GSTV

Ransomware Attack/ દુનિયાનો સૌથી મોટો રેન્સમવેર એટેક, 17 દેશોને બનાવ્યા નિશાન

રેન્સમવેર

Last Updated on July 6, 2021 by Damini Patel

દુનિયાનો સૌથી મોટો રેન્સમવેર એટેક કરીને ૧૭ દેશોને પ્રભાવિત કરનારા હેકર્સ રશિયાના છે. અમેરિકન તપાસ એજન્સી એફબીઆઈએ આ જાણકારી આપીને તેની ઊંડાણપૂર્વક તપાસ શરૂ કર્યાનું કહ્યું હતું. રેવિલ નામના હેકર્સે જ અગાઉ મલ્ટિનેશનલ કંપની જેબીએસ પાસેથી માતબર ૧.૧ કરોડ ડોલરની ખંડણી વસૂલી હતી.

૧૭ દેશોમાં હાહાકાર

જેને દુનિયાનો સૌથી મોટો રેન્સમવેર એટેક ગણવામાં આવે છે તેણે ૧૭ દેશોમાં હાહાકાર મચાવ્યો હતો. જગતની સૌથી મોટી મીટ ઉત્પાદક મલ્ટિનેશનલ કંપની જેબીએસ પર રેન્સમવેર એટેક કરીને રેવિલ નામના હેકર્સ ગુ્રપે ૧.૧ કરોડ ડોલરની તોતિંગ ખંડણી વસૂલી હતી. એવાં જ બીજાં હુમલાં પણ થયા હતા.

એફબીઆઈની તપાસમાં જણાયું હતું કે આ રેન્સમવેર એટેક ૧૭ દેશોમાં થયો હતો અને અબજો રૃપિયાની ખંડણી વસૂલાઈ હતી. એફબીઆઈએ દાવો કર્યો હતો કે હેકર્સનું ગુ્રપ રશિયન છે. એફબીઆઈએ કહ્યું હતું કે હુમલો અલગ અલગ કંપનીઓ પર થયો હોવાથી તેનો ચોક્કસ આંકડો આપવો શક્ય બનશે નહીં, પરંતુ કરોડો-અબજો રૃપિયા ખંડણી પેટે મેળવ્યા હોવાની શક્યતા નકારી શકાતી નથી. અમેરિકાની જ ૨૦૦ જેટલી કંપનીઓ પર આ રેન્સમવેર એટેક થયો હતો. અમેરિકાની કાસિયા કંપનીને ખાસ નિશાન બનાવાઈ હતી. ૧૦ દેશોમાં ફેલાયેલી આ કંપની પાસે ૫૦ લાખ ડોલરની ખંડણીની માગણી થઈ હોવાનું કહેવાય છે.

અમરિકા પ્રમુખનો તપાસનો આદેશ

JOE BIDEN

અગાઉ પ્રમુખ જો બાઈડેને પણ વ્હાઈટ હાઉસની પ્રેસ કોન્ફરન્સમાં કહ્યું હતું કે જો રશિયા આમાં સામેલ હશે તો અમેરિકા તેનો જડબાતોડ જવાબ આપશે. બાઈડેને ઊંડાણપૂર્વક તપાસનો આદેશ પણ આપ્યો હતો. અગાઉ બાઈડેને રશિયન પ્રમુખ પુતીનને રેવિલ જેવા હેકર્સ ગ્રુપને રશિયા બચાવે નહીં તેવી રજૂઆત પણ કરી હતી. એ પછી જ સૌથી મોટો રેન્સમવેર એટેક થયો હતો.

Read Also

Related posts

IPL 2021 / કાર્તિક ત્યાગીએ છેલ્લી ઓવરમાં બાજી પટલી, પંજાબે જીતેલી મેચ ગુમાવી: રાજસ્થાનની શાનદાર જીત

Zainul Ansari

VIDEO / પલકના ઝબકારે દીવાલ પર ચડી ગઈ આ ‘સ્પાઇડર ગર્લ’, વીડિયો જોઈ લોકો રહી ગયા દંગ: તમે જોયો કે નહીં?

Zainul Ansari

ભોજપુરી સિનેમા : એક સમયે 120 રૂપિયામાં હોટલમાં કામ કરતી હતી મોનાલિસા, આજે છે કરોડોની મલિક

Vishvesh Dave
Do NOT follow this link or you will be banned from the site!