: આમ આદમી પાર્ટીએ રંગ રાખ્યો, ભાજપને મોં બતાવવા જેવું ન રાખ્યું, 5માંથી 4 સીટ જીતી લીધી

Last Updated on March 3, 2021 by Pravin Makwana

દિલ્હી મ્યુનિ.ના 5 વોર્ડમાં થયેલ પેટા ચૂંટણીમાં આમ આદમી પાર્ટીએ 4 વોર્ડમાં જીત મેળવી છે. જ્યારે કોંગ્રેસને એક વોર્ડમાં જીત મળી અને ભાજપને એક પણ બેઠક ના મળી. આમ આદમી પાર્ટીએ ભાજપના કબ્જાવાળી શાલીમાર બાગ વોર્ડમાં જીત મેળવી હતી. જ્યારે આમ આદમી પાર્ટીએ ચૌહાણ બાંગર બેઠક ગુમાવી, જ્યાં કોંગ્રેસે જીત મેળવી છે. આ પેટાચૂંટણીના પરિણામોને આગામી વર્ષે યોજાનાર મ્યુનિસિપાલિટી ચૂંટણી અગાઉ મહત્ત્વપૂર્ણ માનવામા આવી રહ્યાં છે.

સમ ખાવા પુરતા કોંગ્રેસના એક માત્ર ઉમેદવાર જીત્યા

કલ્યાણપુરી વોર્ડમાં આપના ધીરેન્દ્ર કુમારે ભાજપના સિયા રામને માત આપી હતી. જ્યારે રોહિણી-સી વોર્ડમાં આપના રામચંદ્રએ જીત મેળવી. શાલીમાર બાગથી આપના ઉમેદવાર સુનીતા મિશ્રાએ જીત મેળવી. ત્રિલોકપુરીમાં પણ AAP એ જીત મેળવી હતી. માત્ર ચૌહાણ બાંગર વોર્ડમાં આમ આદમી પાર્ટીએ હારનો સામનો કરવો પડ્યો હતો. કોંગ્રેસના જુબૈર ચૌહાણે આપના પૂર્વ ધારાસભ્ય હાજી ઈશરાકને માત આપી હતી.

ભાજપ હારવા છતાં બચાવ કરતી દેખાઈ

ગત વખત કરતા કલ્યાણપુરીમાં ભાજપની હારનું અંતર 10 ગણું વધી ગયું છે. અહીં ભાજપના ઉમેદવાર સિયારામ કનોજીયાએ હાર માટે કોંગ્રેસને દોષ આપ્યો હતો. તેમણે કહ્યું કે, ‘કોંગ્રેસનો સફાયો થઈ ગયો છે. જેના વોટ આમ આદમી પાર્ટી તરફ ડાયવર્ટ થયા છે. આમ આદમી પાર્ટીએ સારું પ્રદર્શન નથી કર્યું, કોંગ્રેસે ખરાબ પ્રદર્શન કર્યું છે.’

2022માં તમામ વોર્ડમાં થશે ચૂંટણી, આ ચૂંટણી છે સેમિફાઈનલ

MCD ની પેટાચૂંટણીમાં 5 માંથી 4 બેઠકો પર આમ આદમી પાર્ટીએ જીત મેળવતા દિલ્હીના મુખ્યમંત્રી અરવિંદ કેજરીવાલે કહ્યું કે, ‘દિલ્હીમાં 5 વોર્ડની પેટાચૂંટણીમાંથી 4 બેઠકો પર આપનો વિજય થતા જોઈ શકાય છે કે, લોકો આમ આદમી પાર્ટીના કામથી ખુશ છે. જ્યારે ભાજપને શૂન્ય બેઠક મળી તે દેખાડે છે કે, ભાજપના 15 વર્ષના કામથી લોકો ઘણા નારાજ છે. દિલ્હીમાં ચારેય તરફ MCDએ ગંદકી ફેલાવી રાખી છે. MCD માં મોટાપાયે ભ્રષ્ટાચાર જોવા મળે છે. લોકો ઈચ્છે છે કે દિલ્હી સરકાર જે રીતે સારું કામ કરી રહી છે, એ રીતે MCDમાં પણ સારું કામ થાય.’

READ ALSO

Related posts

ભ્રષ્ટાચાર / નીતિનિયમોને નેવે મૂકી વિકાસ કામો કર્યાનો આક્ષેપ, સરકારી યોજનાઓમાં થઈ રહી છે મોટાપાયે ગેરરીતી

GSTV Web Desk

Health Tips / કોવિડ-19માંથી સાજા થયા પછી ન કરો આ મોટી ભૂલ, નબળાઈ અને થાક નહીં છોડે પીછો

Vishvesh Dave

શેરબજાર માટે નોન ઇવેન્ટ પૂરવાર થશે બજેટ! સરકાર આ ક્ષેત્રો પર કરશે ધ્યાન કેન્દ્રિત

GSTV Web Desk
Do NOT follow this link or you will be banned from the site!