GSTV

જમ્મુ-કાશ્મીર જ નહી, ભારતના આ રાજ્યોમાં પણ તમે જમીન ન ખરીદી શકો

5 ઓગસ્ટ 2019ના રોજ જમ્મુ-કાશ્મીરમાંથી કલમ 370 હટાવા માટે સંસદના ઉપલા સદન રાજ્યસભામાં જમ્મુ-કાશ્મીર પુનર્ગઠન બિલ રજૂ કરવામાં આવ્યુ. તે બાદ જમ્મુ-કાશ્મીરમાં અનેક બદલાવ થઇ શકે છે. સૌથી મોટો બદલાવ એ થશે કે હવે બહારના લોકો આ રાજ્યમાં જમીન ખરીદી શકશે. અગાઉ કલમ 35 એ અંતર્ગત ફક્ત જમ્મુ-કાશ્મીરના નિવાસી જ જમીનની ખરીદ-વેચ કરી શકતાં હતા. ગૃહ મંત્રી અમિત શાહે આ બિલ રજૂ કર્યુ. તેમનું સમર્થન કરનારાઓની સૌથી મોટી દલીલ એ જ છે કે હવે બહારના લોકો પણ જમ્મુ-કાશ્મીરમાં જમીન ખરીદી શકાશે. પરંતુ તમને જણાવી દઇએ કે દેશમાં એવા અનેક રાજ્યો છે, જ્યાં બહારના લોકો રાજ્યની જમીન નથી ખરીદી શકતાં.

હિમાચલ પ્રદેશ

જમ્મુ-કાશ્મીર પાસે આવેલું રાજ્ય છે હિમાચલ પ્રદેશ. અહીં પણ બહારના લોકો જમીન નથી ખરીદી શકતાં. ત્યાં સુધી કે ખેડૂત ન હોય તેવા હિમાચલી પણ જમીન ન ખરીદી શકે, ભલે તેમની પાસે હિમાચલનું રાશન કાર્ડ કેમ ન હોય. વર્ષ 1972ના જમીન મુદત કાયદાની ધારા 118 પ્રભાવમાં આવી હતી, જેના અંતર્ગત કોઇપણ બિન ખેડૂત અથવા બહારના નિવાસી હિમાચલ પ્રદેશમાં જમીન ન ખરીદી શકે.

નૉર્થ ઇસ્ટના રાજ્યો

નૉર્થ ઇસ્ટમાં અનેક એવા રાજ્યો છે, જ્યાં બહારના લોકો જમીન ન ખરીદી શકે. અરુણાચલ પ્રદેશ, નાગા લેન્ડ, મિઝોરમ, મેઘાયલ, સિક્કીમ અને મણિપુર એવા જ રાજ્યો છે. ત્યાં સુધી કે નૉર્થ ઇસ્ટના નિવાસી પણ એકબીજાના રાજ્યમાં જમીન ન ખરીદી શકે.

સિક્કીમમાં ફક્ત સિક્કીમના નિવાસીઓ જ જમીન ખરીદી શકે છે. ભારતના બંધારણના અનુચ્છેદ 371એફ,  જે સિક્કીમને વિશેષ જોગવાઇ આપે છે, બહારના લોકને સામેલ ભૂમિ અથવા સંપત્તિનું વેચાણ અને ખરીદી પર પ્રતિબંધ લગાવે છે. આ ઉપરાંત રાજ્યના જનજાતીય ક્ષેત્રોમાં ફક્ત આદિવાસી જ ભૂમિ અને સંપત્તિ ખરીદી શકે છે.

સાથે જ નાગાલેન્ડને પણ કાશ્મીર જેવી જ વિશેષ જોગવાઇ મળેલી છે. 1963માં રાજ્ય બનવાની સાથે જ વિશેષ અધિકાર સ્વરૂપે આર્ટિકલ 371 (A)ની જોગવાઇ મળી હતી. તેમાં એવા અનેક મામલા છે જેમાં હસ્તક્ષેપ ન કરી શકાય.

સામાજિક અને ધાર્મિક પ્રવૃત્તિઓ

નગા સંપ્રદાયના કાયદા

નગા કાયદાના આધારે નાગરિક અને ગુનાહિત મામલામાં ન્યાય

જમીનની માલિકી અને ખરીદ-વેચાણ

સ્પષ્ટરૂપે જમ્મુ-કાશ્મીર એકમાત્ર એવું રાજ્ય નથી જ્યાં આ કાયદાનું અસ્તિત્વ રહ્યું છે. ભારતના વિભિન્ન રાજ્યોને જમીન અને કાયદાના મામલે વિશેષ દરજ્જો મળ્યો હતો.

Read Also

Related posts

Fact Check : શું રૂપિયા 5, 10 અને 100ની નોટો બંધ થઇ જશે! જાણો શું છે હકીકત

Pravin Makwana

56 ઈંચની છાતીવાળા પાસે ચીન માટે બોલવા એક શબ્દ નથી, રાહુલ ગાંધીએ પીએમ મોદી પર કર્યા આકરા પ્રહારો

Karan

વાસ્તુ શાસ્ત્ર/ આ વસ્તુઓને જમીન પર રાખવી મનાય છે અશુભ, તમારા જીવનમાં આવી શકે છે મોટી મુશ્કેલીઓ

Bansari
Do NOT follow this link or you will be banned from the site!